- Адамны адамлыгъы къыйынлыкъда айгъакъланады.
- Къызын тута билмеген, тул этер, джашын тута билмеген, къул этер.
- Ашаса, ашамаса да, бёрюню ауузу – къан.
- Телиге акъыл салгъандан эсе, ёлгеннге джан салырса.
- Тюзню ётмеги тюзде къалса да, тас болмаз.
- Джангыз торгъай джырламаз.
- Ашда уялгъан – мухар, ишде уялгъан – хомух.
- Къонакъ хазыр болгъанлыкъгъа, къонакъбай хазыр тюлдю.
- Кютгени беш эчки, сызгъыргъаны уа, джерни джарады.
- Айранын берсенг, челегин да къызгъанма.
- Рысхы джалгъанды: келген да этер, кетген да этер.
- Билим ат болуб да чабар, къуш болуб да учар.
- Адамны бетине къарама, адетине къара.
- Адеб джокъда, намыс джокъ.
- Юйлю уругъа ит чабмаз.
- Хатерли къул болур.
- Терек ауса, отунчу – кёб.
- Джигер – джаннга къыйынлыкъ.
- Алтыда кюлмеген, алтмышда кюлмез.
- Джан саулукъ бермей, сан саулукъ бермезсе.
- Онгсузну – джакъла, тенгликни – сакъла.
- Чомартны къолун джокълукъ байлар.
- Накъырда – кертини келечиси.
- Баш – акъыл ючюн, акъылман – халкъ ючюн.
- Айран ичген – къутулду, джугъусун джалагъан – тутулду.
- Рысхы – сют юсюнде кёмюк кибикди.
- Ичимден чыкъды хата, къайры барайым сата?
- Аман киши кеси юйюнде – къонакъ.
- Шайтан алдады, тюзлюк къаргъады.
- Ёзденликни джайгъан – джокълукъ.
- Кечеси – аяз, кюню – къыш, джарлы къаргъагъа бир аш тюш!
- Сангырау къулакъ эл бузар.
- Эрни эр этерик да, къара джер этерик да, тиширыуду.
- Уллу сёзде уят джокъ.
- Байны къызы баймакъ болса да, юйде къалмаз!
- Къар – келтирди, суу – элтди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тин – байлыгъынг, терен саулугъунг.
- Джашда акъыл джокъ, къартда къарыу джокъ.
- Ана – юйню кюн джарыгъы.
- Аман къатын алгъан, арыр, иги къатын алгъан джарыр.
- Ашыкъгъанны этеги бутуна чырмалыр.
- Ёлюр джаннга, ёкюл джокъ.
- Баргъанынга кёре болур келгенинг.
- Ата Джуртуму башы болмасам да, босагъасында ташы болайым.
- Кесинг сынамагъан затны, адамгъа буюрма.
- Аджалсыз ёлюм болмаз.
- Джукъу тёшек сайламайды.
- Илму – джашауну джолу.
- Таула не мийик болсала да, аууш табылыр.
