- Адамны джюреги нени кёрюрге сюйсе, кёзю да аны кёрюрге ёч болады.
- Мураты болгъанны джюрек тебюую башхады.
- Гитче джилтин уллу элни джандырыр.
- Къарыусузгъа кюлме, онгсузгъа тийме.
- Алим болгъандан эсе, адам болгъан къыйынды.
- Ачлыкъда тары гырджын халыуадан татлы.
- Экеу тутушса, биреу джыгъылыр.
- Тешигини къатында, чычхан да батыр болур.
- Арбаз къынгырды да, ийнек сауалмайма.
- Ачыкъ джюрекге джол – ачыкъ.
- Битмегеннге сакъал – танг.
- Ашхы сёз таш тешер.
- Бал – татлы, балдан да бала – татлы.
- Билген билмегенни юретген адетди.
- Ким бла джюрюсенг, аны кёзю бла кёрюнюрсе.
- Къарнынг тойгъунчу аша да, белинг талгъынчы ишле.
- Эки ойлашыб, бир сёлешген.
- Биреуню къыйынлыгъы бла кесинге джол ишлеме.
- Юйюнгден чыкъдынг – кюнюнгден чыкъдынг.
- Эм ашхы къайын ана мамукъ бла башынгы тешер.
- Аманны эки битли тону болур, бирин сеннге кийдирир, бирин кеси киер.
- Сормай – алма, чакъырылмай – барма.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Баш – акъыл ючюн, акъылман – халкъ ючюн.
- Эрни эр этерик да, къара джер этерик да, тиширыуду.
- Джангыз торгъай джырламаз.
- Адам къаллай бир ишленмесе, аллай бир кесин уллу кёреди.
- Джашда акъыл джокъ, къартда къарыу джокъ.
- Эр абынмай, эл танымаз.
- Джахил болса анасы, не билликди баласы?
- Ётюрюкден тюбю джокъ, кёлтюрюрге джиби джокъ.
- Адам сёзге тынгыла, акъыл сёзню ангыла.
- Хар адамгъа кеси миннген тау кибик.
- Чакъырылмагъан къонакъ тёрге атламаз.
- Къар – келтирди, суу – элтди.
- Телиге от эт десенг, юйюнге от салыр.
- Къошда джокъгъа – юлюш джокъ.
- Ариу сёз джыланны орнундан чыгъарыр.
- Бастасын ашагъан, хантусун да ичер.
- Этни бети бла шорпасы.
- Сёз – кюмюш, джыр – алтын.
- Къая джолда джортма, ачыкъ сёзден къоркъма.
- Бал чибинни ургъаны – ачы, балы – татлы.
- Ишни ахырын ойламай, аллын башлама.
- Аш берме да, къаш бер.
- Аш хазыр болса, иш харам болур.
- Акъыл бла адеб эгизледиле.
- Джолда аягъынга сакъ бол, ушакъда тилинге сакъ бол.
- Гыдай эчки суугъа къараб, мюйюзле кёрмесе, джашма алкъын, дегенди.
- Тойгъан антын унутур.
КАК СКАЧАТЬ МУЗЫКУ?
Читают тему (гостей: 1)