- Джуртун къоругъан озар.
- Джюз элде джюз ёгюзюм болгъандан эсе, джюз джууугъум болсун.
- Садакъачыны джаны – къапчыгъында.
- Арбаз сайлама да, хоншу сайла.
- Тойгъа алгъа да барма, тойда артха да къалма.
- Мухардан ач ычхынмаз.
- Аз айтсам, кёб ангылагъыз.
- Уллу айтханны этмеген – уллаймаз.
- Сыфатында болмагъаны, суратында болмаз.
- Тас болгъан бычакъны сабы – алтын.
- Тил джюрекге джол ишлейди.
- Сёз сёзню айтдырыр.
- Къазанда болса, чолпугъа чыгъар.
- Биреу къой излей, биреу той излей.
- Тюз сёз баргъан сууну тыяр.
- Накъырданы арты керти болур.
- Джумушакъ терекни къурт ашар.
- Ата джурт – алтын бешик.
- Суу кетер, таш къалыр.
- Эринчекни аурууу – кёб.
- Тили узунну, намысы – къысха.
- Айтхан сёзюне табылгъан.
- Ач келгенни – тойдур, кеч келгенни – къондур.
- Арба аугъандан сора, джол кёргюзтюучю кёб болур.
- Ёлген ийнек сютлю болур.
- Ишни ахырын ойламай, аллын башлама.
- Мал кёб болса, джууукъ кёб болур.
- Аманны эки битли тону болур, бирин сеннге кийдирир, бирин кеси киер.
- Къобан да къуру да къобханлай турмайды, адам да къуру да патчахлай турмайды.
- Къанны къан бла джуума, аманны аман бла къуума.
- Джумушакъ сёз къаты таякъны сындырыр.
- Иги сёз – джаннга азыкъ, аман сёз башха – къазыкъ.
- Аман эсирсе, юйюн ояр.
- Этек чакъмакълары баш джаргъан, сёлешген сёзлери таш джаргъан.
- Акъыллы башны – тили къысха.
- Терек ауса, отунчу – кёб.
- Окъугъанны бети джарыкъ.
- Къонакъны къачан кетерин сорма, къачан келлигин сор.
- Кёз – сюйген джерде, къол – ауругъан джерде.
- Юйюнг бла джау болгъандан эсе, элинг бла джау бол.
- Биреу ашаб къутулур, биреу джалаб тутулур.
- Суу ичген шауданынга тюкюрме.
- Джукъу тёшек сайламайды.
- Аякъларынгы джууургъанынга кёре узат.
- Ишлегенден, къарагъан уста.
- Ишленмеклик адамлыкъды.
- Джаным-тиним – окъуу, билим.
- Кимни – тили, тиши онглу, кимни – къолу, иши онглу.
- Къошда джокъгъа – юлюш джокъ.
- Дуния малгъа сатылма, кесингден телиге къатылма.
