- Тенги кёбню джау алмаз, акъылы кёбню дау алмаз.
- Иги сеники эсе да, сюйген кесимикин этеме.
- Адамны артындан къара сабан сюрме.
- Ариу джол аджал келтирмез.
- Ойнай билмеген, уруб къачар.
- Къазанда болса, чолпугъа чыгъар.
- Тюзню ётмеги тюзде къалса да, тас болмаз.
- Джан саулукъ бермей, сан саулукъ бермезсе.
- Нафысынгы айтханын этме, намысынгы айтханын эт.
- Чакъырылмай келген къонакъ сыйланмай кетер.
- Ётюрюкден тюбю джокъ, кёлтюрюрге джиби джокъ.
- Эки ойлашыб, бир сёлешген.
- Къуру гыбыт бек дыгъырдар.
- Ариу – кёзге, акъыл – джюрекге.
- Ана кёлю – балада, бала кёлю – талада.
- Алма терегинден кери кетмез.
- Джукъу тёшек сайламайды.
- Тура эдим джата, къайдан чыкъды хата?
- Айранын берсенг, челегин да къызгъанма.
- Эли джокъну – кёлю джокъ.
- Эр сокъур болсун, къатын тилсиз болсун.
- Босагъагъа джууукъ орун болса, ашыгъыб тёрге озма.
- Биреуге кёлтюрген таягъынг, кесинги башынга урур.
- Уллу къазанда бишген эт, чий къалмаз.
- Арбаз сайлама да, хоншу сайла.
- Тилсиз миллет джокъ болур.
- Аманны къуугъан, аманлыкъ табар.
- Таугъа чыгъаллыкъ эсенг, тюзде къалма.
- Аман къатын алгъан, арыр, иги къатын алгъан джарыр.
- Тюзлюк шохлукъну бегитир.
- Мураты болгъанны джюрек тебюую башхады.
- Чомарт къонакъ юй иесин сыйлар.
- Бал – татлы, балдан да бала – татлы.
- Аман адам элни бир-бирине джау этер.
- Хазыр ашха – терен къашыкъ.
- Тёзген – тёш ашар!
- Къуллукъчума, деб махтанма, къуллукъ – хаух джамчыды!
- Кийиминг бла танылма, адамлыкъ бла таныл.
- Арбаз къынгырды да, ийнек сауалмайма.
- Баргъанынга кёре болур келгенинг.
- Ариу сёзде ауруу джокъ.
- Адамны аманы адамны бети бла ойнар.
- Къонакъ хазыр болгъанлыкъгъа, къонакъбай хазыр тюлдю.
- Элде адам къалмаса, ит тахтагъа минер.
- Джарлыны эшигин махтагъан джабар.
- Суу да къайтады чыкъгъан джерине.
- Эркиши – от, тиширыу – суу.
- Ашыкъгъан cуу, тенгизге джетмез.
- Суу ичген шауданынга тюкюрме.
- Ёзденликни кёбю ётюрюк.
