- Ушамагъан – джукъмаз.
- Кесине оноу эте билмеген, халкъына да эте билмез.
- Ата Джуртча джер болмаз, туугъан элча эл болмаз.
- Адебсиз адам – джюгенсиз ат.
- Къонакъ аман болса, къонакъбай джунчур
- Онгсузну – джакъла, тенгликни – сакъла.
- Хар зат кесини орнуна иги.
- Ата джурт – алтын бешик.
- Иги болса, тамадама – махтау, аман болса, меннге – айыб.
- Рысхысына кёре, джаш ёсер, къышлыгъына кёре, мал ёсер.
- Джан саулукъ бермей, сан саулукъ бермезсе.
- Тюзню ётмеги тюзде къалса да, тас болмаз.
- Билим насыб берир, билим джолну керир.
- Джаралыны джастыгъында сау ёлюр.
- Адам къыйынлыгъын кёлтюрюр, зауукълугъун кёлтюрмез.
- Къазанчы аман болса, къазаны къайнамаз.
- Сёз сёзню айтдырыр.
- Окъуусуз билим – джокъ, билимсиз кюнюнг – джокъ.
- Бал чибинни ургъаны – ачы, балы – татлы.
- Кюлме джашха – келир башха.
- Суу кетер, таш къалыр.
- Айран тёгюлсе, джугъусу къалыр.
- Джыгъылгъанны сырты джерден тоймаз.
- Айыбны суу бла джууалмазса.
- Ашха уста, юйюнде болсун
- Ойнай-ойнай кёз чыгъар.
- Сёз къанатсыз учар.
- Ёнгкюч къууана барыр, джылай келир.
- Алма терегинден кери кетмез.
- Адам сёзюнден белгили.
- Джылар джаш, атасыны сакъалы бла ойнар.
- Ётюрюк хапар аякъ тюбю бла джюрюйдю.
- Мухардан ач ычхынмаз.
- Аякъларынгы джууургъанынга кёре узат.
- Алим болгъандан эсе, адам болгъан къыйынды.
- Ашлыкъ – бюртюкден, джюн – тюкден.
- Билгенни къолу къарны джандырыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Биреуге аманлыкъ этиб, кесинге игилик табмазса.
- Билген билмегенни юретген адетди.
- Зар адам ашынгы ашар, кесинги сатар.
- Къатын байлыкъны сюер, эр саулукъну сюер.
- Адеби болмагъан къыз – тузсуз хант.
- Къолу уллу – асыу, аягъы уллу – джарсыу.
- Окъугъан – асыу, окъумагъан – джарсыу.
- Джырына кёре эжиую.
- Билимли ёлмез, билимсиз кёрмез.
- Берекет берсин деген джерде, берекет болур.
- Байлыкъ тауусулур, билим тауусулмаз.
- Джырчы джырчыгъа – къарнаш.
Чуюютлю дауат этеди!
Читают тему (гостей: 1)