- Этим кетсе да, сюегим къалыр.
- Джарлы тюеге минсе да, ит къабар.
- Азыкълы ат арымаз, къатыны аман джарымаз.
- Башсыз урчукъ тюзюне айланмаз.
- Аман къатын алгъан, арыр, иги къатын алгъан джарыр.
- Ариу сёз джыланны орнундан чыгъарыр.
- Онгсузну – джакъла, тенгликни – сакъла.
- Кийим тукъум сордурур.
- Таякъ этден ётер, тил сюекден ётер.
- Мал тутхан – май джалар.
- Ёзденликни кёбю ётюрюк.
- Ишлерге уял да, ашаргъа табма.
- Ишин билген, аны сыйын чыгъарады.
- Телиге акъыл салгъандан эсе, ёлгеннге джан салырса.
- Игиге айтсанг – билир, аманнга айтсанг – кюлюр.
- Аджаллыгъа окъсуз шкок атылыр.
- Адебсиз адам – джюгенсиз ат.
- Ариу джол аджал келтирмез.
- Джырына кёре эжиую.
- Чакъырылмагъан къонакъ тёрге атламаз.
- Сагъыш – къартлыкъгъа сюйюмчю.
- Бети къызарыучу адамны, джюреги харам болмаз.
- Чакъырылгъанны аты, чакъырылмагъанны багъасы болур.
- Билимсиз иш бармаз.
- Уллу къазанда бишген эт, чий къалмаз.
- Намысы болмагъанны, сыйы болмаз.
- Хаухну атма, ёнгкючню сатма.
- Эм ашхы къайын ана мамукъ бла башынгы тешер.
- Къыз келсе, джумуш эте келеди, къатын келсе, ушакъ эте келеди.
- Ёлген ийнек сютлю болур.
- Къоркъакъны кёзю экили кёрюр.
- Таукел къуру къалмаз.
- Сыфатында болмагъаны, суратында болмаз.
- Оюмсуз атлагъан, аджалсыз ёлюр.
- Термилгенинги табмазса, кюлгенинге тюберсе.
- Босагъа таш юйге кирмей эди, тыбыр таш эшикге чыкъмай эди.
- Ёлген эшек бёрюден къоркъмайды.
- Тешик этген тынчды, аны джамагъан къыйынды.
- Башланнган иш битер, къымылдагъан тиш тюшер.
- Арба аугъандан сора, джол кёргюзтюучю кёб болур.
- Ашын ашагъанынгы, башын да сыйла.
- Байлыкъ келсе, акъыл кетер.
- Кимни – тили, тиши онглу, кимни – къолу, иши онглу.
- Бал – татлы, балдан да бала – татлы.
- Ата – билек, ана – джюрек!
- Чакъырылмагъан къонакъ къачан кетерин сормаз.
- Дуния аламаты сен эсенг да, игиме деб айтма.
- Биреу къой излей, биреу той излей.
- Кёз – сюйген джерде, къол – ауругъан джерде.
- Эркишини аманы тиширыуну джылатыр.
