- Акъыл къартда, джашда тюйюлдю – башдады.
- Эли джокъну – кёлю джокъ.
- Арба аугъандан сора, джол кёргюзтюучю кёб болур.
- Акъыл сабырлыкъ берир.
- Ариу сёз – къылычдан джити.
- Башланнган иш битер, къымылдагъан тиш тюшер.
- Джылыгъа джылан илешир.
- Ёпкелегенни ашы татлы болады.
- Ашарыкъда сайлагъаннга – чий гырджын.
- Ашына кёре табагъы, балына кёре къалагъы.
- Ариу сёзде ауруу джокъ.
- Чомарт джарлы болмаз.
- Бети бедерден, намыс сакълама.
- Джашда акъыл джокъ, къартда къарыу джокъ.
- Ишлегенден, къарагъан уста.
- Къан бла кирген, джан бла чыгъар.
- Къонагъынгы артмагъын алма да, алгъышын ал.
- Къарт айтханны этмеген, къартаймаз.
- Чакъырылмагъан къонакъ тёрге атламаз.
- Ариу сёз – джаннга азыкъ, аман сёз – башха къазыкъ.
- Джерни букъусу кёкге къонмаз.
- Тюзню ётмеги тюзде къалса да, тас болмаз.
- Тёгюлген тюгел джыйылмайды.
- Дуния малгъа сатылма, кесингден телиге къатылма.
- Ауругъанны сау билмез, ач къарынны токъ билмез.
- Джарлыны эшигин махтагъан джабар.
- Окъугъанны бети джарыкъ.
- Бир абыннган – минг сюрюнюр.
- Нёгер болсанг, тенг бол, тенг болмасанг, кенг бол.
- Миллетни бойну – базыкъ, аны бла кюрешген – джазыкъ.
- Шайтан алдады, тюзлюк къаргъады.
- Юреннген ауруу къалмаз.
- Ана къойну – балагъа джандет.
- Къартны бурнун сюрт да, оноугъа тут.
- Чалманны аллы къалай башланса, арты да алай барады.
- Ач къарынны, токъ билмез
- Джашлыкъ этмеген, башлыкъ этмез.
- Эл элде бирер малынг болгъандан эсе, бирер тенгинг болсун.
- Оюмсуз атлагъан, аджалсыз ёлюр.
- Аман адам элни бир-бирине джау этер.
- Чомартны къолу берекет.
- Акъдан къара болмаз.
- Тёрдеги кюлсе, эшикдеги ышарыр.
- Аш иеси бла татлыды.
- Ёнгкюч къууана барыр, джылай келир.
- Эм уллу байлыкъ – джан саулукъ.
- Окъугъан озар, окъумагъан тозар.
- Таш ата билмеген, башына урур.
- Биреуге аманлыкъ этиб, кесинге игилик табмазса.
- Къонакъ хазыр болгъанлыкъгъа, къонакъбай хазыр тюлдю.
