- Айырылмаз джууугъунга, унутмаз сёзню айтма.
- Урама да – ёледи, сатама да – келеди.
- Сабий болмагъан джерде, мёлек болмаз.
- Баланы адам этген анады.
- Дженгил джетерикме деб, узун джолну къоюб, къысхасын барма.
- Тамбла алтындан бюгюн багъыр ашхы.
- Халкъны джырын джырласанг, халкъ санга эжиу этер.
- Ариу джол аджал келтирмез.
- Байлыкъ болгъан джерде, тынчлыкъ джокъду.
- Ариуну – ауруу кёб.
- Къая джолда джортма, ачыкъ сёзден къоркъма.
- Чомарт джарлы болмаз.
- Эте билген, этген этеди, эте билмеген, юретген этеди!
- Ачлыкъ отха секиртир.
- Иги адам абынса да, джангылмаз.
- Эл ауузу – элек, анга ийнаннган – халек.
- Тилчи бир сагъатха айлыкъ хата этер.
- Элни кючю – эмеген.
- Ашхы тенг джолгъа салыр, аман тенг джолдан тайдырыр.
- Ашда уялгъан – мухар, ишде уялгъан – хомух.
- Арыгъан къош чамчы болур.
- Уллу къашыкъ эрин джыртар.
- Окъдан джара эртде-кеч болса да бителир, сёз джара, ёмюрге къалыр.
- Джетген къыз джерли эшекни танымаз.
- Къан бла кирген, джан бла чыгъар.
- Байлыкъдан саулукъ ашхыды.
- Акъыл аздырмаз, билим тоздурмаз.
- Чёбню кёлтюрсенг, тюбюнден сёз чыгъар.
- Сибиртки да сыйлы болду, кюрек да кюнлю болду.
- Адебсиз адам – джюгенсиз ат.
- Онгсузну – джакъла, тенгликни – сакъла.
- Аджашхан тёгерек айланыр.
- Таула не мийик болсала да, аууш табылыр.
- Кёб джашагъан – кёб билир.
- Аллахха ийнаннган кишини, Аллах онгдурур ишин.
- Тёрде – темир таякълы, къаяда – чыпчыкъ аякълы.
- Башда акъыл болмаса, эки аякъгъа кюч джетер.
- Хаухну атма, ёнгкючню сатма.
- Элге къуллукъ этмеген, элге ие болмаз.
- Мал ёлсе, сюек къалыр, адам ёлсе, иши къалыр.
- Чомарт къонакъ юй иесин сыйлар.
- Къарт айтханны этмеген, къартаймаз.
- Адеб этмеген, адеб кёрмез.
- Бал чибинни ургъаны – ачы, балы – татлы.
- Акъыл сабырлыкъ берир.
- Шайтан алдады, тюзлюк къаргъады.
- Мухардан ач ычхынмаз.
- Джангызны оту джарыкъ джанмаз!
- Къарыусузгъа кюлме, онгсузгъа тийме.
- Къонагъынгы артмагъын алма да, алгъышын ал.
