- Эркишини аманы тиширыуну джылатыр.
- Чомартны къолу берекет.
- Ишлегенде эринме, ишде чолакъ кёрюнме.
- Ашхылыкъ джерде джатмайды, аманлыкъ суугъа батмайды.
- Къатыны харакетли болса, эри къымсыз болур.
- Бек ашыкъгъан меннге джетсин, дегенди аракъы.
- Сабыр джетер муратха, сабырсыз къалыр уятха.
- Ашыкъгъанны этеги бутуна чырмалыр.
- Ач – эснер, ат – кишнер.
- Кёзю сокъурдан – къоркъма, кёлю сокъурдан – къоркъ.
- Билгенни къолу къарны джандырыр.
- Джашда акъыл джокъ, къартда къарыу джокъ.
- Ишин билген, аны сыйын чыгъарады.
- Къайгъы тюбю – тенгиз.
- Асхат ашлыкъ сата, юйдегиси ачдан къата.
- Болджал ишни бёрю ашар.
- Баш – акъыл ючюн, акъылман – халкъ ючюн.
- Юреннген ауруу къалмаз.
- Тил – кесген бычакъ, сёз – атылгъан окъ.
- Халкъны юйю – туугъан джери.
- Туз, гырджын аша, тюзлюк бла джаша.
- Къар – келтирди, суу – элтди.
- Башы джабылгъан челекге, кир тюшмез.
- Сёз сёзню айтдырыр.
- Байны оноуу, джарлыгъа джарамаз.
- Иги джашны ышаны – аз сёлешиб, кёб тынгылар.
- Ургъан суудан башынгы сакъла.
- Окъдан джара эртде-кеч болса да бителир, сёз джара, ёмюрге къалыр.
- Къаллай салам берсенг, аллай джууаб алырса.
- Тамбла алтындан бюгюн багъыр ашхы.
- Уллу суу бла уллу ауруудан башынгы сакъла.
- Айырылгъанланы айю ашар, бёлюннгенлени бёрю ашар.
- Аман къатын сабий табса, бий болур…
- Аз айтсам, кёб ангылагъыз.
- Ауузу аманнга «иги», деме.
- Джарлы джети элни сёзюн этер.
- Чомарт бергенин айтмаз.
- Тилчи бир сагъатха айлыкъ хата этер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чабакъгъа акъыл, табагъа тюшсе келеди.
- Джети тилни билген джети кишиди.
- Байлыкъдан саулукъ ашхыды.
- Тюзлюк тас болмайды.
- Кёлсюзден сёзсюз тууар.
- Дууулдаса – бал чибин, къонса – къара чибин.
- Юре билмеген ит, къонакъ келтирир.
- Джолда аягъынга сакъ бол, ушакъда тилинге сакъ бол.
- Таукел тауну аудурур.
- Аман адамны тепсинге олтуртсанг, къызынгы тилер.
- Гитче джилтин уллу элни джандырыр.
