- Кюн – узун, ёмюр – къысха.
- Къонагъы джокъну – шоху джокъ.
- Тёрени джагъы джокъ.
- Кёлсюзден сёзсюз тууар.
- Джырчы ёлсе, джыры къалыр.
- Къая джолда джортма, ачыкъ сёзден къоркъма.
- Къонакъ хазыр болгъанлыкъгъа, къонакъбай хазыр тюлдю.
- Джарашыу сюйген – джалынчакъ.
- Сёз – кюмюш, джыр – алтын.
- Атлыны кёрсе, джаяуну буту талыр.
- Чомарт джарлы болмаз.
- Урунуу – насыбны анасы.
- Азыкълы ат арымаз, къатыны аман джарымаз.
- Кюн кёрмеген, кюн кёрсе, кюндюз чыракъ джандырыр.
- Таукелге нюр джауар.
- Тура эдим джата, къайдан чыкъды хата?
- Тенги кёбню джау алмаз, акъылы кёбню дау алмаз.
- Кёзню ачылгъаны – иги, ауузну джабылгъаны – иги.
- Тулпарлыкъ, билекден тюл – джюрекден.
- Аууз сакълагъан – джан сакълар.
- Тюзлюк шохлукъну бегитир.
- Керек ташны ауурлугъу джокъ.
- Аш берме да, къаш бер.
- Тынгылагъан тынгы бузар.
- Айтылгъан сёз ызына къайтмаз.
- Мал тутхан – май джалар.
- Чабар ат – джетген къыз.
- Билмегенинги, билгеннге сор.
- Туз, гырджын аша, тюзлюк бла джаша.
- Уллу суу бла уллу ауруудан башынгы сакъла.
- Билмезни кёзю кёрмез, этмезни къулагъы эшитмез.
- Аманнга игилик этсенг, юйюнге сау бармазса.
- Окъуусуз билим – джокъ, билимсиз кюнюнг – джокъ.
- Чоюнну башы ачыкъ болса, итге уят керекди.
- Илму – джашауну джолу.
- Айыбны суу бла джууалмазса.
- Билимсиз иш бармаз.
- Къатыны харакетли болса, эри къымсыз болур.
- Айранын берсенг, челегин да къызгъанма.
- Бастасын ашагъан, хантусун да ичер.
- Тойчу джашха къарама, къойчу джашха къара.
- Хунаны тюбюн къазсанг, юсюнге ауар.
- Нёгерсизни джолу узун.
- От кюйдюрген, сау болса да, тот кюйдюрген, сау болмаз.
- Харам къарнашдан, халал тенг ашхы.
- Аурууну келиую тынч, кетиую – къыйын.
- Билим ат болуб да чабар, къуш болуб да учар.
- Ауурну тюбю бла, дженгилни башы бла джюрюген.
- Джумушакъ терекни къурт ашар.
- Сууда джау джокъ, кёб сёзде магъана джокъ.
