- Ашхы сёз таш тешер.
- Келинин тута билмеген, къул этер, къызын тута билмеген, тул этер.
- Юй ишлеген балта эшикде къалыр.
- Хунаны тюбюн къазсанг, юсюнге ауар.
- Баш – акъыл ючюн, акъылман – халкъ ючюн.
- Эркишини аманы тиширыуну джылатыр.
- Аджал соруб келмез, келсе, къайтыб кетмез.
- Къыз чыгъаргъан – къызыл къымжа.
- Кесинге джетмегенни, кёб сёлешме.
- Тойгъан антын унутур.
- Къан бла кирген, джан бла чыгъар.
- Огъурлуну сёзю – суу, огъурсузну сёзю – уу.
- Бет бетге къараса, бет да джерге къарар.
- Джогъун бар этген, барын бал этген.
- Асхат ашлыкъ сата, юйдегиси ачдан къата.
- Сабыр джетер муратха, сабырсыз къалыр уятха.
- Ашхы атаны – джашы ашхы, ашхы ананы – къызы ашхы.
- Нарт сёз – тилни бети.
- Джаш болсун, къыз болсун, акъылы, саны тюз болсун.
- Дуния аламаты сен эсенг да, игиме деб айтма.
- Къызбайны юйюне дери сюрсенг, батыр болур.
- Джангызны оту джарыкъ джанмаз!
- Эрни эр этерик да, къара джер этерик да, тиширыуду.
- Таугъа чыгъаллыкъ эсенг, тюзде къалма.
- Къайгъы тюбю – тенгиз.
- Къозулугъунда тоймагъан, къойлугъунда тоймаз.
- Хата – гитчеден.
- Тенги кёбню джау алмаз, акъылы кёбню дау алмаз.
- Экеулен сёлеше тура эселе, орталарына барыб кирме.
- Аман адамны тепсинге олтуртсанг, къызынгы тилер.
- Ана къойну – балагъа джандет.
- Байлыкъдан саулукъ ашхыды.
- Къууут – джелге, берне – бошха.
- Кюн кёрмеген, кюн кёрсе, кюндюз чыракъ джандырыр.
- Ишлемеген – тишлемез.
- Иги – алгъыш этер, аман – къаргъыш этер.
- Ауругъаннга – кийик саулукъ, джетген къызгъа – чилле джаулукъ.
- Миллетни бойну – базыкъ, аны бла кюрешген – джазыкъ.
- Ойнай билмеген, оюн бузар.
- Ашыкъгъанны этеги бутуна чырмалыр.
- Баланы адам этген анады.
- Эки итни арасына сюек атма, эки адамны арасында сёз чыгъарма.
- Тойчу джашха къарама, къойчу джашха къара.
- Къартны сыйын кёрмеген, къартлыгъында сыйлы болмаз.
- Гитче джилтин уллу элни джандырыр.
- Мал тутхан – май джалар.
- Итли къонакъ джарашмаз.
- Сабийни джумушха джибер да, ызындан бар.
- Нёгерсизни джолу узун.
- Ариу сёз аурууунгу алыр.
Список награжденных георгиевским крестом
Читают тему (гостей: 1)