- Кёб ант этген, кёб ётюрюк айтыр.
- Мал кёб болса, джууукъ кёб болур.
- Джети тилни билген джети кишиди.
- Дуния малгъа сатылма, кесингден телиге къатылма.
- Чарсда алчыны эл кёреди.
- Чакъырылгъанны аты, чакъырылмагъанны багъасы болур.
- Кёбню кёрген – кёб билир.
- Тилчи бир сагъатха айлыкъ хата этер.
- Сютден ауузу кюйген, суугъа юфгюре эди.
- Ойнай билмеген, уруб къачар.
- Аман эсирсе, юйюн ояр.
- Башсыз урчукъ тюзюне айланмаз.
- Битмегеннге сакъал – танг.
- Джаз бир кюнню джатсанг, къыш талай кюнню абынырса.
- Къарын къуру болса, джюрек уру болур.
- Ёзденликни джайгъан – джокълукъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Игини сыйлагъан адетди.
- Керти сёзге тёре джокъ.
- Къайгъы тюбю – тенгиз.
- Мухар, кеси тойса да, кёзю тоймаз.
- Байны оноуу, джарлыгъа джарамаз.
- Элге къуллукъ этмеген, элге ие болмаз.
- Айран ичген – къутулду, джугъусун джалагъан – тутулду.
- Билим – акъылны чырагъы.
- Ауругъан – джашаудан умутчу.
- Тойгъа алгъа да барма, тойда артха да къалма.
- Адам къыйынлыгъын кёлтюрюр, зауукълугъун кёлтюрмез.
- Эртде тургъан бла эртде юйленнген сокъуранмаз.
- Эки ойлашыб, бир сёлешген.
- Джарлы эскисин джамаса, къууаныр.
- Бети къызарыучу адамны, джюреги харам болмаз.
- Бозаны арты дауур болур.
- Таш ата билмеген, башына урур.
- Чакъырылмагъан джерге барма, чакъырылгъан джерден къалма.
- Миллетни бойну – базыкъ, аны бла кюрешген – джазыкъ.
- Джангыз терек къынгыр ёсер.
- Тенги кёбню джау алмаз, акъылы кёбню дау алмаз.
- Джигер – джаннга къыйынлыкъ.
- Къыз чыгъаргъан – къызыл къымжа.
- Тилсиз миллет джокъ болур.
- Адамны аманы адамны бети бла ойнар.
- Къонакъ аз олтурур, кёб сынар.
- Эрине къаргъыш этген къатын, эрнин къабар.
- Джырына кёре эжиую.
- Ауурну тюбю бла, дженгилни башы бла джюрюген.
- Кесине оноу эте билмеген, халкъына да эте билмез.
- Билимден уллу байлыкъ джокъду.
- Кёзю сокъурдан – къоркъма, кёлю сокъурдан – къоркъ.
- Сютню башын джалагъан къутулур, тюбюн ичген тутулур.
БОРЛАКОВ БЕК-МЫРЗА ("Дикая" дивизия)
Читают тему (гостей: 1)