- Арыгъан къош чамчы болур.
- Азыгъы аз, алгъа къабар, аты аман, алгъа чабар.
- Ханнга да келеди хариблик.
- Ана къойну – балагъа джандет.
- Ёзденликни джайгъан – джокълукъ.
- Окъ къызбайны джокълайды.
- Эл тойса, тоймагъан, эл къойса, къоймагъан.
- Бек анасы джыламаз.
- Эки ойлашыб, бир сёлешген.
- Сакъ юйюне сау барыр.
- Термилгенинги табмазса, кюлгенинге тюберсе.
- Аманнга да, игиге да оноусуз къатышма.
- Джашны джигитлиги сорулур, къызны джигерлиги сорулур.
- Кийим тукъум сордурур.
- Дженгил джетерикме деб, узун джолну къоюб, къысхасын барма.
- Тулпарлыкъ, билекден тюл – джюрекден.
- Ач уят къоймаз.
- Къарнынг бла ёч алма.
- Хар сёзню орну барды.
- Ёлюр джаннга, ёкюл джокъ.
- Игиге айтсанг – билир, аманнга айтсанг – кюлюр.
- Къызгъанчдан ычхыныр, мухардан ычхынмаз.
- Ёлген эшек бёрюден къоркъмайды.
- Сабий болмагъан джерде, мёлек болмаз.
- Джарлыны тону джаз битер.
- Кесинге джетмегенни, кёб сёлешме.
- Эринчекни эр алмаз, эр алса да, кёл салмаз, кёл салса да, кёб бармаз!
- Азыкъ аз болса, эртде орун сал.
- Тилде сюек болмаса да, сюек сындырыр.
- Терек ауса, отунчу – кёб.
- Ойнай-ойнай кёз чыгъар.
- Къызын тута билмеген, тул этер, джашын тута билмеген, къул этер.
- Аякъларынгы джууургъанынга кёре узат.
- Уллу къазанда бишген эт, чий къалмаз.
- Байлыкъ болгъан джерде, тынчлыкъ джокъду.
- Хазыр ашха – терен къашыкъ.
- Чомартха хар кюн да байрамды.
- Башланнган иш битер, къымылдагъан тиш тюшер.
- Атадан ёксюз – бир ёксюз, анадан ёксюз – эки ёксюз.
- Юйюнгден чыкъдынг – кюнюнгден чыкъдынг.
- Ашын ашагъанынгы, башын да сыйла.
- Чакъырылмагъан къонакъ – орунсуз.
- Къазанчы аман болса, къазаны къайнамаз.
- Эрине къаргъыш этген къатын, эрнин къабар.
- Къууут – джелге, берне – бошха.
- Къуллукъчума, деб махтанма, къуллукъ – хаух джамчыды!
- Таукел къуру къалмаз.
- Накъырданы арты керти болур.
- Къралынгы – душмандан, башынгы от бла суудан сакъла.
- Байлыкъ келсе, акъыл кетер.
