- Билимли ёлмез, билимсиз кёрмез.
- Игиге айтсанг – билир, аманнга айтсанг – кюлюр.
- Ариу сёз – къылычдан джити.
- Аман адам элни бир-бирине джау этер.
- Бал – татлы, балдан да бала – татлы.
- Мураты болгъанны джюрек тебюую башхады.
- Ариу – кёзге, акъыл – джюрекге.
- Гыдай эчки суугъа къараб, мюйюзле кёрмесе, джашма алкъын, дегенди.
- Джаш болсун, къыз болсун, акъылы, саны тюз болсун.
- Ёксюзню къалачы уллу кёрюнюр.
- Къобан да къуру да къобханлай турмайды, адам да къуру да патчахлай турмайды.
- Къазанчы аман болса, къазаны къайнамаз.
- Акъыллы айтыр эди, акъылсыз къоймайды.
- Ат басханны джер билед.
- Биреуню эскиси биреуге джангы болмайды.
- Тамырсыз терекге таянма – джыгъылырса.
- Джаш къарыу бла кючлю, къарт акъыл бла кючлю.
- Ауузу бла къуш тута айланады.
- Тюзлюк шохлукъну бегитир.
- Эр сокъур болсун, къатын тилсиз болсун.
- Урунуу – насыбны анасы.
- Тили узунну, намысы – къысха.
- Сибиртки да сыйлы болду, кюрек да кюнлю болду.
- Бек ашыкъгъан меннге джетсин, дегенди аракъы.
- Таукел адам тау тешер.
- Ханнга да келеди хариблик.
- Джигер – джаннга къыйынлыкъ.
- Телиге акъыл салгъандан эсе, ёлгеннге джан салырса.
- Чалманны аллы къалай башланса, арты да алай барады.
- Къартны сыйын кёрмеген, къартлыгъында сыйлы болмаз.
- От этилмеген джерден тютюн чыкъмайды.
- Байдан умут эте, джарлыдан ёгюз багъасы къорады.
- Чакъырылмагъан джерге барма, чакъырылгъан джерден къалма.
- Чомарт бергенин айтмаз.
- Джюрек кёзден алгъа кёрюр.
- Нёгер болсанг, тенг бол, тенг болмасанг, кенг бол.
- Адеб джокъда, намыс джокъ.
- Аз сёлешген, къайгъысыз турур.
- Къарыусузгъа кюлме, онгсузгъа тийме.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къонакъ кёб келюучю юйню, къазаны отдан тюшмез.
- Агъач халкъгъа алтынды, иссиликге салкъынды.
- Ач къарынны, токъ билмез
- Ким бла джюрюсенг, аны кёзю бла кёрюнюрсе.
- Сыфатында болмагъаны, суратында болмаз.
- Ач – эснер, ат – кишнер.
- Байлыкъ болгъан джерде, тынчлыкъ джокъду.
- Акъдан къара болмаз.
- Кийим тукъум сордурур.
- Къартха ушагъан джаш – акъыллы, джашха ушагъан къарт – тели.
