- Иги адам абынса да, джангылмаз.
- Ачыкъ джюрекге джол – ачыкъ.
- Къонакъ кёб келюучю юйню, къазаны отдан тюшмез.
- Байлыкъ адамны сокъур этер.
- Къан бла кирген, джан бла чыгъар.
- Хар ишни да аллы къыйынды.
- Ашаса, ашамаса да, бёрюню ауузу – къан.
- Акъыл бла адеб эгизледиле.
- Керти сёзге тёре джокъ.
- Джаным-тиним – окъуу, билим.
- Бозаны арты дауур болур.
- Сютню башын джалагъан къутулур, тюбюн ичген тутулур.
- Джигер – джаннга къыйынлыкъ.
- Тура эдим джата, къайдан чыкъды хата?
- Юре билмеген ит, къонакъ келтирир.
- Аллахха ийнаннган кишини, Аллах онгдурур ишин.
- Джашынгы кесинг юретмесенг, джашау юретир.
- Алгъанда – джууукъ, бергенде – джау.
- Сёз садакъдан кючлюдю.
- Эри аманны, къатыны – аман.
- Намысы болмагъанны, сыйы болмаз.
- Танг атмайма десе да, кюн къоярыкъ тюйюлдю.
- Ётген ёмюр – акъгъан суу.
- Шекер бла туз – бир болмаз, ушамагъан – юй болмаз.
- Сабийликде юретмесенг, уллу болса – тюзелмез.
- Джумушакъ терекни къурт ашар.
- Къуру гыбыт бек дыгъырдар.
- Кёзню ачылгъаны – иги, ауузну джабылгъаны – иги.
- Джолда аягъынга сакъ бол, ушакъда тилинге сакъ бол.
- Ашда – бёрю, ишде – ёлю.
- Азыгъы аз, алгъа къабар, аты аман, алгъа чабар.
- Ёлюр джаннга, ёкюл джокъ.
- Тойгъанлыкъ къойгъа джарашады.
- Айран тёгюлсе, джугъусу къалыр.
- Адамны аты башхача, акъылы да башхады.
- Джуртун къоругъан озар.
- Ётюрюкню башын керти кесер.
- Телини эшигин, махтау джабар.
- Джангызны оту джарыкъ джанмаз!
- Таш бла ургъанны, аш бла ур.
- Тин – байлыгъынг, терен саулугъунг.
- Хатерли къул болур.
- Эркишини аманы тиширыуну джылатыр.
- Ёлген эшек бёрюден къоркъмайды.
- Малны кют, джерни тюрт.
- Этим кетсе да, сюегим къалыр.
- Ишлегенден, къарагъан уста.
- Урама да – ёледи, сатама да – келеди.
- Чарсда алчыны эл кёреди.
- Накъырданы арты керти болур.
