- Махтаннган къыз, тойда джукълар.
- Аманны эки битли тону болур, бирин сеннге кийдирир, бирин кеси киер.
- Акъыл бла адеб эгизледиле.
- Ёпкелегенни ашы татлы болады.
- Ётюрюкню къуйругъу – бир тутум.
- Нарт сёз къарт болмаз.
- Ишлегенде эринме, ишде чолакъ кёрюнме.
- Аманнга игилик этсенг, юйюнге сау бармазса.
- Тойгъандан сора, ашны сёкме.
- Джети тилни билген джети кишиди.
- Сёз сёзню айтдырыр.
- Окъугъан озар, окъумагъан тозар.
- Кёзюнде тереги болгъан, чёбю болгъаннга кюле эди.
- Онгсузну – джакъла, тенгликни – сакъла.
- Айранын берсенг, челегин да къызгъанма.
- Зар адамны насыбы болмаз.
- Элде адам къалмаса, ит тахтагъа минер.
- Насыб бютеу халкъны юлюшюдю.
- Хатерли къул болур.
- Экеу тутушса, биреу джыгъылыр.
- Айырылгъанланы айю ашар, бёлюннгенлени бёрю ашар.
- Адам боллукъ, атламындан белгили болур.
- Кийиминг бла танылма, адамлыкъ бла таныл.
- Ауругъанны сау билмез, ач къарынны токъ билмез.
- Адамны артындан къара сабан сюрме.
- Джангыз терек къынгыр ёсер.
- Шекер бла туз – бир болмаз, ушамагъан – юй болмаз.
- Этни да ашады, бетни да ашады.
- Чакъырылгъанны аты, чакъырылмагъанны багъасы болур.
- Эли джокъну – кёлю джокъ.
- Ашда – бёрю, ишде – ёлю.
- Бир онгсуз адам адет чыгъарды, деб эштирик тюлсе.
- Ачлыкъ отха секиртир.
- Ата – баланы уясы.
- Биреуню тёрюнден, кесинги эшик артынг игиди.
- Аууз сакълагъан – джан сакълар.
- Къазанчы аман болса, къазаны къайнамаз.
- Сёз садакъдан кючлюдю.
- Къолу уллу – асыу, аягъы уллу – джарсыу.
- От этилмеген джерден тютюн чыкъмайды.
- Чакъырылмагъан къонакъ къачан кетерин сормаз.
- Кюн кёрмеген, кюн кёрсе, кюндюз чыракъ джандырыр.
- Акъыл сабырлыкъ берир.
- Сютню башын джалагъан къутулур, тюбюн ичген тутулур.
- Бет бетге къараса, бет да джерге къарар.
- Кёзю сокъурдан – къоркъма, кёлю сокъурдан – къоркъ.
- Таукел къуру къалмаз.
- Кёлю джокъну – джолу джокъ.
- Кимни – тили, тиши онглу, кимни – къолу, иши онглу.
- Урама да – ёледи, сатама да – келеди.
