- Чомарт къонакъ юй иесин сыйлар.
- Кёб джат да, бек чаб.
- Рысхы джалгъанды: келген да этер, кетген да этер.
- Адам туугъан джеринде, ит тойгъан джеринде.
- Адебни адебсизден юрен.
- Адеби болмагъан къыз – тузсуз хант.
- Джашынгы кесинг юретмесенг, джашау юретир.
- Сибиртки да сыйлы болду, кюрек да кюнлю болду.
- Къызбайны юйюне дери сюрсенг, батыр болур.
- Сагъышы джокъ – джукъучу, акъылы джокъ – къаугъачы.
- Адебсиз адам – джюгенсиз ат.
- Тамбла алтындан бюгюн багъыр ашхы.
- Аякъларынгы джууургъанынга кёре узат.
- Сабийни джумушха джибер да, ызындан бар.
- Айранны сюйген, ийнек тутар.
- Ариуну – ауруу кёб.
- Къарт болгъан джерде, берекет болур, сабий болгъан джерде, оюн болур.
- Бал ашаргъа сюе эсенг, чибин ургъаннга тёз.
- Акъыллы башны – тили къысха.
- Алгъанда – джууукъ, бергенде – джау.
- Ёлген аслан – сау чычхан.
- Нёгер болсанг, тенг бол, тенг болмасанг, кенг бол.
- Джиби бир къат джетмей эди да, эки къат тарта эди.
- Хантына кёре тузу, юйюне кёре къызы.
- Босагъа таш юйге кирмей эди, тыбыр таш эшикге чыкъмай эди.
- Джылар джаш, атасыны сакъалы бла ойнар.
- Къартха ушагъан джаш – акъыллы, джашха ушагъан къарт – тели.
- Кёлю джокъну – джолу джокъ.
- Урунуу – насыбны анасы.
- Туз, гырджын аша, тюзлюк бла джаша.
- Тойгъандан сора, ашны сёкме.
- Чакъырылмагъан къонакъ къачан кетерин сормаз.
- Тил джюрекге джол ишлейди.
- Аджал соруб келмез, келсе, къайтыб кетмез.
- Ата джурт – алтын бешик.
- Кечеси – аяз, кюню – къыш, джарлы къаргъагъа бир аш тюш!
- Ауузу бла къуш тута айланады.
- Аманны тукъумуна къарама, игини тукъумун сорма.
- Аз сёлеш, кёб ишле.
- Эл бла кёргенинг эрелей.
- Аманны эки битли тону болур, бирин сеннге кийдирир, бирин кеси киер.
- Къуллукъчума, деб махтанма, къуллукъ – хаух джамчыды!
- Алтыннга тот къонмаз.
- Къатыны харакетли болса, эри къымсыз болур.
- Кёзюнде тереги болгъан, чёбю болгъаннга кюле эди.
- Бёрю да ач къалмасын, эчки да ашалмасын.
- Иги адамны бир сёзю эки болмаз.
- Экиндини кеч къылсанг, чабыб джетер ашхам.
- Киштикге къанат битсе, чыпчыкъ къалмаз эди.
- Джюрекге ариу – кёзге да ариу.
КАК СКАЧАТЬ МУЗЫКУ?
Читают тему (гостей: 1)