- Терслик кетер, тюзлюк джетер.
- Кимни – тили, тиши онглу, кимни – къолу, иши онглу.
- Тин – байлыгъынг, терен саулугъунг.
- Хазыр ашха – терен къашыкъ.
- Ётген ёмюр – акъгъан суу.
- Уллу суу бла уллу ауруудан башынгы сакъла.
- Мал кёб болса, джууукъ кёб болур.
- Ата Джуртуму башы болмасам да, босагъасында ташы болайым.
- Кийим тукъум сордурур.
- Ачлыкъ отха секиртир.
- Алтыннга тот къонмаз.
- Арбаз сайлама да, хоншу сайла.
- Ачны эсинде – аш.
- Тилчи бир сагъатха айлыкъ хата этер.
- Ёгюзню мюйюзлери ауурлукъ этмейдиле.
- Эл бла кёргенинг эрелей.
- Айранын берсенг, челегин да къызгъанма.
- Джиби бир къат джетмей эди да, эки къат тарта эди.
- Ач, тоймам, дейди, тойгъан, ач болмам, дейди.
- Эл элде бирер малынг болгъандан эсе, бирер тенгинг болсун.
- Билмезни кёзю кёрмез, этмезни къулагъы эшитмез.
- Джюрекден джюрекге джол барды.
- Сабий кёргенин унутмаз.
- Аш иеси бла татлыды.
- Дженгил джетерикме деб, узун джолну къоюб, къысхасын барма.
- Чомарт джарлы болмаз.
- Джашлыкъ этмеген, башлыкъ этмез.
- Кёлсюзден сёзсюз тууар.
- Ариу – кёзге, акъыл – джюрекге.
- Аман киши кеси юйюнде – къонакъ.
- Аш хазыр болса, иш харам болур.
- Нарт сёз – тилни бети.
- Чыбыкълыкъда бюгюлмеген, къазыкълыкъда бюгюлмей эди.
- Чомартны къолун джокълукъ байлар.
- Джарашыу сюйген – джалынчакъ.
- Халкъгъа джарагъан, джарлы къалмаз.
- Ёлген эшек бёрюден къоркъмайды.
- Кёзню ачылгъаны – иги, ауузну джабылгъаны – иги.
- Ат да турмайды бир териде.
- Ауругъаннга – кийик саулукъ, джетген къызгъа – чилле джаулукъ.
- Билген билмегенни юретген адетди.
- Байлыкъдан саулукъ ашхыды.
- Чакъырылмагъан джерге барма, чакъырылгъан джерден къалма.
- Кесинг сынамагъан затны, адамгъа буюрма.
- Ана къолу ачытмаз.
- Айырылмаз джууугъунга, унутмаз сёзню айтма.
- Тёзген – тёш ашар!
- Терек ауса, отунчу – кёб.
- Атынг аманнга чыкъгъандан эсе, джанынг тамагъынгдан чыкъсын.
- Керек ташны ауурлугъу джокъ.
