- Хатерли къул болур.
- Хар сёзню орну барды.
- Чакъырылмагъан джерге барма, чакъырылгъан джерден къалма.
- Акъдан къара болмаз.
- Ашда – бёрю, ишде – ёлю.
- Кёпюр салгъан кеси ётер, уру къазгъан кеси кетер.
- Адебсиз адам – джюгенсиз ат.
- Душманны тышы – акъ, ичи – къара.
- Адам къаллай бир ишленмесе, аллай бир кесин уллу кёреди.
- Агъач халкъгъа алтынды, иссиликге салкъынды.
- Юйюнгден чыкъдынг – кюнюнгден чыкъдынг.
- Иги – алгъыш этер, аман – къаргъыш этер.
- Ханнга да келеди хариблик.
- Алма терегинден кери кетмез.
- Тюзню ётмеги тюзде къалса да, тас болмаз.
- Келинин тута билмеген, къул этер, къызын тута билмеген, тул этер.
- Айтхан сёзюне табылгъан.
- Тау башында, тау болмаз, джангыз терек, бау болмаз.
- Эл ауузу – элия.
- Къарыусузгъа кюлме, онгсузгъа тийме.
- Намысы джокъну – дуниясы джокъ.
- Джумушакъ терекни къурт ашар.
- Аман адам элни бир-бирине джау этер.
- От кюйдюрген, сау болса да, тот кюйдюрген, сау болмаз.
- Ашхы болсанг, атынг чыгъар, аман болсанг, джанынг чыгъар.
- Борчунг бар эсе, хурджунунга ойлаб узал.
- Киштикге къанат битсе, чыпчыкъ къалмаз эди.
- Ач, тоймам, дейди, тойгъан, ач болмам, дейди.
- Игини сыйлагъан адетди.
- Аманнга да, игиге да оноусуз къатышма.
- Джаш болсун, къыз болсун, акъылы, саны тюз болсун.
- Ёлген ийнек сютлю болур.
- Къуллукъчума, деб махтанма, къуллукъ – хаух джамчыды!
- Бир абыннган – минг сюрюнюр.
- Эки итни арасына сюек атма, эки адамны арасында сёз чыгъарма.
- Чомартны къолу берекет.
- Окъ къызбайны джокълайды.
- Ашхы тенг джолгъа салыр, аман тенг джолдан тайдырыр.
- Джахил болса анасы, не билликди баласы?
- Ёзденликни джайгъан – джокълукъ.
- Ач да бол, токъ да бол – намысынга бек бол.
- Байлыкъ адамны сокъур этер.
- Ач уят къоймаз.
- Къонакъ аман болса, къонакъбай джунчур
- Джаш къарыу бла кючлю, къарт акъыл бла кючлю.
- Аман киши кеси юйюнде – къонакъ.
- Эте билген, этген этеди, эте билмеген, юретген этеди!
- Суу да къайтады чыкъгъан джерине.
- Ётген ёмюр – акъгъан суу.
- Эшекни не къадар тюйсенг да, ат болмаз.
