- Къошда джокъгъа – юлюш джокъ.
- Киштикге къанат битсе, чыпчыкъ къалмаз эди.
- Джылкъыдан – ат чыгъар, тукъумдан – джаш чыгъар.
- Ёгюзню мюйюзлери ауурлукъ этмейдиле.
- Джюз элде джюз ёгюзюм болгъандан эсе, джюз джууугъум болсун.
- Байма, деб да, къууанма, джарлыма, деб да, джылама.
- Джарашыу сюйген – джалынчакъ.
- Къолунгдан къуймакъ ашатсанг да, атаны борчундан къутулмазса.
- Кёлсюзден сёзсюз тууар.
- Ёзденликни кёбю ётюрюк.
- Ана кёлю – балада, бала кёлю – талада.
- Тыш элде солтан болгъандан эсе, кесинги элде олтан болгъан игиди!
- Этни бети бла шорпасы.
- Акъыллы – эл иеси, тели – эл баласы.
- Къалгъан ишге къар джауар.
- Къызын тута билмеген, тул этер, джашын тута билмеген, къул этер.
- Ата Джуртун танымагъан, атасын да танымаз.
- Ана – юйню кюн джарыгъы.
- Дуния аламаты сен эсенг да, игиме деб айтма.
- Акъылсызны джууукъгъа алма, акъыллыны кенгнге салма.
- Джерни букъусу кёкге къонмаз.
- Сютню башын джалагъан къутулур, тюбюн ичген тутулур.
- Таш бла ургъанны, аш бла ур.
- Аманны эки битли тону болур, бирин сеннге кийдирир, бирин кеси киер.
- Байлыкъ болгъан джерде, тынчлыкъ джокъду.
- Ауругъаннга – кийик саулукъ, джетген къызгъа – чилле джаулукъ.
- Къонакъ аман болса, къонакъбай джунчур
- Тамчы таш тешер.
- Къарын къуру болса, джюрек уру болур.
- Тура эдим джата, къайдан чыкъды хата?
- Насыб бютеу халкъны юлюшюдю.
- Ишленмеклик адамлыкъды.
- Арбаз сайлама да, хоншу сайла.
- Хунаны тюбюн къазсанг, юсюнге ауар.
- Аманны тукъумуна къарама, игини тукъумун сорма.
- Къыйынлы джети элге оноу этер.
- Ишге юренсин къоллары, халкъ бла болсун джоллары.
- Акъдан къара болмаз.
- Ётюрюкню башын керти кесер.
- Байлыкъ адамны сокъур этер.
- Эрни эр этерик да, къара джер этерик да, тиширыуду.
- Кийим тукъум сордурур.
- Аманны къуугъан, аманлыкъ табар.
- Биреуге аманлыкъ этиб, кесинге игилик табмазса.
- Ашатыргъа иш – ашхы, ишлетирге аш – ашхы.
- Ачлыкъда тары гырджын халыуадан татлы.
- Бети бедерден, намыс сакълама.
- Акъыл неден да кючлюдю.
- Орну джокъну – сыйы джокъ.
- Иги бла джюрюсенг, джетерсе муратынга, аман бла джюрюсенг, къалырса уятха.
