- Ёпкелегенни ашы татлы болады.
- Джарашыу сюйген – джалынчакъ.
- Акъыл къартда, джашда тюйюлдю – башдады.
- Эм уллу байлыкъ – джан саулукъ.
- Къолунгдан къуймакъ ашатсанг да, атаны борчундан къутулмазса.
- Хансыз джомакъ болмаз.
- Бермеген къол, алмайды.
- Азыкълы ат арымаз, къатыны аман джарымаз.
- Къартха ушагъан джаш – акъыллы, джашха ушагъан къарт – тели.
- Босагъагъа джууукъ орун болса, ашыгъыб тёрге озма.
- Биреу къой излей, биреу той излей.
- Ачлыкъда тары гырджын халыуадан татлы.
- Джарлыны тону джаз битер.
- Тин – байлыгъынг, терен саулугъунг.
- Къайтырыкъ эшигинги, къаты уруб чыкъма.
- Билими азны – ауузунда кирит.
- Ашхылыкъ джерде джатмайды, аманлыкъ суугъа батмайды.
- Махтаннган къыз, тойда джукълар.
- Сёлеш деб шай берген, тохта деб, сом берген.
- Татлы тилде – сёз ариу, чемер къолда – иш ариу.
- Аз сёлешген, къайгъысыз турур.
- Иги болса, тамадама – махтау, аман болса, меннге – айыб.
- Аллахха ийнаннган кишини, Аллах онгдурур ишин.
- Джашда акъыл джокъ, къартда къарыу джокъ.
- Тилчи тилден къаныкъмаз.
- Къызбайны юйюне дери сюрсенг, батыр болур.
- Ишлемеген – тишлемез.
- Келинни – келгинчи, бёркню кийгинчи кёр.
- Къарнынг ауруса, ауузунгу тый
- Акъыллы эркиши атын махтар, акъылсыз эркиши къатынын махтар.
- Бек анасы джыламаз.
- Айран ичген – къутулду, джугъусун джалагъан – тутулду.
- Джолунга кёре – джюрюшюнг, джагъанга кёре – юлюшюнг.
- Тёзгеннге, джабылгъан эшик ачылыр.
- Юйюнг бла джау болгъандан эсе, элинг бла джау бол.
- Адам сёзюнден белгили.
- Сормай – алма, чакъырылмай – барма.
- Соргъан айыб тюлдю, билмеген айыбды.
- Сёз къанатсыз учар.
- Кёб джашагъан – кёб билир.
- Гугук кесини атын айтыб къычыргъанча, мен, мен деб нек тураса?
- Ауурну тюбю бла, дженгилни башы бла джюрюген.
- Киштикге къанат битсе, чыпчыкъ къалмаз эди.
- Ётюрюкню къуйругъу – бир тутум.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Урунуу – насыбны анасы.
- Къазанны башы ачыкъ болса, итге уят керекди.
- Борчунг бар эсе, хурджунунга ойлаб узал.
- Биреуню къыйынлыгъы бла кесинге джол ишлеме.
- Бети бедерден, намыс сакълама.
