- Ачлыкъда тары гырджын халыуадан татлы.
- Биреуню эскиси биреуге джангы болмайды.
- Къайтырыкъ эшигинги, къаты уруб чыкъма.
- Бети бедерден, намыс сакълама.
- Къыз чыгъаргъан – къызыл къымжа.
- Дууулдаса – бал чибин, къонса – къара чибин.
- Иги бла джюрюсенг, джетерсе муратынга, аман бла джюрюсенг, къалырса уятха.
- Арыгъан къош чамчы болур.
- Кёб джат да, бек чаб.
- Дженгил джетерикме деб, узун джолну къоюб, къысхасын барма.
- Ачлыкъ отха секиртир.
- Ариу сёз аурууунгу алыр.
- Аман хансны – урлугъу кёб.
- Мухардан ач ычхынмаз.
- Айырылгъанланы айю ашар, бёлюннгенлени бёрю ашар.
- Аманнга да, игиге да оноусуз къатышма.
- Байлыкъ адамны сокъур этер.
- Орну джокъну – сыйы джокъ.
- Агъач – джерни чырайы, кийим – эрни чырайы.
- Босагъагъа джууукъ орун болса, ашыгъыб тёрге озма.
- Тойчу джашха къарама, къойчу джашха къара.
- Биреуге аманлыкъ этиб, кесинге игилик табмазса.
- Таула не мийик болсала да, аууш табылыр.
- Къуллукъчума, деб махтанма, къуллукъ – хаух джамчыды!
- Ат да турмайды бир териде.
- Билим къая тешер.
- Мал тутхан – май джалар.
- Келинин тута билмеген, къул этер, къызын тута билмеген, тул этер.
- Уллу айтханны этмеген – уллаймаз.
- Башы джабылгъан челекге, кир тюшмез.
- Айранны сюйген, ийнек тутар.
- Чалманны аллы къалай башланса, арты да алай барады.
- Арба аугъандан сора, джол кёргюзтюучю кёб болур.
- Къарнынг къанлынга кийирир.
- Чакъырылгъанны аты, чакъырылмагъанны багъасы болур.
- Эртде тургъан бла эртде юйленнген сокъуранмаз.
- Этек чакъмакълары баш джаргъан, сёлешген сёзлери таш джаргъан.
- Магъанасыз сёз – тауушсуз сыбызгъы.
- Ёмюрлюк шохлукъну джел элтмез.
- Ауузу аманнга «иги», деме.
- Бет бетге къараса, бет да джерге къарар.
- Хар адамгъа кеси миннген тау кибик.
- Ашарыкъда сайлагъаннга – чий гырджын.
- Къарны аманнга къазан такъдырма, къолу аманнга от джакъдырма.
- Къазанчы аман болса, къазаны къайнамаз.
- Сёз – кюмюш, джыр – алтын.
- Ашын ашагъанынгы, башын да сыйла.
- Асхат ашлыкъ сата, юйдегиси ачдан къата.
- Кёрмегеннге кебек – танг, битмегеннге сакъал – танг.
- Гитче джилтин уллу элни джандырыр.
