- Ишленмеген джаш – джюгенсиз ат, ишленмеген къыз – тузсуз хант.
- Аманны эки битли тону болур, бирин сеннге кийдирир, бирин кеси киер.
- Этни бети бла шорпасы.
- Аман адам этегингден тутса, кес да къач.
- Джерни букъусу кёкге къонмаз.
- Аджалсыз ёлюм болмаз.
- Этек чакъмакълары баш джаргъан, сёлешген сёзлери таш джаргъан.
- Эртде тургъан бла эртде юйленнген сокъуранмаз.
- Кёб джат да, бек чаб.
- Атадан ёксюз – бир ёксюз, анадан ёксюз – эки ёксюз.
- Башда акъыл болмаса, эки аякъгъа кюч джетер.
- Джашны джигитлиги сорулур, къызны джигерлиги сорулур.
- Чомарт къонакъ юй иесин сыйлар.
- Аджаллыгъа окъсуз шкок атылыр.
- Джюрекге ариу – кёзге да ариу.
- Адам къыйынлыгъын кёлтюрюр, зауукълугъун кёлтюрмез.
- Джигер – джаннга къыйынлыкъ.
- Тюкюрюк баш джармаз, налат кёз чыгъармаз!
- Тёрдеги кюлсе, эшикдеги ышарыр.
- Биреуню къыйынлыгъы бла кесинге джол ишлеме.
- Туз, гырджын аша, тюзлюк бла джаша.
- Ариу сёз – къылычдан джити.
- Кёзю сокъурдан – къоркъма, кёлю сокъурдан – къоркъ.
- Бек анасы джыламаз.
- Джырына кёре эжиую.
- Билимсиз иш бармаз.
- Тин – байлыгъынг, терен саулугъунг.
- Гырджын – тепсини тамадасы.
- Тил – кесген бычакъ, сёз – атылгъан окъ.
- Адеб джокъда, намыс джокъ.
- Къобан да къуру да къобханлай турмайды, адам да къуру да патчахлай турмайды.
- Бет бетге къараса, бет да джерге къарар.
- Акъыл сабырлыкъ берир.
- Къар – келтирди, суу – элтди.
- Биреуге кёлтюрген таягъынг, кесинги башынга урур.
- Зар адам ашынгы ашар, кесинги сатар.
- Тюзлюк шохлукъну бегитир.
- Къонакъ кёб келюучю юйню, къазаны отдан тюшмез.
- Иги адам абынса да, джангылмаз.
- Акъыл бла адеб эгизледиле.
- Къонакъ хазыр болгъанлыкъгъа, къонакъбай хазыр тюлдю.
- Ауругъанны сау билмез, ач къарынны токъ билмез.
- Садакъачыны джаны – къапчыгъында.
- Джол бла сёзню къыйыры джокъ.
- Иги болса, тамадама – махтау, аман болса, меннге – айыб.
- Киштикге къанат битсе, чыпчыкъ къалмаз эди.
- Байлыкъ тауусулур, билим тауусулмаз.
- Биреуге аманлыкъны тилеме да, кесинге ашхылыкъны тиле.
- Атынг аманнга чыкъгъандан эсе, джанынг тамагъынгдан чыкъсын.
- Хантына кёре тузу, юйюне кёре къызы.
КАРАКЕТОВ ХЫЗЫР (Дикая дивизия)
Читают тему (гостей: 1)