- Аманнга алтын чыдамаз.
- Акъылсызны джууукъгъа алма, акъыллыны кенгнге салма.
- Къызгъанчдан ычхыныр, мухардан ычхынмаз.
- Татлы сёз – балдан татлы.
- Таякъ этден ётер, тил сюекден ётер.
- Къартны сыйын кёрмеген, къартлыгъында сыйлы болмаз.
- Суу кетер, таш къалыр.
- Биреуге кёлтюрген таягъынг, кесинги башынга урур.
- Ашхы – джыяр, аман – джояр.
- Бичгенде ашыкъма, тикгенде ашыкъ.
- Эте билген, этген этеди, эте билмеген, юретген этеди!
- Бёрю да ач къалмасын, эчки да ашалмасын.
- Ашхы адам – халкъ байлыгъы, ашхы джер – джашау байлыгъы.
- Адамны аманы адамны бети бла ойнар.
- Ашха уста, юйюнде болсун
- Хата – гитчеден.
- Ауузу аманнга «иги», деме.
- Айранын берсенг, челегин да къызгъанма.
- Айтханы чапыракъдан ётмеген.
- Ашлыкъны арба юйге келтирир, чана базаргъа элтир.
- Ханнга да келеди хариблик.
- Джылар джаш, атасыны сакъалы бла ойнар.
- Къарнынг къанлынга кийирир.
- Гугурук къычырмаса да, тангны атары къалмаз.
- Кесинге джетмегенни, кёб сёлешме.
- Билими азны – ауузунда кирит.
- Чабакъсыз кёлге къармакъ салгъанлыкъгъа, чабакъ тутмазса.
- Накъырданы арты керти болур.
- Сабий кёргенин унутмаз.
- Баш болса, бёрк табылыр.
- Тёгюлген тюгел джыйылмайды.
- Ашлыкъ – бюртюкден, джюн – тюкден.
- От этилмеген джерден тютюн чыкъмайды.
- Сагъыш – къартлыкъгъа сюйюмчю.
- Къонакъ кёб келюучю юйню, къазаны отдан тюшмез.
- Ойнаб айтсанг да, эслеб айт.
- Ёгюзню мюйюзюнден тутадыла, адамны сёзюнден тутадыла.
- Ашхы атаны – джашы ашхы, ашхы ананы – къызы ашхы.
- Эркишини аманы тиширыуну джылатыр.
- Накъырда – кертини келечиси.
- «Ёгюз, джаргъа джууукъ барма, меннге джюк боллукъса», - дегенди эшек.
- Байлыкъ адамны сокъур этер.
- Намыс болмагъан джерде, насыб болмаз.
- Хар сёзню орну барды.
- Юйлю уругъа ит чабмаз.
- Окъумагъан сокъурду, сокъур ташха абыныр!
- Суугъа – чабакъ, къаягъа – ыргъакъ.
- Кёб джат да, бек чаб.
- Керти сёзге тёре джокъ.
- Тешигини къатында, чычхан да батыр болур.
