- Ёзденликни джайгъан – джокълукъ.
- Къар – келтирди, суу – элтди.
- Дуния аламаты сен эсенг да, игиме деб айтма.
- Аллахха ийнаннган кишини, Аллах онгдурур ишин.
- Агъач халкъгъа алтынды, иссиликге салкъынды.
- Эринчекге кюн узун.
- Атадан ёксюз – бир ёксюз, анадан ёксюз – эки ёксюз.
- Чоюнну башы ачыкъ болса, итге уят керекди.
- Къайгъы тюбю – тенгиз.
- Тёрени джагъы джокъ.
- Биреуню къыйынлыгъы бла кесинге джол ишлеме.
- Мадар болса, къадар болур.
- Юйюнг бла джау болгъандан эсе, элинг бла джау бол.
- Ишни аллы бла къууанма да, арты бла къууан.
- Сангырау къулакъ эл бузар.
- «Ёгюз, джаргъа джууукъ барма, меннге джюк боллукъса», - дегенди эшек.
- Ашлыкъ – бюртюкден, джюн – тюкден.
- Сёз садакъдан кючлюдю.
- Аш хазыр болса, иш харам болур.
- Сыфатында болмагъаны, суратында болмаз.
- Хоншуну тауугъу къаз кёрюнюр, келини къыз кёрюнюр.
- Адеб базарда сатылмаз.
- Кёзюнде тереги болгъан, чёбю болгъаннга кюле эди.
- Къалгъан ишге къар джауар.
- Къызын тута билмеген, тул этер, джашын тута билмеген, къул этер.
- Накъырда – кертини келечиси.
- Билимсиз иш бармаз.
- Джыгъылгъанны сырты джерден тоймаз.
- Нарт сёз – тилни бети.
- Булут кёкге джарашыу, уят бетге джарашыу.
- Атлыны ашхысы, ат тизгининден билинир
- Чакъырылмагъан джерге барма, чакъырылгъан джерден къалма.
- Джашлыкъ этмеген, башлыкъ этмез.
- Кесинг сынамагъан затны, адамгъа буюрма.
- Рысхы – сют юсюнде кёмюк кибикди.
- Кесинге джетмегенни, кёб сёлешме.
- Тюз сёз баргъан сууну тыяр.
- Акъылсызны джууукъгъа алма, акъыллыны кенгнге салма.
- Келинин тута билмеген, къул этер, къызын тута билмеген, тул этер.
- Хар адамгъа кеси миннген тау кибик.
- Башсыз урчукъ тюзюне айланмаз.
- Таякъ этден ётер, тил сюекден ётер.
- Оюмсуз атлагъан, аджалсыз ёлюр.
- Хар сёзню орну барды.
- Джюрекге ариу – кёзге да ариу.
- Къарт болгъан джерде, берекет болур, сабий болгъан джерде, оюн болур.
- Адамны аманы адамны бети бла ойнар.
- Aдам боллукъ, сыфатындан белгили.
- Кёл – къызбай, къол – батыр.
- Шайтан алдады, тюзлюк къаргъады.
КАК СКАЧАТЬ МУЗЫКУ?
Читают тему (гостей: 1)