- Кёл ашады да, кеси ашады.
- Джылар джаш, атасыны сакъалы бла ойнар.
- Ашына кёре табагъы, балына кёре къалагъы.
- Ачыкъ джюрекге джол – ачыкъ.
- Акъыл къартда, джашда тюйюлдю – башдады.
- Адамны адамлыгъы къыйынлыкъда айгъакъланады.
- Таула не мийик болсала да, аууш табылыр.
- Биреу ашаб къутулур, биреу джалаб тутулур.
- Хар сёзню орну барды.
- Рысхы – насыбха къор.
- Терек ауса, отунчу – кёб.
- Кёзден кетген, кёлден да кетеди.
- Тыш элде солтан болгъандан эсе, кесинги элде олтан болгъан игиди!
- Суу ичген шауданынга тюкюрме.
- Чакъырылгъанны аты, чакъырылмагъанны багъасы болур.
- Айтхан – тынч, этген – къыйын.
- Кюл тюбюндеги от кёрюнмейди.
- Миллетни бойну – базыкъ, аны бла кюрешген – джазыкъ.
- Къонакъ аз олтурур, кёб сынар.
- Адеб джокъда, намыс джокъ.
- Джарлы эскисин джамаса, къууаныр.
- Иги сеники эсе да, сюйген кесимикин этеме.
- Ёмюрлюк шохлукъну джел элтмез.
- Чалманны аллы къалай башланса, арты да алай барады.
- Тенги кёбню джау алмаз, акъылы кёбню дау алмаз.
- Акъыл бла адеб эгизледиле.
- Чыкълы кюнде чыкъмагъан, чыкъса къуру кирмеген.
- Тилсиз миллет джокъ болур.
- Урунуу – насыбны анасы.
- Окъугъан озар, окъумагъан тозар.
- Джангыз торгъай джырламаз.
- Къошда джокъгъа – юлюш джокъ.
- Эринчекге кюн узун.
- Бичгенде ашыкъма, тикгенде ашыкъ.
- Эшекни не къадар тюйсенг да, ат болмаз.
- Онгсузну – джакъла, тенгликни – сакъла.
- Чабакъ башындан чирийди.
- Адамны аты башхача, акъылы да башхады.
- Ауузу бла къуш тута айланады.
- Акъыл аздырмаз, билим тоздурмаз.
- Эрни эр этерик да, къара джер этерик да, тиширыуду.
- Атлыны кёрсе, джаяуну буту талыр.
- Тойчу джашха къарама, къойчу джашха къара.
- Джерни букъусу кёкге къонмаз.
- Дууулдаса – бал чибин, къонса – къара чибин.
- Татлы тилде – сёз ариу, чемер къолда – иш ариу.
- Мени джылытмагъан кюн, меннге тиймесин!
- Чомартха хар кюн да байрамды.
- Окъ къызбайны джокълайды.
- Тюзню ётмеги тюзде къалса да, тас болмаз.
