- Джогъун бар этген, барын бал этген.
- Бети – къучакълар, джюреги – бычакълар.
- Ётюрюк хапар аякъ тюбю бла джюрюйдю.
- Джюз элде джюз ёгюзюм болгъандан эсе, джюз джууугъум болсун.
- Джарлы джети элни сёзюн этер.
- От этилмеген джерден тютюн чыкъмайды.
- Билген билмегенни юретген адетди.
- Ана кёлю – балада, бала кёлю – талада.
- Азыкъ аз болса, эртде орун сал.
- Чабар ат – джетген къыз.
- Тилчи бир сагъатха айлыкъ хата этер.
- Адамны адамлыгъы къыйынлыкъда айгъакъланады.
- Ауурну тюбю бла, дженгилни башы бла джюрюген.
- Адамны джюреги нени кёрюрге сюйсе, кёзю да аны кёрюрге ёч болады.
- Мал кёб болса, джууукъ кёб болур.
- Рысхы джалгъанды: келген да этер, кетген да этер.
- Джаханимни кёрмей, джандетге кёл салмазса.
- Кёбню кёрген – кёб билир.
- Тай асырагъан, атха минер.
- Олтуруб кёрюнмей эди да, ёрге туруб кёрюне эди.
- Къаллай салам берсенг, аллай джууаб алырса.
- Къобан да къуру да къобханлай турмайды, адам да къуру да патчахлай турмайды.
- Бет бетге къараса, бет да джерге къарар.
- Ашда уялгъан – мухар, ишде уялгъан – хомух.
- Адамны артындан къара сабан сюрме.
- Тюзлюк тас болмайды.
- Акъыл сабырлыкъ берир.
- Чабакъсыз кёлге къармакъ салгъанлыкъгъа, чабакъ тутмазса.
- Чыбыкълыкъда бюгюлмеген, къазыкълыкъда бюгюлмей эди.
- Алтыннга тот къонмаз.
- Эртде тургъан джылкъычыны эркек аты тай табар.
- Ачылгъан эт джабылыр, кёрген кёз унутмаз.
- Уллу сёлешме да, уллу къаб.
- Кёзню ачылгъаны – иги, ауузну джабылгъаны – иги.
- Къазанчы аман болса, къазаны къайнамаз.
- Джангыз терек къынгыр ёсер.
- Джашны джигитлиги сорулур, къызны джигерлиги сорулур.
- Биреуге кёлтюрген таягъынг, кесинги башынга урур.
- Зар адамны насыбы болмаз.
- Чабакъгъа акъыл, табагъа тюшсе келеди.
- Сибиртки да сыйлы болду, кюрек да кюнлю болду.
- Аякъларынгы джууургъанынга кёре узат.
- Адебни адебсизден юрен.
- Иги джашны ышаны – аз сёлешиб, кёб тынгылар.
- Билим ат болуб да чабар, къуш болуб да учар.
- Къанны къан бла джуума, аманны аман бла къуума.
- Къошда джокъгъа – юлюш джокъ.
- Ач къалгъандан, кеч къалгъан къолай.
- Чакъырылмагъан къонакъ – орунсуз.
- Окъумагъан сокъурду, сокъур ташха абыныр!
Список награжденных георгиевским крестом
Читают тему (гостей: 1)