- Аман адам элни бир-бирине джау этер.
- Къонакъ аман болса, къонакъбай джунчур
- Байлыкъ болгъан джерде, тынчлыкъ джокъду.
- Къайгъы тюбю – тенгиз.
- Адамны артындан къара сабан сюрме.
- Аш берме да, къаш бер.
- Къатыны харакетли болса, эри къымсыз болур.
- Хатерли къул болур.
- Джырчы ёлсе, джыры къалыр.
- Башсыз урчукъ тюзюне айланмаз.
- Сагъышы джокъ – джукъучу, акъылы джокъ – къаугъачы.
- Чакъырылмагъан къонакъ къачан кетерин сормаз.
- Бал чибинни ургъаны – ачы, балы – татлы.
- Сабийни джумушха джибер да, ызындан бар.
- Кеси юйюмде мен да ханма.
- Тели турса – той бузар.
- Рысхысына кёре, джаш ёсер, къышлыгъына кёре, мал ёсер.
- Кёкдеги болмаса, джердегин кёрмейди.
- Биреу къой излей, биреу той излей.
- Къарнынг ауруса, ауузунгу тый
- Уллу сёлешме да, уллу къаб.
- Джогъун бар этген, барын бал этген.
- Акъылсызны джууукъгъа алма, акъыллыны кенгнге салма.
- Къарны аманнга къазан такъдырма, къолу аманнга от джакъдырма.
- Арба аугъандан сора, джол кёргюзтюучю кёб болур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ариуну – ауруу кёб.
- Тешигини къатында, чычхан да батыр болур.
- Къая джолда джортма, ачыкъ сёзден къоркъма.
- Арпа, будай – ащды, алтын, кюмюш а – ташды.
- Чыкълы кюнде чыкъмагъан, чыкъса къуру кирмеген.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кимни – тили, тиши онглу, кимни – къолу, иши онглу.
- Соргъан айыб тюлдю, билмеген айыбды.
- Джылкъыдан – ат чыгъар, тукъумдан – джаш чыгъар.
- Дуния малгъа сатылма, кесингден телиге къатылма.
- Кесине оноу эте билмеген, халкъына да эте билмез.
- Минг тенг да азды, бир джау да кёбдю.
- Къарнынг бла ёч алма.
- Кёб джат да, бек чаб.
- Харам къарнашдан, халал тенг ашхы.
- Тёрдеги кюлсе, эшикдеги ышарыр.
- Бозанг болмагъан джерге, къалагъынгы сукъма.
- Билимден уллу байлыкъ джокъду.
- Адамны аманы адамны бети бла ойнар.
- Онгсузну – джакъла, тенгликни – сакъла.
- Айтхан сёзюне табылгъан.
- Сабыр джетер муратха, сабырсыз къалыр уятха.
- Арбаз сайлама да, хоншу сайла.
- Игиге айтсанг – билир, аманнга айтсанг – кюлюр.
