- Ашхы адам – халкъ байлыгъы, ашхы джер – джашау байлыгъы.
- Ёксюзню къалачы уллу кёрюнюр.
- Илму – джашауну джолу.
- Тамбла алтындан бюгюн багъыр ашхы.
- Джетген къыз джерли эшекни танымаз.
- Татлы тилде – сёз ариу, чемер къолда – иш ариу.
- Къарнынг къанлынга кийирир.
- Джаз бир кюнню джатсанг, къыш талай кюнню абынырса.
- Кирсизни – саны таза, халалны – къаны таза.
- Тюзлюк шохлукъну бегитир.
- Къоркъакъны кёзю экили кёрюр.
- Ариу сёз – джаннга азыкъ, аман сёз – башха къазыкъ.
- Келинин тута билмеген, къул этер, къызын тута билмеген, тул этер.
- Байлыкъ келсе, акъыл кетер.
- Алма терегинден кери кетмез.
- Чарсда алчыны эл кёреди.
- Тил – кесген бычакъ, сёз – атылгъан окъ.
- Джангызны оту джарыкъ джанмаз!
- Биреу къой излей, биреу той излей.
- Кёб джашагъан – кёб билир.
- Тилчиден кери бол.
- Айыбны суу бла джууалмазса.
- Аман адамны тепсинге олтуртсанг, къызынгы тилер.
- Юреннген ауруу къалмаз.
- Кёб къычыргъандан – къоркъма, тынч олтургъандан – къоркъ.
- Аш хазыр болса, иш харам болур.
- Тёзгеннге, джабылгъан эшик ачылыр.
- Кёб джат да, бек чаб.
- Рысхы – сют юсюнде кёмюк кибикди.
- Чабакъ башындан чирийди.
- Чакъырылмагъан къонакъ къачан кетерин сормаз.
- Аман адам элни бир-бирине джау этер.
- Тойгъан джерге джети къайт.
- Игиге айтсанг – билир, аманнга айтсанг – кюлюр.
- Ач, тоймам, дейди, тойгъан, ач болмам, дейди.
- Къуллукъчума, деб махтанма, къуллукъ – хаух джамчыды!
- Ойнай-ойнай кёз чыгъар.
- Нёгер болсанг, тенг бол, тенг болмасанг, кенг бол.
- Къатын байлыкъны сюер, эр саулукъну сюер.
- Суу ичген шауданынга тюкюрме.
- Бети – къучакълар, джюреги – бычакълар.
- Аджалсыз ёлюм болмаз.
- Мал кёб болса, джууукъ кёб болур.
- Ач – эснер, ат – кишнер.
- Тай асырагъан, атха минер.
- Адам боллукъ, атламындан белгили болур.
- Джюрекден джюрекге джол барды.
- Айранны сюйген, ийнек тутар.
- Гыдай эчки суугъа къараб, мюйюзле кёрмесе, джашма алкъын, дегенди.
- Юйюнгден чыкъдынг – кюнюнгден чыкъдынг.
Список награжденных георгиевским крестом
Читают тему (гостей: 1)