- Чабакъгъа акъыл, табагъа тюшсе келеди.
- Ишни аллы бла къууанма да, арты бла къууан.
- Уллу айтханны этмеген – уллаймаз.
- Акъыллы башны – тили къысха.
- Джашынгы кесинг юретмесенг, джашау юретир.
- Аман хансны – урлугъу кёб.
- Чомарт джарлы болмаз.
- Тилчи бир сагъатха айлыкъ хата этер.
- Келгинчи, къонакъ уялыр, келгенден сора, къонакъбай уялыр.
- Ачылгъан эт джабылыр, кёрген кёз унутмаз.
- Дууулдаса – бал чибин, къонса – къара чибин.
- Къонакъ болсанг, ийнакъ бол.
- Чакъырылмагъан къонакъ тёрге атламаз.
- Ёксюзню тилеги къабыл болур.
- Тойгъа барсанг, тоюб бар, эски тонунгу къоюб бар.
- Къалгъан ишге къар джауар.
- От этилмеген джерден тютюн чыкъмайды.
- Джигер – джаннга къыйынлыкъ.
- Мал тутхан – май джалар.
- Уруну арты – къуру.
- Игиге айтсанг – билир, аманнга айтсанг – кюлюр.
- Акъыл сабырлыкъ берир.
- Тилсиз миллет джокъ болур.
- Къызбайны юйюне дери сюрсенг, батыр болур.
- Чакъырылмагъан джерге барма, чакъырылгъан джерден къалма.
- Кёб джат да, бек чаб.
- Тюзлюк шохлукъну бегитир.
- Байны оноуу, джарлыгъа джарамаз.
- Бал чибинни ургъаны – ачы, балы – татлы.
- Адебсиз адам – джюгенсиз ат.
- Мал ёлсе, сюек къалыр, адам ёлсе, иши къалыр.
- Къарт болгъан джерде, берекет болур, сабий болгъан джерде, оюн болур.
- Билим насыб берир, билим джолну керир.
- Этек чакъмакълары баш джаргъан, сёлешген сёзлери таш джаргъан.
- Минг тенг да азды, бир джау да кёбдю.
- Ачыкъ джюрекге джол – ачыкъ.
- Ана къойну – балагъа джандет.
- Къая джолда джортма, ачыкъ сёзден къоркъма.
- Ариу сёз аурууунгу алыр.
- Накъырда – кертини келечиси.
- Хар зат кесини орнуна иги.
- Чабакъ башындан чирийди.
- Сютден ауузу кюйген, суугъа юфгюре эди.
- Миллетни бойну – базыкъ, аны бла кюрешген – джазыкъ.
- Къанны къан бла джуума, аманны аман бла къуума.
- Ашда уялгъан – мухар, ишде уялгъан – хомух.
- Джырчы ёлсе, джыры къалыр.
- Джарлыны эшигин махтагъан джабар.
- Махтаннган къыз, тойда джукълар.
- Къарыусузгъа кюлме, онгсузгъа тийме.
Чуюютлю дауат этеди!
Читают тему (гостей: 4)