- Къарт бла баш аша, джаш бла аякъ аша.
- Джарлыны эшигин махтагъан джабар.
- Уллу сёзде уят джокъ.
- Кесинге джетмегенни, кёб сёлешме.
- Аманны къуугъан, аманлыкъ табар.
- Байлыкъдан саулукъ ашхыды.
- Танг атмайма десе да, кюн къоярыкъ тюйюлдю.
- Хоншуну тауугъу къаз кёрюнюр, келини къыз кёрюнюр.
- Тёрдеги кюлсе, эшикдеги ышарыр.
- Аш кетер да бет къалыр.
- От кюйдюрген, сау болса да, тот кюйдюрген, сау болмаз.
- Къызбайны юйюне дери сюрсенг, батыр болур.
- Акъыллы башны – тили къысха.
- Билген билмегенни юретген адетди.
- Чабакъгъа акъыл, табагъа тюшсе келеди.
- Зарда марда джокъ.
- Бир онгсуз адам адет чыгъарды, деб эштирик тюлсе.
- Ашарыкъда сайлагъаннга – чий гырджын.
- Ашыкъгъан cуу, тенгизге джетмез.
- Кёб джат да, бек чаб.
- Аманны тукъумуна къарама, игини тукъумун сорма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джангыз торгъай джырламаз.
- Тешигини къатында, чычхан да батыр болур.
- Къызын тута билмеген, тул этер, джашын тута билмеген, къул этер.
- Алма терегинден кери кетмез.
- Келгинчи, къонакъ уялыр, келгенден сора, къонакъбай уялыр.
- Кёкдеги болмаса, джердегин кёрмейди.
- Тёрени джагъы джокъ.
- Окъдан джара эртде-кеч болса да бителир, сёз джара, ёмюрге къалыр.
- Тау башында, тау болмаз, джангыз терек, бау болмаз.
- Аман адам элни бир-бирине джау этер.
- Тиширыусуз юй – отсуз от джагъа.
- Экиндини кеч къылсанг, чабыб джетер ашхам.
- Урунуу – насыбны анасы.
- Магъанасыз сёз – тауушсуз сыбызгъы.
- Билимсиз иш бармаз.
- Ауругъанны сау билмез, ач къарынны токъ билмез.
- Халкъгъа джарагъан, джарлы къалмаз.
- Дуния малгъа сатылма, кесингден телиге къатылма.
- Джаным-тиним – окъуу, билим.
- Адеб джокъда, намыс джокъ.
- Уллу суу бла уллу ауруудан башынгы сакъла.
- Байны оноуу, джарлыгъа джарамаз.
- Аман адам этегингден тутса, кес да къач.
- Босагъа таш юйге кирмей эди, тыбыр таш эшикге чыкъмай эди.
- Атадан ёксюз – бир ёксюз, анадан ёксюз – эки ёксюз.
- Билмейме деген – бир сёз
- Тёзген – тёш ашар!
- Ышармагъан – кюлмез, кюлмеген – къууанчны билмез.
Список награжденных георгиевским крестом
Читают тему (гостей: 1)