- Эки итни арасына сюек атма, эки адамны арасында сёз чыгъарма.
- Нарт сёз къарт болмаз.
- Адамны артындан къара сабан сюрме.
- Джарлыны эшигин махтагъан джабар.
- Джашынгы кесинг юретмесенг, джашау юретир.
- Тамырсыз терекге таянма – джыгъылырса.
- Бермеген къол, алмайды.
- Джылкъыдан – ат чыгъар, тукъумдан – джаш чыгъар.
- Айырылмаз джууугъунга, унутмаз сёзню айтма.
- Тёзген – тёш ашар!
- Орну джокъну – сыйы джокъ.
- Сабий кёргенин унутмаз.
- Таш ата билмеген, башына урур.
- Юй ишлеген балта эшикде къалыр.
- Ишни ахырын ойламай, аллын башлама.
- Юй кюйдю да, кюйюз чыкъды, ортасындан тюйюш чыкъды.
- Айтылгъан буйрукъ, сёгюлмез
- Эшекни не къадар тюйсенг да, ат болмаз.
- Билгенни къолу къарны джандырыр.
- Аман къатын алгъан, арыр, иги къатын алгъан джарыр.
- Башынга джетмегенни сорма.
- Таукелге нюр джауар.
- Суу да къайтады чыкъгъан джерине.
- Чакъырылмагъан къонакъ къачан кетерин сормаз.
- Акъыллы эркиши атын махтар, акъылсыз эркиши къатынын махтар.
- Тюзлюк шохлукъну бегитир.
- Юйлю уругъа ит чабмаз.
- Зарда марда джокъ.
- Кёкдеги болмаса, джердегин кёрмейди.
- Аманны эки битли тону болур, бирин сеннге кийдирир, бирин кеси киер.
- Къайтырыкъ эшигинги, къаты уруб чыкъма.
- Игини сыйлагъан адетди.
- Джашны джигитлиги сорулур, къызны джигерлиги сорулур.
- Иги сёз – джаннга азыкъ, аман сёз башха – къазыкъ.
- Соргъан айыб тюлдю, билмеген айыбды.
- Артына баргъанны, къатына барма.
- Танг атмайма десе да, кюн къоярыкъ тюйюлдю.
- Гитче джилтин уллу элни джандырыр.
- Къан бла кирген, джан бла чыгъар.
- Сабий болмагъан джерде, мёлек болмаз.
- Ышармагъан – кюлмез, кюлмеген – къууанчны билмез.
- Сагъышы джокъ – джукъучу, акъылы джокъ – къаугъачы.
- Эринчекге кюн узун.
- Хатерли къул болур.
- Ёмюрлюк шохлукъну джел элтмез.
- Булут кёкге джарашыу, уят бетге джарашыу.
- Ашхылыкъ джерде джатмайды, аманлыкъ суугъа батмайды.
- Къыйынлы джети элге оноу этер.
- Уллу къазанда бишген эт, чий къалмаз.
- Аманны къуугъан, аманлыкъ табар.
