- Билим къая тешер.
- Къазанны башы ачыкъ болса, итге уят керекди.
- Юй ишлеген балта эшикде къалыр.
- Окъуусуз билим – джокъ, билимсиз кюнюнг – джокъ.
- Къолу уллу – асыу, аягъы уллу – джарсыу.
- Ариу джол аджал келтирмез.
- Тау башында, тау болмаз, джангыз терек, бау болмаз.
- Эл элде бирер малынг болгъандан эсе, бирер тенгинг болсун.
- Мал ёлсе, сюек къалыр, адам ёлсе, иши къалыр.
- Экеу тутушса, биреу джыгъылыр.
- Чалманны аллы къалай башланса, арты да алай барады.
- Хар адамгъа кеси миннген тау кибик.
- Биреуге аманлыкъны тилеме да, кесинге ашхылыкъны тиле.
- Окъугъан озар, окъумагъан тозар.
- Айранны сюйген, ийнек тутар.
- Ачылгъан эт джабылыр, кёрген кёз унутмаз.
- Ашыкъгъан cуу, тенгизге джетмез.
- Суугъа – чабакъ, къаягъа – ыргъакъ.
- Дженгил джетерикме деб, узун джолну къоюб, къысхасын барма.
- Адебсиз адам – джюгенсиз ат.
- Джангыз торгъай джырламаз.
- Джетген къыз джерли эшекни танымаз.
- Аманнга игилик этсенг, юйюнге сау бармазса.
- Юйюнгден чыкъдынг – кюнюнгден чыкъдынг.
- Аш иеси бла татлыды.
- Ашатыргъа иш – ашхы, ишлетирге аш – ашхы.
- Окъуу – билимни ачхычы, окъуу – дунияны бачхычы.
- Урама да – ёледи, сатама да – келеди.
- Бети – къучакълар, джюреги – бычакълар.
- Ишлегенде эринме, ишде чолакъ кёрюнме.
- Кенгеш болса, уруш болмаз.
- Хата – гитчеден.
- Билим насыб берир, билим джолну керир.
- Къуру гыбыт бек дыгъырдар.
- Тилчи бир сагъатха айлыкъ хата этер.
- Садакъачыны джаны – къапчыгъында.
- Эркиши – от, тиширыу – суу.
- Юйлю уругъа ит чабмаз.
- Кёбден умут этиб, аздан къуру къалма.
- Ишни ахырын ойламай, аллын башлама.
- Ата джурт – алтын бешик.
- Шайтан алдады, тюзлюк къаргъады.
- Кюн – узун, ёмюр – къысха.
- Ёпкелегенни ашы татлы болады.
- Окъумагъан сокъурду, сокъур ташха абыныр!
- Ачыу алгъа келсе, акъыл артха къалады.
- Келинин тута билмеген, къул этер, къызын тута билмеген, тул этер.
- Ётюрюкню къуйругъу – бир тутум.
- Ана къолу ачытмаз.
- Къонакъ хазыр болгъанлыкъгъа, къонакъбай хазыр тюлдю.
