- Аууз сакълагъан – джан сакълар.
- Окъугъан – асыу, окъумагъан – джарсыу.
- Юйюнгден чыкъдынг – кюнюнгден чыкъдынг.
- Эркишини аманы тиширыуну джылатыр.
- Юй ишлеген балта эшикде къалыр.
- Джетген къыз джерли эшекни танымаз.
- Ач келгенни – тойдур, кеч келгенни – къондур.
- Тилчиден кери бол.
- Айтылгъан сёз ызына къайтмаз.
- Къар – келтирди, суу – элтди.
- Сагъышы джокъ – джукъучу, акъылы джокъ – къаугъачы.
- Къуллукъчума, деб махтанма, къуллукъ – хаух джамчыды!
- Айранны сюйген, ийнек тутар.
- Кёрмегеннге кебек – танг, битмегеннге сакъал – танг.
- Ёгюзню мюйюзюнден тутадыла, адамны сёзюнден тутадыла.
- Ёлмесенг да, къарт дамы болмазса?
- Аууздан келген, къолдан келсе, ким да патчах болур эди.
- Кёзюнде тереги болгъан, чёбю болгъаннга кюле эди.
- Атынг аманнга чыкъгъандан эсе, джанынг тамагъынгдан чыкъсын.
- Игиге айтсанг – билир, аманнга айтсанг – кюлюр.
- Адамгъа аман кюн соруб келмейди.
- Джарлыны эшигин махтагъан джабар.
- Аджал соруб келмез, келсе, къайтыб кетмез.
- Эр сокъур болсун, къатын тилсиз болсун.
- Бал ашаргъа сюе эсенг, чибин ургъаннга тёз.
- Тау башында, тау болмаз, джангыз терек, бау болмаз.
- Билим – акъылны чырагъы.
- Ишлегенде эринме, ишде чолакъ кёрюнме.
- Къатын къылыкъсыз, эр тынчлыкъсыз.
- Эллинг бла джау болсанг да, юйюнг бла джау болма.
- Мадар болса, къадар болур.
- Ойнай билмеген, оюн бузар.
- Тойну къарнашы – харс, джырны къарнашы – эжиу.
- Элге къуллукъ этмеген, элге ие болмаз.
- Дуния мал дунияда къалады.
- Таш ата билмеген, башына урур.
- Башда акъыл болмаса, эки аякъгъа кюч джетер.
- Келгинчи, къонакъ уялыр, келгенден сора, къонакъбай уялыр.
- Ашда уялгъан – мухар, ишде уялгъан – хомух.
- Ач отунчуну ачыуу – бурнунда.
- Соргъан айыб тюлдю, билмеген айыбды.
- Алтыннга тот къонмаз.
- Къая джолда джортма, ачыкъ сёзден къоркъма.
- Кийимни бир кюнню аясанг, минг кюннге джарар.
- Хазыр ашха – терен къашыкъ.
- Этни бети бла шорпасы.
- Билимден уллу байлыкъ джокъду.
- Келлик заман – къартлыкъ келтирир, кетген заман – джашлыкъ ёлтюрюр.
- Къарын къуру болса, джюрек уру болур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
