- Айранны сюйген, ийнек тутар.
- Ишлемеген – тишлемез.
- Ашда уялгъан – мухар, ишде уялгъан – хомух.
- Джырчы джырчыгъа – къарнаш.
- Иесиз малны бёрю ашар.
- Джырына кёре эжиую.
- Ичимден чыкъды хата, къайры барайым сата?
- Адам туугъан джеринде, ит тойгъан джеринде.
- Билим – акъылны чырагъы.
- Ариу сёз аурууунгу алыр.
- Ашын ашагъанынгы, башын да сыйла.
- Уллу айтханны этмеген – уллаймаз.
- Алтыннга тот къонмаз.
- Уллу сёлешме да, уллу къаб.
- Джерни букъусу кёкге къонмаз.
- Экеу тутушса, биреу джыгъылыр.
- Ишни аллы бла къууанма да, арты бла къууан.
- Тойгъан джерге джети къайт.
- Кёб къычыргъандан – къоркъма, тынч олтургъандан – къоркъ.
- Босагъа таш юйге кирмей эди, тыбыр таш эшикге чыкъмай эди.
- Адам сёзюнден белгили.
- Тулпарлыкъ, билекден тюл – джюрекден.
- Тил бла келеди джыр да.
- Ата Джуртун танымагъан, атасын да танымаз.
- Юй ишлеген балта эшикде къалыр.
- Бойнуму джети джерден кессенг да, мен ол ишни этеллик тюлме.
- Таукел къуру къалмаз.
- Харам къарнашдан, халал тенг ашхы.
- Ашхы сёз таш тешер.
- Хар адамгъа кеси миннген тау кибик.
- Айран ичген – къутулду, джугъусун джалагъан – тутулду.
- Акъдан къара болмаз.
- Эл бла кёргенинг эрелей.
- Телини эшигин, махтау джабар.
- Юреннген ауруу къалмаз.
- Къыз чыгъаргъан – къызыл къымжа.
- Къууут – джелге, берне – бошха.
- Суу кетер, таш къалыр.
- Сормай – алма, чакъырылмай – барма.
- Кёзю сокъурдан – къоркъма, кёлю сокъурдан – къоркъ.
- Эл тойса, тоймагъан, эл къойса, къоймагъан.
- Ач келгенни – тойдур, кеч келгенни – къондур.
- Айыбны суу бла джууалмазса.
- Тил джюрекге джол ишлейди.
- Гитче джилтин уллу элни джандырыр.
- Къонакъны къачан кетерин сорма, къачан келлигин сор.
- Джарлы эскисин джамаса, къууаныр.
- Биреуню тёрюнден, кесинги эшик артынг игиди.
- Тас болгъан бычакъны сабы – алтын.
- Тюзлюк шохлукъну бегитир.
