- Адам къаллай бир ишленмесе, аллай бир кесин уллу кёреди.
- Ата Джуртуму башы болмасам да, босагъасында ташы болайым.
- Кёб къычыргъандан – къоркъма, тынч олтургъандан – къоркъ.
- Къозулугъунда тоймагъан, къойлугъунда тоймаз.
- Ойнай-ойнай кёз чыгъар.
- Юйюнгден чыкъдынг – кюнюнгден чыкъдынг.
- Къатын къылыкъсыз, эр тынчлыкъсыз.
- Адеб джокъда, намыс джокъ.
- Джашны джигитлиги сорулур, къызны джигерлиги сорулур.
- Ёмюрлюк шохлукъну джел элтмез.
- Айтхан сёзюне табылгъан.
- Биреу ашаб къутулур, биреу джалаб тутулур.
- Аманны тукъумуна къарама, игини тукъумун сорма.
- Азыкълы ат арымаз, къатыны аман джарымаз.
- Тау башында, тау болмаз, джангыз терек, бау болмаз.
- Ёгюзню мюйюзюнден тутадыла, адамны сёзюнден тутадыла.
- Джаным-тиним – окъуу, билим.
- Къуру гыбыт бек дыгъырдар.
- Кюн кёрмеген, кюн кёрсе, кюндюз чыракъ джандырыр.
- Къонакъ болсанг, ийнакъ бол.
- Магъанасыз сёз – тауушсуз сыбызгъы.
- Юре билмеген ит, къонакъ келтирир.
- Аджаллыгъа окъсуз шкок атылыр.
- Бети бедерден, намыс сакълама.
- Тилсиз миллет джокъ болур.
- Халкъгъа джарагъан, джарлы къалмаз.
- Тойгъан антын унутур.
- Термилгенинги табмазса, кюлгенинге тюберсе.
- Сабыр джетер муратха, сабырсыз къалыр уятха.
- Алгъанда – джууукъ, бергенде – джау.
- Иги джашны ышаны – аз сёлешиб, кёб тынгылар.
- Джыгъылгъанны сырты джерден тоймаз.
- Бермеген къол, алмайды.
- Ёгюзню мюйюзлери ауурлукъ этмейдиле.
- Къыйынлы джети элге оноу этер.
- Къаллай салам берсенг, аллай джууаб алырса.
- Кёпюр салгъан кеси ётер, уру къазгъан кеси кетер.
- Aдам боллукъ, сыфатындан белгили.
- Аман къатын алгъан, арыр, иги къатын алгъан джарыр.
- Адебни адебсизден юрен.
- Къралынгы – душмандан, башынгы от бла суудан сакъла.
- Ойнай билмеген, уруб къачар.
- Ким бла джюрюсенг, аны кёзю бла кёрюнюрсе.
- Кенгеш болса, уруш болмаз.
- Кёб джат да, бек чаб.
- Эркишини аманы тиширыуну джылатыр.
- Тил – миллетни джаны.
- Мухардан ач ычхынмаз.
- Ашхы болсанг, атынг чыгъар, аман болсанг, джанынг чыгъар.
- Асхат ашлыкъ сата, юйдегиси ачдан къата.
