- Сабийни джумушха джибер да, ызындан бар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джуртун къоругъан озар.
- Эри аманны, къатыны – аман.
- Мал ёлсе, сюек къалыр, адам ёлсе, иши къалыр.
- Окъуу – билимни ачхычы, окъуу – дунияны бачхычы.
- Кимни – тили, тиши онглу, кимни – къолу, иши онглу.
- Гугурук къычырмаса да, тангны атары къалмаз.
- Адамны артындан къара сабан сюрме.
- Джумушакъ терекни къурт ашар.
- Байдан умут эте, джарлыдан ёгюз багъасы къорады.
- Ичимден чыкъды хата, къайры барайым сата?
- Билим ат болуб да чабар, къуш болуб да учар.
- Къызын тута билмеген, тул этер, джашын тута билмеген, къул этер.
- Иги сёз – джаннга азыкъ, аман сёз башха – къазыкъ.
- Арба аугъандан сора, джол кёргюзтюучю кёб болур.
- Къралынгы – душмандан, башынгы от бла суудан сакъла.
- Ётюрюкню башын керти кесер.
- Атадан ёксюз – бир ёксюз, анадан ёксюз – эки ёксюз.
- Джашынгы кесинг юретмесенг, джашау юретир.
- Бети – къучакълар, джюреги – бычакълар.
- Хаухну атма, ёнгкючню сатма.
- Сормай – алма, чакъырылмай – барма.
- Мал тутхан – май джалар.
- Намыс сатылыб алынмайды.
- Иесиз малны бёрю ашар.
- Къалгъан ишге къар джауар.
- Эринчекге кюн узун.
- Рысхы джалгъанды: келген да этер, кетген да этер.
- Чомартны къолун джокълукъ байлар.
- Ётген ёмюр – акъгъан суу.
- Тамырсыз терекге таянма – джыгъылырса.
- Тойгъа алгъа да барма, тойда артха да къалма.
- Танг атмайма десе да, кюн къоярыкъ тюйюлдю.
- Иши джокъну, сыйы джокъ.
- Сёлеш деб шай берген, тохта деб, сом берген.
- Кюлме джашха – келир башха.
- Байны оноуу, джарлыгъа джарамаз.
- Джылкъыдан – ат чыгъар, тукъумдан – джаш чыгъар.
- Аджаллыгъа окъсуз шкок атылыр.
- Тамчы таш тешер.
- Ана къолу ачытмаз.
- Ётюрюкчюню шагъаты – къатында.
- Къазанчы аман болса, къазаны къайнамаз.
- Кёкдеги болмаса, джердегин кёрмейди.
- Уясында не кёрсе, учханында аны этер.
- Кийиминг бла танылма, адамлыкъ бла таныл.
- Кёзню ачылгъаны – иги, ауузну джабылгъаны – иги.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къыйынлы джети элни къайгъысын этер.
