- Терек ауса, отунчу – кёб.
- Гитче джилтин уллу элни джандырыр.
- Джангыз торгъай джырламаз.
- Оюмсуз атлагъан, аджалсыз ёлюр.
- Ханы къызы буюгъа-буюгъа киштик болду.
- Аджаллыгъа окъсуз шкок атылыр.
- Ашлыкъ – бюртюкден, джюн – тюкден.
- Аш хазыр болса, иш харам болур.
- Бек анасы джыламаз.
- Аман къатын алгъан, арыр, иги къатын алгъан джарыр.
- Бир абыннган – минг сюрюнюр.
- Тулпарлыкъ, билекден тюл – джюрекден.
- Аджашхан тёгерек айланыр.
- Аманнга игилик этсенг, юйюнге сау бармазса.
- Адам сёзге тынгыла, акъыл сёзню ангыла.
- Окъумагъан сокъурду, сокъур ташха абыныр!
- Ата – билек, ана – джюрек!
- Ариу джол аджал келтирмез.
- Къалгъан ишге къар джауар.
- Къыз чыгъаргъан – къызыл къымжа.
- Адам боллукъ, атламындан белгили болур.
- Арба аугъандан сора, джол кёргюзтюучю кёб болур.
- Кёзден кетген, кёлден да кетеди.
- Аллахдан тилесенг, кёб тиле.
- Aдам боллукъ, сыфатындан белгили.
- Кесине гебен этелмеген, биреуге черен эте эди.
- Нафысынгы айтханын этме, намысынгы айтханын эт.
- Кёзю сокъурдан – къоркъма, кёлю сокъурдан – къоркъ.
- Баргъанынга кёре болур келгенинг.
- Ач, тоймам, дейди, тойгъан, ач болмам, дейди.
- Чомарт къонакъ юй иесин сыйлар.
- Билмегенинги, билгеннге сор.
- Хар зат кесини орнуна иги.
- Алтыннга тот къонмаз.
- Башынга джетмегенни сорма.
- Джумушакъ сёз къаты таякъны сындырыр.
- Ётген ёмюр – акъгъан суу.
- Ачыу алгъа келсе, акъыл артха къалады.
- Иги – алгъыш этер, аман – къаргъыш этер.
- Эркишини аманы тиширыуну джылатыр.
- Кёб къычыргъандан – къоркъма, тынч олтургъандан – къоркъ.
- Сакъламагъан затынга джолукъсанг, не бек къууанаса, не бек ачыйса.
- Тилде сюек болмаса да, сюек сындырыр.
- Эшекни не къадар тюйсенг да, ат болмаз.
- Кюн кёрмеген, кюн кёрсе, кюндюз чыракъ джандырыр.
- Байлыкъ тауусулур, билим тауусулмаз.
- Алгъанда – джууукъ, бергенде – джау.
- Мураты болгъанны джюрек тебюую башхады.
- Биреу къой излей, биреу той излей.
- Айтхан – тынч, этген – къыйын.
