- Айран тёгюлсе, джугъусу къалыр.
- Айтхан – тынч, этген – къыйын.
- Мухар, кеси тойса да, кёзю тоймаз.
- Рысхы – сют юсюнде кёмюк кибикди.
- Сабыр джетер муратха, сабырсыз къалыр уятха.
- Эски джаугъа ышанма.
- Этни бети бла шорпасы.
- Душманны тышы – акъ, ичи – къара.
- Эр сокъур болсун, къатын тилсиз болсун.
- Иги джашны ышаны – аз сёлешиб, кёб тынгылар.
- Адамны аты башхача, акъылы да башхады.
- Мени джылытмагъан кюн, меннге тиймесин!
- Ана – юйню кюн джарыгъы.
- Ач бёрюге мекям джокъ.
- Тамырсыз терекге таянма – джыгъылырса.
- Кёз – сюйген джерде, къол – ауругъан джерде.
- Тойну къарнашы – харс, джырны къарнашы – эжиу.
- Билимсиз иш бармаз.
- Илму – джашауну джолу.
- Эли джокъну – кёлю джокъ.
- Джаным-тиним – окъуу, билим.
- Къызын тута билмеген, тул этер, джашын тута билмеген, къул этер.
- Ашхы атаны – джашы ашхы, ашхы ананы – къызы ашхы.
- Чомарт къолда мал къалмаз.
- Баш болса, бёрк табылыр.
- Кёл ашады да, кеси ашады.
- Ётген ёмюр – акъгъан суу.
- Биреуню тёрюнден, кесинги эшик артынг игиди.
- Адебни адебсизден юрен.
- Таукел къуру къалмаз.
- Ашхы сёз таш тешер.
- Джетген къыз джерли эшекни танымаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Акъыл неден да кючлюдю.
- Джумушакъ терекни къурт ашар.
- Уллу къашыкъ эрин джыртар.
- Тил джюрекге джол ишлейди.
- Къонагъы джокъну – шоху джокъ.
- Акъыллы – эл иеси, тели – эл баласы.
- Кесине гебен этелмеген, биреуге черен эте эди.
- Чомарт къонакъ юй иесин сыйлар.
- Ариу сёзде ауруу джокъ.
- Эркишиге тары кебек танг кёрюнюр.
- Кюл тюбюндеги от кёрюнмейди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аман адам этегингден тутса, кес да къач.
- Джырчы ёлсе, джыры къалыр.
- Ойнай-ойнай кёз чыгъар.
- Кёб къычыргъандан – къоркъма, тынч олтургъандан – къоркъ.
- Мал тутхан – май джалар.
