- Эртде тургъан бла эртде юйленнген сокъуранмаз.
- Ашын ашагъанынгы, башын да сыйла.
- Джаханимни кёрмей, джандетге кёл салмазса.
- Арба аугъандан сора, джол кёргюзтюучю кёб болур.
- Ач отунчуну ачыуу – бурнунда.
- Татлы сёз – балдан татлы.
- Джаш къарыу бла кючлю, къарт акъыл бла кючлю.
- Орну джокъну – сыйы джокъ.
- Къыз чыгъаргъан – къызыл къымжа.
- Башланнган иш битер, къымылдагъан тиш тюшер.
- Иги болса, тамадама – махтау, аман болса, меннге – айыб.
- Чакъырылмагъан джерге барма, чакъырылгъан джерден къалма.
- Гугурук къычырмаса да, тангны атары къалмаз.
- Туз, гырджын аша, тюзлюк бла джаша.
- Ойнай билмеген, уруб къачар.
- Ач – эснер, ат – кишнер.
- Кюн кёрмеген, кюн кёрсе, кюндюз чыракъ джандырыр.
- Тура эдим джата, къайдан чыкъды хата?
- Адам боллукъ, атламындан белгили болур.
- Нёгер болсанг, тенг бол, тенг болмасанг, кенг бол.
- Юйюнг бла джау болгъандан эсе, элинг бла джау бол.
- Таш ата билмеген, башына урур.
- Кюлме джашха – келир башха.
- Джылкъыдан – ат чыгъар, тукъумдан – джаш чыгъар.
- Терек ауса, отунчу – кёб.
- Джуртун къоругъан озар.
- Эр сокъур болсун, къатын тилсиз болсун.
- Тёзгеннге, джабылгъан эшик ачылыр.
- Харам къарнашдан, халал тенг ашхы.
- Джюрекден джюрекге джол барды.
- Телиге от эт десенг, юйюнге от салыр.
- Шайтан алдады, тюзлюк къаргъады.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тамбла алтындан бюгюн багъыр ашхы.
- Джиби бир къат джетмей эди да, эки къат тарта эди.
- Чоюнну башы ачыкъ болса, итге уят керекди.
- Джолунга кёре – джюрюшюнг, джагъанга кёре – юлюшюнг.
- Аман хансны – урлугъу кёб.
- Айран ичген – къутулду, джугъусун джалагъан – тутулду.
- Кёзюнде тереги болгъан, чёбю болгъаннга кюле эди.
- Джогъун бар этген, барын бал этген.
- Юй ишлеген балта эшикде къалыр.
- Ана кёлю – балада, бала кёлю – талада.
- Ашхы – джыяр, аман – джояр.
- Ишге юренсин къоллары, халкъ бла болсун джоллары.
- Адебсиз адам – джюгенсиз ат.
- Бети – къучакълар, джюреги – бычакълар.
- Хансыз джомакъ болмаз.
- Баш – акъыл ючюн, акъылман – халкъ ючюн.
- Джашлыкъ этмеген, башлыкъ этмез.
