- Агъач халкъгъа алтынды, иссиликге салкъынды.
- Биреуге аманлыкъны тилеме да, кесинге ашхылыкъны тиле.
- Игини сыйлагъан адетди.
- Адам боллукъ, атламындан белгили болур.
- Билим ат болуб да чабар, къуш болуб да учар.
- Ёксюзню тилеги къабыл болур.
- Ашда уялгъан – мухар, ишде уялгъан – хомух.
- Эл элде бирер малынг болгъандан эсе, бирер тенгинг болсун.
- Джарлыны тону джаз битер.
- Азыгъы аз, алгъа къабар, аты аман, алгъа чабар.
- Джумушакъ сёз къаты таякъны сындырыр.
- Ким бла джюрюсенг, аны кёзю бла кёрюнюрсе.
- Ач къарным, тынч къулагъым.
- Аллахха ийнаннган кишини, Аллах онгдурур ишин.
- Кечеси – аяз, кюню – къыш, джарлы къаргъагъа бир аш тюш!
- Адеб джокъда, намыс джокъ.
- Байлыкъ тауусулур, билим тауусулмаз.
- Нёгерсизни джолу узун.
- Тыш элде солтан болгъандан эсе, кесинги элде олтан болгъан игиди!
- Къыз келсе, джумуш эте келеди, къатын келсе, ушакъ эте келеди.
- Келинин тута билмеген, къул этер, къызын тута билмеген, тул этер.
- Халкъны юйю – туугъан джери.
- Аджалсыз ёлюм болмаз.
- Кёб ант этген, кёб ётюрюк айтыр.
- Тойну къарнашы – харс, джырны къарнашы – эжиу.
- Аман эсирсе, юйюн ояр.
- Сабий кёргенин унутмаз.
- Гугук кесини атын айтыб къычыргъанча, мен, мен деб нек тураса?
- Айран ичген – къутулду, джугъусун джалагъан – тутулду.
- Ёлюк кебинсиз къалмаз.
- Ариу – кёзге, акъыл – джюрекге.
- Сёз къанатсыз учар.
- Билген билмегенни юретген адетди.
- От кюйдюрген, сау болса да, тот кюйдюрген, сау болмаз.
- Экиндини кеч къылсанг, чабыб джетер ашхам.
- Ашхы атаны – джашы ашхы, ашхы ананы – къызы ашхы.
- Бети – къучакълар, джюреги – бычакълар.
- Ат да турмайды бир териде.
- Аманны эки битли тону болур, бирин сеннге кийдирир, бирин кеси киер.
- Къан бла кирген, джан бла чыгъар.
- Ач – эснер, ат – кишнер.
- Таугъа чыгъаллыкъ эсенг, тюзде къалма.
- Тик ёргени, тик энгишгеси да болады.
- Байны къызы баймакъ болса да, юйде къалмаз!
- Акъыл неден да кючлюдю.
- Тели турса – той бузар.
- Суугъа – таянма, джаугъа – ийнанма.
- Къазанда болса, чолпугъа чыгъар.
- Байлыкъдан саулукъ ашхыды.
- Джигер – джаннга къыйынлыкъ.
