- Тойгъандан сора, ашны сёкме.
- Мухардан ач ычхынмаз.
- Ашатыргъа иш – ашхы, ишлетирге аш – ашхы.
- Насыб бютеу халкъны юлюшюдю.
- Уллу атлама – абынырса, уллу къабма – къарылырса.
- Дженгил джетерикме деб, узун джолну къоюб, къысхасын барма.
- Ётген ёмюр – акъгъан суу.
- Чалманны аллы къалай башланса, арты да алай барады.
- Акъыллы – эл иеси, тели – эл баласы.
- Ёгюзню мюйюзюнден тутадыла, адамны сёзюнден тутадыла.
- Аман киши кеси юйюнде – къонакъ.
- Айран ичген – къутулду, джугъусун джалагъан – тутулду.
- Ауурну тюбю бла, дженгилни башы бла джюрюген.
- Эшекни не къадар тюйсенг да, ат болмаз.
- Кёзню ачылгъаны – иги, ауузну джабылгъаны – иги.
- Джол бла сёзню къыйыры джокъ.
- Адеб джокъда, намыс джокъ.
- Аман къатын сабий табса, бий болур…
- Ауузу аманнга «иги», деме.
- Ач отунчуну ачыуу – бурнунда.
- Къозулугъунда тоймагъан, къойлугъунда тоймаз.
- Махтаннган къыз, тойда джукълар.
- Арбаз къынгырды да, ийнек сауалмайма.
- Билген билмегенни юретген адетди.
- Уруну арты – къуру.
- Кёбню кёрген – кёб билир.
- Къралынгы – душмандан, башынгы от бла суудан сакъла.
- Билим къая тешер.
- Чыбыкълыкъда бюгюлмеген, къазыкълыкъда бюгюлмей эди.
- Эли джокъну – кёлю джокъ.
- Байлыкъ адамны сокъур этер.
- Мал кёб болса, джууукъ кёб болур.
- Къайгъы тюбю – тенгиз.
- Алма терегинден кери кетмез.
- Къартны сыйын кёрмеген, къартлыгъында сыйлы болмаз.
- Джигер – джаннга къыйынлыкъ.
- Билим насыб берир, билим джолну керир.
- Бермеген къол, алмайды.
- Юйюнг бла джау болгъандан эсе, элинг бла джау бол.
- Акъылсызны джууукъгъа алма, акъыллыны кенгнге салма.
- Кюлме джашха – келир башха.
- Ашхы – джыяр, аман – джояр.
- Ашхы тенг джолгъа салыр, аман тенг джолдан тайдырыр.
- Уллу суу бла уллу ауруудан башынгы сакъла.
- Уллу къазанда бишген эт, чий къалмаз.
- Эски джаугъа ышанма.
- Орундукъ тюбюнде атылсам да, орта джиликме, де да айлан.
- Туз, гырджын аша, тюзлюк бла джаша.
- Сууда джау джокъ, кёб сёзде магъана джокъ.
- Харам къарнашдан, халал тенг ашхы.
