- Джарлы тюеге минсе да, ит къабар.
- Кёбден умут этиб, аздан къуру къалма.
- От кюйдюрген, сау болса да, тот кюйдюрген, сау болмаз.
- Джети тилни билген джети кишиди.
- Хоншуну тауугъу къаз кёрюнюр, келини къыз кёрюнюр.
- Абынмазлыкъ аякъ джокъ, джангылмазлыкъ джаякъ джокъ.
- Тойгъа алгъа да барма, тойда артха да къалма.
- Акъыллы айтыр эди, акъылсыз къоймайды.
- Айтхан сёзюне табылгъан.
- Душманны тышы – акъ, ичи – къара.
- Джукъу тёшек сайламайды.
- Адамгъа аман кюн соруб келмейди.
- Тюзлюк шохлукъну бегитир.
- Бал чибинни ургъаны – ачы, балы – татлы.
- Телиге от эт десенг, юйюнге от салыр.
- Эл бла кёргенинг эрелей.
- Урунуу – насыбны анасы.
- Айтылгъан сёз ызына къайтмаз.
- Къонакъ хазыр болгъанлыкъгъа, къонакъбай хазыр тюлдю.
- Сагъышы джокъ – джукъучу, акъылы джокъ – къаугъачы.
- Намыс сатылыб алынмайды.
- Джогъун бар этген, барын бал этген.
- Ашына кёре табагъы, балына кёре къалагъы.
- Джырчы джырчыгъа – къарнаш.
- Къыз чыгъаргъан – къызыл къымжа.
- Ашаса, ашамаса да, бёрюню ауузу – къан.
- Джылыгъа джылан илешир.
- Ат да турмайды бир териде.
- Гыдай эчки суугъа къараб, мюйюзле кёрмесе, джашма алкъын, дегенди.
- Къошда джокъгъа – юлюш джокъ.
- Иесиз малны бёрю ашар.
- Ач уят къоймаз.
- Биреуню къыйынлыгъы бла кесинге джол ишлеме.
- Аджашханны ызындагъы кёреди, джангылгъанны джанындагъы биледи.
- Юй ишлеген балта эшикде къалыр.
- Къонакъ аман болса, къонакъбай джунчур
- Кёб джашагъан – кёб билир.
- Ашлыкъ – бюртюкден, джюн – тюкден.
- Азыкълы ат арымаз, къатыны аман джарымаз.
- Олтуруб кёрюнмей эди да, ёрге туруб кёрюне эди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Сёз сёзню айтдырыр.
- Насыб бютеу халкъны юлюшюдю.
- Иги болса, тамадама – махтау, аман болса, меннге – айыб.
- Джашлыкъ этмеген, башлыкъ этмез.
- Сибиртки да сыйлы болду, кюрек да кюнлю болду.
- Джырчы ёлсе, джыры къалыр.
- Миллетни бойну – базыкъ, аны бла кюрешген – джазыкъ.
- Ёзденликни кёбю ётюрюк.
- Башы ишлегенни, ауузу да ишлер.
