- Эшекге миннген – биринчи айыб, андан джыгъылгъан – экинчи айыб.
- Эркиши – от, тиширыу – суу.
- Келлик заман – къартлыкъ келтирир, кетген заман – джашлыкъ ёлтюрюр.
- Чыбыкълыкъда бюгюлмеген, къазыкълыкъда бюгюлмей эди.
- Ашыкъгъанны этеги бутуна чырмалыр.
- Аман эсирсе, юйюн ояр.
- Кёзден кетген, кёлден да кетеди.
- Кирсизни – саны таза, халалны – къаны таза.
- Къая джолда джортма, ачыкъ сёзден къоркъма.
- Къарыусузгъа кюлме, онгсузгъа тийме.
- Сакъалы текени да бар, мыйыгъы киштикни да бар.
- Уясында не кёрсе, учханында аны этер.
- Къонакъ аман болса, къонакъбай джунчур
- Ашаса, ашамаса да, бёрюню ауузу – къан.
- Дженгил джетерикме деб, узун джолну къоюб, къысхасын барма.
- Ата джурт – алтын бешик.
- Ат да турмайды бир териде.
- Хаухну атма, ёнгкючню сатма.
- Хазыр ашха – терен къашыкъ.
- Тынгылагъан тынгы бузар.
- Адеби болмагъан къыз – тузсуз хант.
- Орундукъ тюбюнде атылсам да, орта джиликме, де да айлан.
- Сёлеш деб шай берген, тохта деб, сом берген.
- Аурууну келиую тынч, кетиую – къыйын.
- Ауузу аманнга «иги», деме.
- Тик ёргени, тик энгишгеси да болады.
- Телини эшигин, махтау джабар.
- Аман хансны – урлугъу кёб.
- Сыфатында болмагъаны, суратында болмаз.
- Джарашыу сюйген – джалынчакъ.
- Бек ашыкъгъан меннге джетсин, дегенди аракъы.
- Таукел адам тау тешер.
- Айырылгъанланы айю ашар, бёлюннгенлени бёрю ашар.
- Чыкълы кюнде чыкъмагъан, чыкъса къуру кирмеген.
- Ашарыкъда сайлагъаннга – чий гырджын.
- Уллу айтханны этмеген – уллаймаз.
- Къызбайны юйюне дери сюрсенг, батыр болур.
- Къошда джокъгъа – юлюш джокъ.
- Эри аманны, къатыны – аман.
- Аз сёлеш, кёб ишле.
- Билимли ёлмез, билимсиз кёрмез.
- Уллу сёзде уят джокъ.
- Джуртун къоругъан озар.
- Аллахха ийнаннган кишини, Аллах онгдурур ишин.
- Насыб бютеу халкъны юлюшюдю.
- Арыгъан къош чамчы болур.
- Ач къалгъандан, кеч къалгъан къолай.
- Эринчекни эр алмаз, эр алса да, кёл салмаз, кёл салса да, кёб бармаз!
- Джетген къыз джерли эшекни танымаз.
- Душманны тышы – акъ, ичи – къара.
