- Джерни букъусу кёкге къонмаз.
- Эки ойлашыб, бир сёлешген.
- Ханнга да келеди хариблик.
- Ач келгенни – тойдур, кеч келгенни – къондур.
- Башда акъыл болмаса, эки аякъгъа кюч джетер.
- Керек ташны ауурлугъу джокъ.
- Тай асырагъан, атха минер.
- Джырчы ёлсе, джыры къалыр.
- Кёл – къызбай, къол – батыр.
- Асхат ашлыкъ сата, юйдегиси ачдан къата.
- Дуния аламаты сен эсенг да, игиме деб айтма.
- Ариу сёз – къылычдан джити.
- Иги – алгъыш этер, аман – къаргъыш этер.
- Акъыл къартда, джашда тюйюлдю – башдады.
- Намысы болмагъанны, сыйы болмаз.
- Хазыр ашха – терен къашыкъ.
- Байлыкъ келсе, акъыл кетер.
- Ёзденликни кёбю ётюрюк.
- Таугъа чыгъаллыкъ эсенг, тюзде къалма.
- Къууут – джелге, берне – бошха.
- Къонакъ кёб келюучю юйню, къазаны отдан тюшмез.
- Киштикге къанат битсе, чыпчыкъ къалмаз эди.
- Ойнай билмеген, оюн бузар.
- Къумурсхала джыйылсала, пилни да джыгъадыла.
- Джан саулукъ бермей, сан саулукъ бермезсе.
- Ёлюк кебинсиз къалмаз.
- Ичимден чыкъды хата, къайры барайым сата?
- Джырына кёре эжиую.
- Аз сёлешген, къайгъысыз турур.
- Суу ичген шауданынга тюкюрме.
- Чакъырылгъанны аты, чакъырылмагъанны багъасы болур.
- Уллу къашыкъ эрин джыртар.
- Эм ашхы къайын ана мамукъ бла башынгы тешер.
- Иги адамны бир сёзю эки болмаз.
- Ата – билек, ана – джюрек!
- Ариу джол аджал келтирмез.
- Ач да бол, токъ да бол – намысынга бек бол.
- Эл тойса, тоймагъан, эл къойса, къоймагъан.
- Тау башында, тау болмаз, джангыз терек, бау болмаз.
- Адеб джокъда, намыс джокъ.
- Кёзюнде тереги болгъан, чёбю болгъаннга кюле эди.
- Суу кетер, таш къалыр.
- Ишни ахырын ойламай, аллын башлама.
- Суу да къайтады чыкъгъан джерине.
- Аууз сакълагъан – джан сакълар.
- Ач, тоймам, дейди, тойгъан, ач болмам, дейди.
- Ашхылыкъ джерде джатмайды, аманлыкъ суугъа батмайды.
- Джаханимни кёрмей, джандетге кёл салмазса.
- Аман адамны тепсинге олтуртсанг, къызынгы тилер.
- Адам къыйынлыгъын кёлтюрюр, зауукълугъун кёлтюрмез.
КАРАКЕТОВ ХЫЗЫР (Дикая дивизия)
Читают тему (гостей: 1)