- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кютгени беш эчки, сызгъыргъаны уа, джерни джарады.
- Келгинчи, къонакъ уялыр, келгенден сора, къонакъбай уялыр.
- Нарт сёз – тилни бети.
- Эли джокъну – кёлю джокъ.
- Баш – акъыл ючюн, акъылман – халкъ ючюн.
- Киштикге къанат битсе, чыпчыкъ къалмаз эди.
- Ишлерге уял да, ашаргъа табма.
- Билимсиз иш бармаз.
- Къатын байлыкъны сюер, эр саулукъну сюер.
- Булут кёкге джарашыу, уят бетге джарашыу.
- Тыш элде солтан болгъандан эсе, кесинги элде олтан болгъан игиди!
- Иесиз малны бёрю ашар.
- Ач да бол, токъ да бол – намысынга бек бол.
- Тил джюрекге джол ишлейди.
- Кёб ант этген, кёб ётюрюк айтыр.
- Кёпюр салгъан кеси ётер, уру къазгъан кеси кетер.
- Кёб джашагъан – кёб билир.
- Сакъламагъан затынга джолукъсанг, не бек къууанаса, не бек ачыйса.
- Джыйырма къойну юч джыйырма эбзе кюте эди.
- Таякъ этден ётер, тил сюекден ётер.
- Аманнга алтын чыдамаз.
- Тёгюлген тюгел джыйылмайды.
- Аджалсыз ёлюм болмаз.
- Кийимни бичсенг, кенг бич, тар этген къыйын тюлдю.
- Ач – эснер, ат – кишнер.
- Таш бла ургъанны, аш бла ур.
- Джылкъыдан – ат чыгъар, тукъумдан – джаш чыгъар.
- Тамырсыз терекге таянма – джыгъылырса.
- Чабакъгъа акъыл, табагъа тюшсе келеди.
- Къан бла кирген, джан бла чыгъар.
- Таш ата билмеген, башына урур.
- Аллахха ийнаннган кишини, Аллах онгдурур ишин.
- Гырджын – тепсини тамадасы.
- Эшекни не къадар тюйсенг да, ат болмаз.
- Нарт сёз къарт болмаз.
- Сибиртки да сыйлы болду, кюрек да кюнлю болду.
- Башланнган иш битер, къымылдагъан тиш тюшер.
- Тёзген – тёш ашар!
- Кёбню кёрген – кёб билир.
- Элни кючю – эмеген.
- Таула не мийик болсала да, аууш табылыр.
- Уруну арты – къуру.
- Баш болса, бёрк табылыр.
- Айран ичген – къутулду, джугъусун джалагъан – тутулду.
- Мадар болса, къадар болур.
- Окъугъан озар, окъумагъан тозар.
- Таукел адам тау тешер.
- Тешик этген тынчды, аны джамагъан къыйынды.
- Огъурлуну сёзю – суу, огъурсузну сёзю – уу.
БОРЛАКОВ БЕК-МЫРЗА ("Дикая" дивизия)
Читают тему (гостей: 2)