- Ким бла джюрюсенг, аны кёзю бла кёрюнюрсе.
- Aдам боллукъ, сыфатындан белгили.
- Адам къыйынлыгъын кёлтюрюр, зауукълугъун кёлтюрмез.
- Башы ишлегенни, ауузу да ишлер.
- Ат да турмайды бир териде.
- Ишни аллы бла къууанма да, арты бла къууан.
- Кёкдеги болмаса, джердегин кёрмейди.
- Аякъларынгы джууургъанынга кёре узат.
- Элде адам къалмаса, ит тахтагъа минер.
- Абынмазлыкъ аякъ джокъ, джангылмазлыкъ джаякъ джокъ.
- Сёз садакъдан кючлюдю.
- Адамны бетине къарама, адетине къара.
- Джыгъылгъанны сырты джерден тоймаз.
- Дууулдаса – бал чибин, къонса – къара чибин.
- Аджаллыгъа окъсуз шкок атылыр.
- Кийиминг бла танылма, адамлыкъ бла таныл.
- Суугъа – таянма, джаугъа – ийнанма.
- Кёб джашагъан – кёб билир.
- Джеринден айырылгъан – джети джылар, джуртундан айырылгъан – ёлгюнчю джылар.
- Къарны аманнга къазан такъдырма, къолу аманнга от джакъдырма.
- Ишлегенде эринме, ишде чолакъ кёрюнме.
- Кёбге таш атма.
- Эринчекни аурууу – кёб.
- Дуния мал дунияда къалады.
- Билимсиз иш бармаз.
- Джангыз торгъай джырламаз.
- Тюзлюк тас болмайды.
- Келлик заман – къартлыкъ келтирир, кетген заман – джашлыкъ ёлтюрюр.
- Сибиртки да сыйлы болду, кюрек да кюнлю болду.
- Агъач – джерни чырайы, кийим – эрни чырайы.
- Адеб базарда сатылмаз.
- Тин – байлыгъынг, терен саулугъунг.
- Ёлген ийнек сютлю болур.
- Бети – къучакълар, джюреги – бычакълар.
- Окъуусуз билим – джокъ, билимсиз кюнюнг – джокъ.
- Элни кючю – эмеген.
- Къарнынг бла ёч алма.
- Аманны эки битли тону болур, бирин сеннге кийдирир, бирин кеси киер.
- Кимни – тили, тиши онглу, кимни – къолу, иши онглу.
- Адеб этмеген, адеб кёрмез.
- Бастасын ашагъан, хантусун да ичер.
- Тойгъа барсанг, тоюб бар, эски тонунгу къоюб бар.
- Ойнай билмеген, оюн бузар.
- Этим кетсе да, сюегим къалыр.
- Ач къалгъандан, кеч къалгъан къолай.
- Шапа кёб болса, аш татымсыз болур.
- Аман къатын сабий табса, бий болур…
- Эрни эр этерик да, къара джер этерик да, тиширыуду.
- Эртде тургъан бла эртде юйленнген сокъуранмаз.
- Чомарт джарлы болмаз.
Мы в прошлом
|
О чем еще в этой рубрике мы могли бы еще рассказать?
|
|
|
|
|
|
ГЕНЕАЛОГИЯ СЕВЕРНОГО КАВКАЗА
Спецвыпуск: Материалов Первого Республиканского конкурса молодых исследователей ?Моя родословная? |
||||
|
|
|
|||
Читают тему (гостей: 1)