- Телиге акъыл салгъандан эсе, ёлгеннге джан салырса.
- Кюлме джашха – келир башха.
- Аурууну келиую тынч, кетиую – къыйын.
- Келинин тута билмеген, къул этер, къызын тута билмеген, тул этер.
- Арбаз сайлама да, хоншу сайла.
- Тойчу джашха къарама, къойчу джашха къара.
- Тёрде – темир таякълы, къаяда – чыпчыкъ аякълы.
- Ата Джуртуму башы болмасам да, босагъасында ташы болайым.
- Шекер бла туз – бир болмаз, ушамагъан – юй болмаз.
- Болджал ишни бёрю ашар.
- Ашхы сёз таш тешер.
- Тилчиден кери бол.
- Къралынгы – душмандан, башынгы от бла суудан сакъла.
- Окъ къызбайны джокълайды.
- Билген билмегенни юретген адетди.
- Къууут – джелге, берне – бошха.
- Келлик заман – къартлыкъ келтирир, кетген заман – джашлыкъ ёлтюрюр.
- Суу да къайтады чыкъгъан джерине.
- Джашны джигитлиги сорулур, къызны джигерлиги сорулур.
- Кийиминг бла танылма, адамлыкъ бла таныл.
- Чоюнну башы ачыкъ болса, итге уят керекди.
- Ёлюк кебинсиз къалмаз.
- Тыш элде солтан болгъандан эсе, кесинги элде олтан болгъан игиди!
- Эм уллу байлыкъ – джан саулукъ.
- Чомарт джарлы болмаз.
- Ашха уста, юйюнде болсун
- Бетинги сатма, малынгы сат.
- Тилчи тилден къаныкъмаз.
- Сёз садакъдан кючлюдю.
- Гитче джилтин уллу элни джандырыр.
- Къалгъан ишге къар джауар.
- Хазыр ашха – терен къашыкъ.
- Тенгинг джокъ эсе – изле, бар эсе – сакъла!
- Айтхан сёзюне табылгъан.
- Биреу къой излей, биреу той излей.
- Илму – джашауну джолу.
- Къолу уллу – асыу, аягъы уллу – джарсыу.
- Къумурсхала джыйылсала, пилни да джыгъадыла.
- Керек ташны ауурлугъу джокъ.
- Аманнга да, игиге да оноусуз къатышма.
- Ач къарынны, токъ билмез
- Джашлыкъ этмеген, башлыкъ этмез.
- Намысы джокъну – дуниясы джокъ.
- Эртде тургъан джылкъычыны эркек аты тай табар.
- Къарын къуру болса, джюрек уру болур.
- Азыгъы аз, алгъа къабар, аты аман, алгъа чабар.
- Хаухну атма, ёнгкючню сатма.
- Игилик игилик бла сингдирилиучю затды.
- Джылар джаш, атасыны сакъалы бла ойнар.
- Къыз чыгъаргъан – къызыл къымжа.
КАРАКЕТОВ ХЫЗЫР (Дикая дивизия)
Читают тему (гостей: 1)