- Мухар, кеси тойса да, кёзю тоймаз.
- Таукелге нюр джауар.
- Аман адам элни бир-бирине джау этер.
- Къонакъ хазыр болгъанлыкъгъа, къонакъбай хазыр тюлдю.
- Хар ишни да аллы къыйынды.
- Ариу джол аджал келтирмез.
- Ётюрюк хапар аякъ тюбю бла джюрюйдю.
- Ишлерге уял да, ашаргъа табма.
- Эски джаугъа ышанма.
- Уясында не кёрсе, учханында аны этер.
- Сёз – кюмюш, джыр – алтын.
- Арба аугъандан сора, джол кёргюзтюучю кёб болур.
- Бетинги сатма, малынгы сат.
- Суу кетер, таш къалыр.
- Баланы адам этген анады.
- Ханы къызы буюгъа-буюгъа киштик болду.
- Сютден ауузу кюйген, суугъа юфгюре эди.
- Кёрмегеннге кебек – танг, битмегеннге сакъал – танг.
- Ишге юренсин къоллары, халкъ бла болсун джоллары.
- Башы ишлегенни, ауузу да ишлер.
- Адеб джокъда, намыс джокъ.
- Игиге айтсанг – билир, аманнга айтсанг – кюлюр.
- Аман къатын алгъан, арыр, иги къатын алгъан джарыр.
- Къартха ушагъан джаш – акъыллы, джашха ушагъан къарт – тели.
- Джан саулукъ бермей, сан саулукъ бермезсе.
- Кёб джашагъан – кёб билир.
- Сёлеш деб шай берген, тохта деб, сом берген.
- Ата – билек, ана – джюрек!
- Джаханимни кёрмей, джандетге кёл салмазса.
- Эртде тургъан джылкъычыны эркек аты тай табар.
- Ауругъанны сау билмез, ач къарынны токъ билмез.
- Тюкюрюк баш джармаз, налат кёз чыгъармаз!
- Ётген ёмюр – акъгъан суу.
- Киштикге къанат битсе, чыпчыкъ къалмаз эди.
- Айныгъанлы алты кюн, тогъайгъанлы тогъуз кюн.
- Акъдан къара болмаз.
- Болджал ишни бёрю ашар.
- Ата Джуртун танымагъан, атасын да танымаз.
- Кёз – сюйген джерде, къол – ауругъан джерде.
- Биреу къой излей, биреу той излей.
- Накъырданы арты керти болур.
- Аманны эки битли тону болур, бирин сеннге кийдирир, бирин кеси киер.
- Элиб деген, элге болушур.
- Кёбден умут этиб, аздан къуру къалма.
- Джетген къыз джерли эшекни танымаз.
- Къаллай салам берсенг, аллай джууаб алырса.
- Тюзлюк тас болмайды.
- Къарт айтханны этмеген, къартаймаз.
- Этни бети бла шорпасы.
- Адамны бетине къарама, адетине къара.
