- Айырылгъанланы айю ашар, бёлюннгенлени бёрю ашар.
- Къонакъ кёб келюучю юйню, къазаны отдан тюшмез.
- Азыкълы ат арымаз, къатыны аман джарымаз.
- Джаханимни кёрмей, джандетге кёл салмазса.
- Ёксюзню тилеги къабыл болур.
- Айыбны суу бла джууалмазса.
- Айтылгъан сёз ызына къайтмаз.
- Къартны бурнун сюрт да, оноугъа тут.
- Ач келгенни – тойдур, кеч келгенни – къондур.
- Джолунга кёре – джюрюшюнг, джагъанга кёре – юлюшюнг.
- Аманны эки битли тону болур, бирин сеннге кийдирир, бирин кеси киер.
- Тойгъа барсанг, тоюб бар, эски тонунгу къоюб бар.
- Айтылгъан буйрукъ, сёгюлмез
- Тойгъанлыкъ къойгъа джарашады.
- Таукелге нюр джауар.
- Арыгъан къош чамчы болур.
- Бастасын ашагъан, хантусун да ичер.
- Акъыл къартда, джашда тюйюлдю – башдады.
- Бойнуму джети джерден кессенг да, мен ол ишни этеллик тюлме.
- Къумурсхала джыйылсала, пилни да джыгъадыла.
- Аууз сакълагъан – джан сакълар.
- Къонакъ хазыр болгъанлыкъгъа, къонакъбай хазыр тюлдю.
- Джетген къыз джерли эшекни танымаз.
- Тил бла келеди джыр да.
- Кёл ашады да, кеси ашады.
- Къарт бла баш аша, джаш бла аякъ аша.
- Чакъырылмагъан къонакъ – орунсуз.
- Эрни эр этерик да, къара джер этерик да, тиширыуду.
- Сёз сёзню айтдырыр.
- Ишлегенде эринме, ишде чолакъ кёрюнме.
- Кийимни бир кюнню аясанг, минг кюннге джарар.
- Туз, гырджын аша, тюзлюк бла джаша.
- Ёнгкюч къууана барыр, джылай келир.
- Азыгъы аз, алгъа къабар, аты аман, алгъа чабар.
- Атадан ёксюз – бир ёксюз, анадан ёксюз – эки ёксюз.
- Аман киши кеси юйюнде – къонакъ.
- Алтыда кюлмеген, алтмышда кюлмез.
- Къызны минг тилер, бир алыр.
- Ауурну тюбю бла, дженгилни башы бла джюрюген.
- Арбаз сайлама да, хоншу сайла.
- Эм уллу байлыкъ – джан саулукъ.
- Эри аманны, къатыны – аман.
- Джерни букъусу кёкге къонмаз.
- Ойнай билмеген, уруб къачар.
- Байдан умут эте, джарлыдан ёгюз багъасы къорады.
- Байлыкъ адамны сокъур этер.
- Адеб джокъда, намыс джокъ.
- Кийим тукъум сордурур.
- Халкъны юйю – туугъан джери.
- Къаллай салам берсенг, аллай джууаб алырса.
Мы в прошлом
|
О чем еще в этой рубрике мы могли бы еще рассказать?
|
|
|
|
|
|
ГЕНЕАЛОГИЯ СЕВЕРНОГО КАВКАЗА
Спецвыпуск: Материалов Первого Республиканского конкурса молодых исследователей ?Моя родословная? |
||||
|
|
|
|||
Читают тему (гостей: 1)