- Сакъламагъан затынга джолукъсанг, не бек къууанаса, не бек ачыйса.
- Гугук кесини атын айтыб къычыргъанча, мен, мен деб нек тураса?
- Къызны минг тилер, бир алыр.
- Ачлыкъ отха секиртир.
- Халкъны джырын джырласанг, халкъ санга эжиу этер.
- Нарт сёз къарт болмаз.
- Нёгерсизни джолу узун.
- Айранны сюйген, ийнек тутар.
- Бетинги сатма, малынгы сат.
- Билеги кючлю, бирни джыгъар, билими кючлю, мингни джыгъар.
- Ишленмеген джаш – джюгенсиз ат, ишленмеген къыз – тузсуз хант.
- Тёрдеги кюлсе, эшикдеги ышарыр.
- Чакъырылмагъан къонакъ – орунсуз.
- Акъдан къара болмаз.
- Къарны аманнга къазан такъдырма, къолу аманнга от джакъдырма.
- Элге къуллукъ этмеген, элге ие болмаз.
- Башланнган иш битер, къымылдагъан тиш тюшер.
- Ишин билген, аны сыйын чыгъарады.
- Минг тенг да азды, бир джау да кёбдю.
- Дуния малгъа сатылма, кесингден телиге къатылма.
- Тойгъанлыкъ къойгъа джарашады.
- Эки къатын алгъанны къулагъы тынгнгаймаз.
- Аш хазыр болса, иш харам болур.
- Ашхы – джыяр, аман – джояр.
- Мураты болгъанны джюрек тебюую башхады.
- Намысы болмагъанны, сыйы болмаз.
- Ачыу алгъа келсе, акъыл артха къалады.
- Экиндини кеч къылсанг, чабыб джетер ашхам.
- Чабакъгъа акъыл, табагъа тюшсе келеди.
- Тюзлюк шохлукъну бегитир.
- Хар зат кесини орнуна иги.
- Тил джюрекге джол ишлейди.
- Рысхы джалгъанды: келген да этер, кетген да этер.
- Аманнга алтын чыдамаз.
- Керек ташны ауурлугъу джокъ.
- Ашхы сёз таш тешер.
- Этни бети бла шорпасы.
- Булут кёкге джарашыу, уят бетге джарашыу.
- Ашын ашагъанынгы, башын да сыйла.
- Иги джашны ышаны – аз сёлешиб, кёб тынгылар.
- Ашхылыкъ джерде джатмайды, аманлыкъ суугъа батмайды.
- Ана – юйню кюн джарыгъы.
- Мал тутхан – май джалар.
- Хата – гитчеден.
- Биреуню эскиси биреуге джангы болмайды.
- Гугурук къычырмаса да, тангны атары къалмаз.
- Баш – акъыл ючюн, акъылман – халкъ ючюн.
- Адам боллукъ, атламындан белгили болур.
- Ойнай билмеген, оюн бузар.
- Аууз сакълагъан – джан сакълар.
Аттоев Борис Мажитович, генерал-лейтенант ФСБ
Читают тему (гостей: 1)