- Босагъа таш юйге кирмей эди, тыбыр таш эшикге чыкъмай эди.
- Акъыл неден да кючлюдю.
- Битмегеннге сакъал – танг.
- Шайтан алдады, тюзлюк къаргъады.
- Эринчекни аурууу – кёб.
- Айранны сюйген, ийнек тутар.
- Аманнга алтын чыдамаз.
- Аманны эки битли тону болур, бирин сеннге кийдирир, бирин кеси киер.
- Сакъалы текени да бар, мыйыгъы киштикни да бар.
- Насыблы элин сюер, насыбсыз кесин сюер.
- Ашхы сёз таш тешер.
- Къайгъыны сюйген, къайгъы табар.
- Зар адам ашынгы ашар, кесинги сатар.
- Эр абынмай, эл танымаз.
- Гугурук къычырмаса да, тангны атары къалмаз.
- Джумушакъ сёз къаты таякъны сындырыр.
- Къазанчы аман болса, къазаны къайнамаз.
- Тойгъа алгъа да барма, тойда артха да къалма.
- Нафысынгы айтханын этме, намысынгы айтханын эт.
- Къыз келсе, джумуш эте келеди, къатын келсе, ушакъ эте келеди.
- Элиб деген, элге болушур.
- Аякъларынгы джууургъанынга кёре узат.
- Керилген да, ургъан кибикди.
- Эки ойлашыб, бир сёлешген.
- Дженгил джетерикме деб, узун джолну къоюб, къысхасын барма.
- Сабыр джетер муратха, сабырсыз къалыр уятха.
- Ёгюзню мюйюзлери ауурлукъ этмейдиле.
- Окъугъанны бети джарыкъ.
- Акъыл аздырмаз, билим тоздурмаз.
- Къарыусузгъа кюлме, онгсузгъа тийме.
- Таукел къуру къалмаз.
- Эл элде бирер малынг болгъандан эсе, бирер тенгинг болсун.
- Ариуну – ауруу кёб.
- Джыланны къуйругъундан басарынг келсе, аны башы болгъанын унутма.
- Джашда акъыл джокъ, къартда къарыу джокъ.
- Юйюнг бла джау болгъандан эсе, элинг бла джау бол.
- Ашына кёре табагъы, балына кёре къалагъы.
- Аджаллыгъа окъсуз шкок атылыр.
- Къызны минг тилер, бир алыр.
- Ёнгкюч къууана барыр, джылай келир.
- Арба аугъандан сора, джол кёргюзтюучю кёб болур.
- Иги – алгъыш этер, аман – къаргъыш этер.
- Эски джаугъа ышанма.
- Уллу атлама – абынырса, уллу къабма – къарылырса.
- Ачлыкъ отха секиртир.
- Айныгъанлы алты кюн, тогъайгъанлы тогъуз кюн.
- Сёз сёзню айтдырыр.
- Окъ къызбайны джокълайды.
- Ёпкелегенни ашы татлы болады.
- «Ма», - дегенни билмесенг, «бер», - дегенни билмезсе.
КАРАКЕТОВ ХЫЗЫР (Дикая дивизия)
Читают тему (гостей: 1)