- Эте билген, этген этеди, эте билмеген, юретген этеди!
- Аманны къуугъан, аманлыкъ табар.
- Тёрдеги кюлсе, эшикдеги ышарыр.
- Ашыкъгъанны этеги бутуна чырмалыр.
- Къалгъан ишге къар джауар.
- Уллу къазанда бишген эт, чий къалмаз.
- Игини сыйлагъан адетди.
- Алма терегинден кери кетмез.
- Экиндини кеч къылсанг, чабыб джетер ашхам.
- Джаным-тиним – окъуу, билим.
- Къайтырыкъ эшигинги, къаты уруб чыкъма.
- Киштикге къанат битсе, чыпчыкъ къалмаз эди.
- Агъач – джерни чырайы, кийим – эрни чырайы.
- Окъугъанны бети джарыкъ.
- Байлыкъдан саулукъ ашхыды.
- Аш иеси бла татлыды.
- Адамны сыфатына къарама, сёзюне къара.
- Джаш къарыу бла кючлю, къарт акъыл бла кючлю.
- «Ёгюз, джаргъа джууукъ барма, меннге джюк боллукъса», - дегенди эшек.
- Насыб бютеу халкъны юлюшюдю.
- Татлы сёз – балдан татлы.
- Дженгил джетерикме деб, узун джолну къоюб, къысхасын барма.
- Юй ишлеген балта эшикде къалыр.
- Джумушакъ терекни къурт ашар.
- Эринчекни эр алмаз, эр алса да, кёл салмаз, кёл салса да, кёб бармаз!
- Башы джабылгъан челекге, кир тюшмез.
- Туз, гырджын аша, тюзлюк бла джаша.
- Ёлмесенг да, къарт дамы болмазса?
- Кёб къычыргъандан – къоркъма, тынч олтургъандан – къоркъ.
- Танг атмайма десе да, кюн къоярыкъ тюйюлдю.
- Тели турса – той бузар.
- Адеби болмагъан къыз – тузсуз хант.
- Джюз элде джюз ёгюзюм болгъандан эсе, джюз джууугъум болсун.
- Къазанны башы ачыкъ болса, итге уят керекди.
- Джылкъыдан – ат чыгъар, тукъумдан – джаш чыгъар.
- Кюл тюбюндеги от кёрюнмейди.
- Тенгинг джокъ эсе – изле, бар эсе – сакъла!
- Ашхы – джыяр, аман – джояр.
- Акъыл къартда, джашда тюйюлдю – башдады.
- Суугъа – таянма, джаугъа – ийнанма.
- Адамны аты башхача, акъылы да башхады.
- Эрине къаргъыш этген къатын, эрнин къабар.
- Аджашхан тёгерек айланыр.
- Билмезни кёзю кёрмез, этмезни къулагъы эшитмез.
- Ханнга да келеди хариблик.
- Ким бла джюрюсенг, аны кёзю бла кёрюнюрсе.
- Акъылсызны джууукъгъа алма, акъыллыны кенгнге салма.
- Джангыз торгъай джырламаз.
- Чалманны аллы къалай башланса, арты да алай барады.
- Ат басханны джер билед.
