- Биреуню къыйынлыгъы бла кесинге джол ишлеме.
- Аякъларынгы джууургъанынга кёре узат.
- Адебни адебсизден юрен.
- Чыбыкълыкъда бюгюлмеген, къазыкълыкъда бюгюлмей эди.
- Халкъны джырын джырласанг, халкъ санга эжиу этер.
- Ойнай билмеген, оюн бузар.
- Гитче джилтин уллу элни джандырыр.
- Къарын къуру болса, джюрек уру болур.
- Къонакъ болсанг, ийнакъ бол.
- Биреуню эскиси биреуге джангы болмайды.
- Сууда джау джокъ, кёб сёзде магъана джокъ.
- Юйлю уругъа ит чабмаз.
- Мал кёб болса, джууукъ кёб болур.
- Дженгил джетерикме деб, узун джолну къоюб, къысхасын барма.
- Суугъа – таянма, джаугъа – ийнанма.
- «Ёгюз, джаргъа джууукъ барма, меннге джюк боллукъса», - дегенди эшек.
- Тил бла келеди джыр да.
- Кийимни бичсенг, кенг бич, тар этген къыйын тюлдю.
- Ишин билген, аны сыйын чыгъарады.
- Башынга джетмегенни сорма.
- Аз сёлешген, къайгъысыз турур.
- Ата Джуртун танымагъан, атасын да танымаз.
- Тау башында, тау болмаз, джангыз терек, бау болмаз.
- Тенгинг джокъ эсе – изле, бар эсе – сакъла!
- Къанны къан бла джуума, аманны аман бла къуума.
- Тойчу джашха къарама, къойчу джашха къара.
- Ойнаб айтсанг да, эслеб айт.
- Ашхы сёз таш тешер.
- Кёл – къызбай, къол – батыр.
- Ишленмеген джаш – джюгенсиз ат, ишленмеген къыз – тузсуз хант.
- Эшекге миннген – биринчи айыб, андан джыгъылгъан – экинчи айыб.
- Джарашыу сюйген – джалынчакъ.
- Ач къарынны, токъ билмез
- Берекет берсин деген джерде, берекет болур.
- Окъуусуз билим – джокъ, билимсиз кюнюнг – джокъ.
- Кёбге таш атма.
- Джарлы джети элни сёзюн этер.
- Гыдай эчки суугъа къараб, мюйюзле кёрмесе, джашма алкъын, дегенди.
- Гугурук къычырмаса да, тангны атары къалмаз.
- Иги адамны бир сёзю эки болмаз.
- «Ма», - дегенни билмесенг, «бер», - дегенни билмезсе.
- Кесине оноу эте билмеген, халкъына да эте билмез.
- Ёлген аслан – сау чычхан.
- Тёзген – тёш ашар!
- Аллахдан тилесенг, кёб тиле.
- Сабий болмагъан джерде, мёлек болмаз.
- Къонагъынгы артмагъын алма да, алгъышын ал.
- Рысхы – насыбха къор.
- Сабий кёргенин унутмаз.
- Игини сыйлагъан адетди.
