- Таукел адам тау тешер.
- Чакъырылмагъан къонакъ къачан кетерин сормаз.
- Джуртун къоругъан озар.
- Иги джашны ышаны – аз сёлешиб, кёб тынгылар.
- Окъ къызбайны джокълайды.
- Акъыл аздырмаз, билим тоздурмаз.
- Айтхан сёзюне табылгъан.
- Къалгъан ишге къар джауар.
- Тешигини къатында, чычхан да батыр болур.
- Чакъырылмай келген къонакъ сыйланмай кетер.
- Кийим тукъум сордурур.
- Зар адамны насыбы болмаз.
- Уллу суу бла уллу ауруудан башынгы сакъла.
- Ашхы – джыяр, аман – джояр.
- Чомарт къолда мал къалмаз.
- Джиби бир къат джетмей эди да, эки къат тарта эди.
- Айранны сюйген, ийнек тутар.
- Ёлюк кебинсиз къалмаз.
- Кечеси – аяз, кюню – къыш, джарлы къаргъагъа бир аш тюш!
- Джарлыны эшигин махтагъан джабар.
- Айран ичген – къутулду, джугъусун джалагъан – тутулду.
- Адамгъа аман кюн соруб келмейди.
- Эки къатын алгъанны къулагъы тынгнгаймаз.
- Къартха ушагъан джаш – акъыллы, джашха ушагъан къарт – тели.
- Аман къатын сабий табса, бий болур…
- Джигер – джаннга къыйынлыкъ.
- Биреуню эскиси биреуге джангы болмайды.
- Сибиртки да сыйлы болду, кюрек да кюнлю болду.
- Кёлсюзден сёзсюз тууар.
- Ауругъаннга – кийик саулукъ, джетген къызгъа – чилле джаулукъ.
- Иги сеники эсе да, сюйген кесимикин этеме.
- Аллахдан тилесенг, кёб тиле.
- Эл элде бирер малынг болгъандан эсе, бирер тенгинг болсун.
- Ойнай-ойнай кёз чыгъар.
- Рысхы джалгъанды: келген да этер, кетген да этер.
- Туз, гырджын аша, тюзлюк бла джаша.
- Аман адам элни бир-бирине джау этер.
- Ач къарынны, токъ билмез
- Минг тенг да азды, бир джау да кёбдю.
- Байлыкъ адамны сокъур этер.
- Рысхы – сют юсюнде кёмюк кибикди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ариу – кёзге, акъыл – джюрекге.
- Къуру гыбыт бек дыгъырдар.
- Кёзю сокъурдан – къоркъма, кёлю сокъурдан – къоркъ.
- Айыбны суу бла джууалмазса.
- Башсыз урчукъ тюзюне айланмаз.
- Къонакъ аман болса, къонакъбай джунчур
- Суу ичген шауданынга тюкюрме.
- Ёксюзню тилеги къабыл болур.
