- Байма, деб да, къууанма, джарлыма, деб да, джылама.
- Джуртун къоругъан озар.
- Окъ къызбайны джокълайды.
- Кечеси – аяз, кюню – къыш, джарлы къаргъагъа бир аш тюш!
- Чакъырылмагъан къонакъ – орунсуз.
- Адам туугъан джеринде, ит тойгъан джеринде.
- Билимли ёлмез, билимсиз кёрмез.
- Ашлыкъ – бюртюкден, джюн – тюкден.
- Ата – баланы уясы.
- Айтхан сёзюне табылгъан.
- Билим – акъылны чырагъы.
- Урама да – ёледи, сатама да – келеди.
- Бек анасы джыламаз.
- Болджал ишни бёрю ашар.
- Чомартха хар кюн да байрамды.
- Бал чибинни ургъаны – ачы, балы – татлы.
- Къарыусузгъа кюлме, онгсузгъа тийме.
- Байны къызы баймакъ болса да, юйде къалмаз!
- Аз сёлешген, къайгъысыз турур.
- Элиб деген, элге болушур.
- Урунуу – насыбны анасы.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аманны тукъумуна къарама, игини тукъумун сорма.
- Кёрмегеннге кебек – танг, битмегеннге сакъал – танг.
- Иги адамны бир сёзю эки болмаз.
- Чарсда алчыны эл кёреди.
- Джюз элде джюз ёгюзюм болгъандан эсе, джюз джууугъум болсун.
- Биреуге кёлтюрген таягъынг, кесинги башынга урур.
- Ачлыкъ отха секиртир.
- Кёзню ачылгъаны – иги, ауузну джабылгъаны – иги.
- Зарда марда джокъ.
- Алма терегинден кери кетмез.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Арбаз къынгырды да, ийнек сауалмайма.
- Тай асырагъан, атха минер.
- Ётюрюкден тюбю джокъ, кёлтюрюрге джиби джокъ.
- Тамчы таш тешер.
- Окъуусуз билим – джокъ, билимсиз кюнюнг – джокъ.
- Къан бла кирген, джан бла чыгъар.
- Баргъанынга кёре болур келгенинг.
- Джетген къыз джерли эшекни танымаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Байлыкъ адамны сокъур этер.
- Этим кетсе да, сюегим къалыр.
- Ёлген аслан – сау чычхан.
- Ауругъан – джашаудан умутчу.
- Иги адам абынса да, джангылмаз.
- Ёлмесенг да, къарт дамы болмазса?
- Душманны тышы – акъ, ичи – къара.
- Элде адам къалмаса, ит тахтагъа минер.
