- Ашда уялгъан – мухар, ишде уялгъан – хомух.
- Нарт сёз – тилни бети.
- Эки итни арасына сюек атма, эки адамны арасында сёз чыгъарма.
- Ариу джол аджал келтирмез.
- Аллахдан тилесенг, кёб тиле.
- Бозаны арты дауур болур.
- Джаз бир кюнню джатсанг, къыш талай кюнню абынырса.
- Къазанчы аман болса, къазаны къайнамаз.
- Къайгъыны сюйген, къайгъы табар.
- Чабар ат – джетген къыз.
- Хаухну атма, ёнгкючню сатма.
- Ишлегенде эринме, ишде чолакъ кёрюнме.
- Термилгенинги табмазса, кюлгенинге тюберсе.
- Олтуруб кёрюнмей эди да, ёрге туруб кёрюне эди.
- Чакъырылмагъан къонакъ тёрге атламаз.
- Тамбла алтындан бюгюн багъыр ашхы.
- Адамны артындан къара сабан сюрме.
- Мухардан ач ычхынмаз.
- Джюрекден джюрекге джол барды.
- Ачылгъан эт джабылыр, кёрген кёз унутмаз.
- Рысхы джалгъанды: келген да этер, кетген да этер.
- Бетинги сатма, малынгы сат.
- Мухар, кеси тойса да, кёзю тоймаз.
- Къарнынг ауруса, ауузунгу тый
- Айранын берсенг, челегин да къызгъанма.
- Ата Джуртун танымагъан, атасын да танымаз.
- Окъумагъан сокъурду, сокъур ташха абыныр!
- Ёксюзню къалачы уллу кёрюнюр.
- Къуллукъчума, деб махтанма, къуллукъ – хаух джамчыды!
- От кюйдюрген, сау болса да, тот кюйдюрген, сау болмаз.
- Хансыз джомакъ болмаз.
- Къонакъ аман болса, къонакъбай джунчур
- Насыблы элин сюер, насыбсыз кесин сюер.
- Элге къуллукъ этмеген, элге ие болмаз.
- Кёл ашады да, кеси ашады.
- Атлыны ашхысы, ат тизгининден билинир
- Мураты болгъанны джюрек тебюую башхады.
- Мал ёлсе, сюек къалыр, адам ёлсе, иши къалыр.
- Харам къарнашдан, халал тенг ашхы.
- Ишленмеклик адамлыкъды.
- Мухарны эси – ашарыкъда.
- Зар адам ашынгы ашар, кесинги сатар.
- Аллахха ийнаннган кишини, Аллах онгдурур ишин.
- Ач да бол, токъ да бол – намысынга бек бол.
- Хар ишни да аллы къыйынды.
- Ётюрюкчюню шагъаты – къатында.
- Битмегеннге сакъал – танг.
- Окъугъан озар, окъумагъан тозар.
- Джаш къарыу бла кючлю, къарт акъыл бла кючлю.
- Халкъны джырын джырласанг, халкъ санга эжиу этер.
