- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Уллу сёзде уят джокъ.
- Джаш болсун, къыз болсун, акъылы, саны тюз болсун.
- Ата джурт – алтын бешик.
- Аджалсыз ёлюм болмаз.
- Алтыннга тот къонмаз.
- Сёз сёзню айтдырыр.
- Ашлыкъ – бюртюкден, джюн – тюкден.
- Орундукъ тюбюнде атылсам да, орта джиликме, де да айлан.
- Кёзюнде тереги болгъан, чёбю болгъаннга кюле эди.
- Мухарны эси – ашарыкъда.
- Чомартха хар кюн да байрамды.
- Зар адам ашынгы ашар, кесинги сатар.
- Садакъачыны джаны – къапчыгъында.
- Бал чибинни ургъаны – ачы, балы – татлы.
- Ата Джуртча джер болмаз, туугъан элча эл болмаз.
- Эм ашхы къайын ана мамукъ бла башынгы тешер.
- Къыз тиширыу кеси юйюнде да къонакъды.
- Туз, гырджын аша, тюзлюк бла джаша.
- Тойгъанлыкъ къойгъа джарашады.
- Кёзден кетген, кёлден да кетеди.
- Ким бла джюрюсенг, аны кёзю бла кёрюнюрсе.
- Адамны сабийин сюйген джюреги, бычакъча, джитиди.
- Эки ойлашыб, бир сёлешген.
- Бир абыннган – минг сюрюнюр.
- Бети бедерден, намыс сакълама.
- «Ёгюз, джаргъа джууукъ барма, меннге джюк боллукъса», - дегенди эшек.
- Юйлю уругъа ит чабмаз.
- Окъумагъан сокъурду, сокъур ташха абыныр!
- Гугук кесини атын айтыб къычыргъанча, мен, мен деб нек тураса?
- Терслик кетер, тюзлюк джетер.
- Къатын къылыкъсыз, эр тынчлыкъсыз.
- Айтхан – тынч, этген – къыйын.
- Халкъны юйю – туугъан джери.
- Мал ёлсе, сюек къалыр, адам ёлсе, иши къалыр.
- Ишге юренсин къоллары, халкъ бла болсун джоллары.
- Игини сыйлагъан адетди.
- Этим кетсе да, сюегим къалыр.
- Джарлы джети элни сёзюн этер.
- Ачны эсинде – аш.
- Билмезни кёзю кёрмез, этмезни къулагъы эшитмез.
- Ашаса, ашамаса да, бёрюню ауузу – къан.
- Тил – миллетни джаны.
- Джолда аягъынга сакъ бол, ушакъда тилинге сакъ бол.
- Ашатыргъа иш – ашхы, ишлетирге аш – ашхы.
- Ёзденликни джайгъан – джокълукъ.
- Битмегеннге сакъал – танг.
- Аман киши кеси юйюнде – къонакъ.
- Аз сёлешген, къайгъысыз турур.
- Алгъанда – джууукъ, бергенде – джау.
Чуюютлю дауат этеди!
Читают тему (гостей: 1)