- Окъуусуз билим – джокъ, билимсиз кюнюнг – джокъ.
- Джангыз терек къынгыр ёсер.
- Эркишиге тары кебек танг кёрюнюр.
- Дуния мал дунияда къалады.
- Бетинги сатма, малынгы сат.
- Кёзню ачылгъаны – иги, ауузну джабылгъаны – иги.
- Айтхан – тынч, этген – къыйын.
- Сабийликде юретмесенг, уллу болса – тюзелмез.
- Таукел къуру къалмаз.
- Джыгъылгъанны сырты джерден тоймаз.
- Келгинчи, къонакъ уялыр, келгенден сора, къонакъбай уялыр.
- Билмейме деген – бир сёз
- Телиге акъыл салгъандан эсе, ёлгеннге джан салырса.
- Керти сёзге тёре джокъ.
- Аман киши кеси юйюнде – къонакъ.
- Аманнга игилик этсенг, юйюнге сау бармазса.
- Кёкдеги болмаса, джердегин кёрмейди.
- Джаз бир кюнню джатсанг, къыш талай кюнню абынырса.
- Намысы болмагъанны, сыйы болмаз.
- Тёгюлген тюгел джыйылмайды.
- Къыйынлы джети элге оноу этер.
- Кечеси – аяз, кюню – къыш, джарлы къаргъагъа бир аш тюш!
- Ашхы атаны – джашы ашхы, ашхы ананы – къызы ашхы.
- Джашда акъыл джокъ, къартда къарыу джокъ.
- Джумушакъ сёз къаты таякъны сындырыр.
- Аманнга да, игиге да оноусуз къатышма.
- Намыс сатылыб алынмайды.
- Джылар джаш, атасыны сакъалы бла ойнар.
- Ханнга да келеди хариблик.
- Гыдай эчки суугъа къараб, мюйюзле кёрмесе, джашма алкъын, дегенди.
- Махтаннган къыз, тойда джукълар.
- Аманнга алтын чыдамаз.
- Зарда марда джокъ.
- Кёзюнде тереги болгъан, чёбю болгъаннга кюле эди.
- От кюйдюрген, сау болса да, тот кюйдюрген, сау болмаз.
- Босагъа таш юйге кирмей эди, тыбыр таш эшикге чыкъмай эди.
- Мал тутхан – май джалар.
- Тёрдеги кюлсе, эшикдеги ышарыр.
- Джюрекден джюрекге джол барды.
- Туз, гырджын аша, тюзлюк бла джаша.
- Игиге айтсанг – билир, аманнга айтсанг – кюлюр.
- Джарашыу сюйген – джалынчакъ.
- Акъыллы эркиши атын махтар, акъылсыз эркиши къатынын махтар.
- Ишни ахырын ойламай, аллын башлама.
- Кёбден умут этиб, аздан къуру къалма.
- Окъуу – билимни ачхычы, окъуу – дунияны бачхычы.
- Таукелге нюр джауар.
- Акъдан къара болмаз.
- Башланнган иш битер, къымылдагъан тиш тюшер.
- Эрни эр этерик да, къара джер этерик да, тиширыуду.
Аттоев Борис Мажитович, генерал-лейтенант ФСБ
Читают тему (гостей: 1)