- Сёз – кюмюш, джыр – алтын.
- Адамны аманы адамны бети бла ойнар.
- Эки къатын алгъанны къулагъы тынгнгаймаз.
- Аш кетер да бет къалыр.
- Аманнга игилик этсенг, юйюнге сау бармазса.
- Кёрмегеннге кебек – танг, битмегеннге сакъал – танг.
- Ойнай билмеген, оюн бузар.
- Садакъачыны джаны – къапчыгъында.
- Къанны къан бла джуума, аманны аман бла къуума.
- Ишни ахырын ойламай, аллын башлама.
- Акъыллы эркиши атын махтар, акъылсыз эркиши къатынын махтар.
- Урунуу – насыбны анасы.
- Атадан ёксюз – бир ёксюз, анадан ёксюз – эки ёксюз.
- Гыдай эчки суугъа къараб, мюйюзле кёрмесе, джашма алкъын, дегенди.
- Соргъан айыб тюлдю, билмеген айыбды.
- Рысхысына кёре, джаш ёсер, къышлыгъына кёре, мал ёсер.
- Ашына кёре табагъы, балына кёре къалагъы.
- Эрине къаргъыш этген къатын, эрнин къабар.
- Окъугъан – асыу, окъумагъан – джарсыу.
- Аджаллыгъа окъсуз шкок атылыр.
- Чакъырылмагъан къонакъ тёрге атламаз.
- Тойчу джашха къарама, къойчу джашха къара.
- Суу да къайтады чыкъгъан джерине.
- Эринчекге кюн узун.
- Ачны эсинде – аш.
- Джылар джаш, атасыны сакъалы бла ойнар.
- Бал – татлы, балдан да бала – татлы.
- Рысхы – насыбха къор.
- Сёз сёзню айтдырыр.
- Ана – юйню кюн джарыгъы.
- Айтханы чапыракъдан ётмеген.
- Тилчиден кери бол.
- Юй ишлеген балта эшикде къалыр.
- Бал ашаргъа сюе эсенг, чибин ургъаннга тёз.
- Кесинг сынамагъан затны, адамгъа буюрма.
- Кёл ашады да, кеси ашады.
- Джашлыкъ этмеген, башлыкъ этмез.
- Адам туугъан джеринде, ит тойгъан джеринде.
- Ач бёрюге мекям джокъ.
- Къонакъ хазыр болгъанлыкъгъа, къонакъбай хазыр тюлдю.
- Ашда уялгъан – мухар, ишде уялгъан – хомух.
- Орну джокъну – сыйы джокъ.
- Ашаса, ашамаса да, бёрюню ауузу – къан.
- Къолу уллу – асыу, аягъы уллу – джарсыу.
- Эл бла кёргенинг эрелей.
- Таула не мийик болсала да, аууш табылыр.
- Адам сёзюнден белгили.
- Джашны джигитлиги сорулур, къызны джигерлиги сорулур.
- Мал кёб болса, джууукъ кёб болур.
- Тёрени джагъы джокъ.
Мы в прошлом
|
О чем еще в этой рубрике мы могли бы еще рассказать?
|
|
|
|
|
|
ГЕНЕАЛОГИЯ СЕВЕРНОГО КАВКАЗА
Спецвыпуск: Материалов Первого Республиканского конкурса молодых исследователей ?Моя родословная? |
||||
|
|
|
|||
Читают тему (гостей: 1)