- Ашына кёре табагъы, балына кёре къалагъы.
- Керек ташны ауурлугъу джокъ.
- Алтыда кюлмеген, алтмышда кюлмез.
- Ариу – кёзге, акъыл – джюрекге.
- Хансыз джомакъ болмаз.
- Аз сёлеш, кёб ишле.
- Аман къатын сабий табса, бий болур…
- Керилген да, ургъан кибикди.
- Байлыкъ тауусулур, билим тауусулмаз.
- Аманнга игилик этсенг, юйюнге сау бармазса.
- Ургъан суудан башынгы сакъла.
- Къатын байлыкъны сюер, эр саулукъну сюер.
- Ач келгенни – тойдур, кеч келгенни – къондур.
- Ишин билген, аны сыйын чыгъарады.
- Ишни ахырын ойламай, аллын башлама.
- Эки итни арасына сюек атма, эки адамны арасында сёз чыгъарма.
- Борчунг бар эсе, хурджунунга ойлаб узал.
- Билмегенинги, билгеннге сор.
- Кийим тукъум сордурур.
- Биреуге кёлтюрген таягъынг, кесинги башынга урур.
- Джырчы джырчыгъа – къарнаш.
- Къыз чыгъаргъан – къызыл къымжа.
- Къуллукъчума, деб махтанма, къуллукъ – хаух джамчыды!
- Билими азны – ауузунда кирит.
- Рысхы джалгъанды: келген да этер, кетген да этер.
- Бир абыннган – минг сюрюнюр.
- Джыланны къуйругъундан басарынг келсе, аны башы болгъанын унутма.
- Тешик этген тынчды, аны джамагъан къыйынды.
- Ышармагъан – кюлмез, кюлмеген – къууанчны билмез.
- От кюйдюрген, сау болса да, тот кюйдюрген, сау болмаз.
- Кёрмегеннге кебек – танг, битмегеннге сакъал – танг.
- Айранны сюйген, ийнек тутар.
- Джуртун къоругъан озар.
- Мухар, кеси тойса да, кёзю тоймаз.
- Зар адамны насыбы болмаз.
- Чабар ат – джетген къыз.
- Илму – джашауну джолу.
- Эл элде бирер малынг болгъандан эсе, бирер тенгинг болсун.
- Эр сокъур болсун, къатын тилсиз болсун.
- Тюз сёз баргъан сууну тыяр.
- Ёлген аслан – сау чычхан.
- Бир онгсуз адам адет чыгъарды, деб эштирик тюлсе.
- Ашыкъгъан cуу, тенгизге джетмез.
- Намыс болмагъан джерде, насыб болмаз.
- Къыз келсе, джумуш эте келеди, къатын келсе, ушакъ эте келеди.
- Телиге от эт десенг, юйюнге от салыр.
- Юре билмеген ит, къонакъ келтирир.
- Баланы адам этген анады.
- Тенгни тенглиги джашай барсанг билинир.
- Кесинг сынамагъан затны, адамгъа буюрма.
Аттоев Борис Мажитович, генерал-лейтенант ФСБ
Читают тему (гостей: 1)