- Иги адам абынса да, джангылмаз.
- Ашхы тенг джолгъа салыр, аман тенг джолдан тайдырыр.
- Иги сёз – джаннга азыкъ, аман сёз башха – къазыкъ.
- Джарлыны эшигин махтагъан джабар.
- Дуния аламаты сен эсенг да, игиме деб айтма.
- Ачыу алгъа келсе, акъыл артха къалады.
- Къонакъ болсанг, ийнакъ бол.
- Эки къатын алгъанны къулагъы тынгнгаймаз.
- Биреуню тёрюнден, кесинги эшик артынг игиди.
- Накъырда – кертини келечиси.
- Уруну арты – къуру.
- Киштикге къанат битсе, чыпчыкъ къалмаз эди.
- Джукъу тёшек сайламайды.
- Экиндини кеч къылсанг, чабыб джетер ашхам.
- Гитче джилтин уллу элни джандырыр.
- Кимни – тили, тиши онглу, кимни – къолу, иши онглу.
- Ёлюр джаннга, ёкюл джокъ.
- Ариу сёз – къылычдан джити.
- Ач уят къоймаз.
- Эл ауузу – элек, анга ийнаннган – халек.
- Мухарны эси – ашарыкъда.
- Аууздан келген, къолдан келсе, ким да патчах болур эди.
- Къанны къан бла джуума, аманны аман бла къуума.
- Ашхы атаны – джашы ашхы, ашхы ананы – къызы ашхы.
- Аман адам элни бир-бирине джау этер.
- Эшекге миннген – биринчи айыб, андан джыгъылгъан – экинчи айыб.
- Къайгъы тюбю – тенгиз.
- Джарлы эскисин джамаса, къууаныр.
- Ачны эсинде – аш.
- Билген билмегенни юретген адетди.
- Мухардан ач ычхынмаз.
- Ачлыкъда тары гырджын халыуадан татлы.
- Экеу тутушса, биреу джыгъылыр.
- Тёзген – тёш ашар!
- Келлик заман – къартлыкъ келтирир, кетген заман – джашлыкъ ёлтюрюр.
- Аманнга да, игиге да оноусуз къатышма.
- Джетген къыз джерли эшекни танымаз.
- Дуния мал дунияда къалады.
- Эрни эр этерик да, къара джер этерик да, тиширыуду.
- Сабий болмагъан джерде, мёлек болмаз.
- Ашатыргъа иш – ашхы, ишлетирге аш – ашхы.
- Бозанг болмагъан джерге, къалагъынгы сукъма.
- Джарашыу сюйген – джалынчакъ.
- Джырчы ёлсе, джыры къалыр.
- Ойнай билмеген, оюн бузар.
- Сакъалы текени да бар, мыйыгъы киштикни да бар.
- Акъдан къара болмаз.
- Акъыл бла адеб эгизледиле.
- Ачлыкъ отха секиртир.
- Кёлсюзден сёзсюз тууар.
