- Хар сёзню орну барды.
- Рысхы джалгъанды: келген да этер, кетген да этер.
- Къартха ушагъан джаш – акъыллы, джашха ушагъан къарт – тели.
- Акъыл сабырлыкъ берир.
- Джаралыны джастыгъында сау ёлюр.
- Кийимни бир кюнню аясанг, минг кюннге джарар.
- Ёнгкюч къууана барыр, джылай келир.
- Кюлме джашха – келир башха.
- Ачыкъ джюрекге джол – ачыкъ.
- Кёб джат да, бек чаб.
- Аман киши кеси юйюнде – къонакъ.
- Къуллукъчума, деб махтанма, къуллукъ – хаух джамчыды!
- Нёгерсизни джолу узун.
- Ариу джол аджал келтирмез.
- Элиб деген, элге болушур.
- Кийимни бичсенг, кенг бич, тар этген къыйын тюлдю.
- Ауругъанны сау билмез, ач къарынны токъ билмез.
- Ариу сёз джыланны орнундан чыгъарыр.
- Джукъу тёшек сайламайды.
- Сагъыш – къартлыкъгъа сюйюмчю.
- Ач къарным, тынч къулагъым.
- От этилмеген джерден тютюн чыкъмайды.
- Тюзню ётмеги тюзде къалса да, тас болмаз.
- Керилген да, ургъан кибикди.
- Этим кетсе да, сюегим къалыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Мал тутхан – май джалар.
- Эл ауузу – элек, анга ийнаннган – халек.
- Къошда джокъгъа – юлюш джокъ.
- Ашхы тенг джолгъа салыр, аман тенг джолдан тайдырыр.
- Чалманны аллы къалай башланса, арты да алай барады.
- Чабакъгъа акъыл, табагъа тюшсе келеди.
- Башланнган иш битер, къымылдагъан тиш тюшер.
- Билими азны – ауузунда кирит.
- Биреуге кёлтюрген таягъынг, кесинги башынга урур.
- Тойгъан джерге джети къайт.
- Алма терегинден кери кетмез.
- Рысхы – сют юсюнде кёмюк кибикди.
- Аманнга алтын чыдамаз.
- Джуртун къоругъан озар.
- Миллетни бойну – базыкъ, аны бла кюрешген – джазыкъ.
- Нарт сёз къарт болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Кесинге джетмегенни, кёб сёлешме.
- Джангыз терек къынгыр ёсер.
- Къарнынг тойгъунчу аша да, белинг талгъынчы ишле.
- Байдан умут эте, джарлыдан ёгюз багъасы къорады.
- Битмегеннге сакъал – танг.
- Ойнай-ойнай кёз чыгъар.
- Билмегенинги, билгеннге сор.
