- Этек чакъмакълары баш джаргъан, сёлешген сёзлери таш джаргъан.
- Иесиз малны бёрю ашар.
- Халкъны юйю – туугъан джери.
- Ашхы болсанг, атынг чыгъар, аман болсанг, джанынг чыгъар.
- Кесине гебен этелмеген, биреуге черен эте эди.
- Джигер – джаннга къыйынлыкъ.
- Къобан да къуру да къобханлай турмайды, адам да къуру да патчахлай турмайды.
- Ариу сёзде ауруу джокъ.
- Мал тутхан – май джалар.
- Айырылгъанланы айю ашар, бёлюннгенлени бёрю ашар.
- Тёрде – темир таякълы, къаяда – чыпчыкъ аякълы.
- Эрине къаргъыш этген къатын, эрнин къабар.
- Тешигини къатында, чычхан да батыр болур.
- Экеу тутушса, биреу джыгъылыр.
- Аманнга игилик этсенг, юйюнге сау бармазса.
- Уллу сёзде уят джокъ.
- Кёб джат да, бек чаб.
- Адамны бетине къарама, адетине къара.
- Таукелге нюр джауар.
- Орундукъ тюбюнде атылсам да, орта джиликме, де да айлан.
- Азыкъ аз болса, эртде орун сал.
- Дуния аламаты сен эсенг да, игиме деб айтма.
- Элге къуллукъ этмеген, элге ие болмаз.
- Чабакъ башындан чирийди.
- Кеси юйюмде мен да ханма.
- Къая джолда джортма, ачыкъ сёзден къоркъма.
- Джаралыны джастыгъында сау ёлюр.
- Ач да бол, токъ да бол – намысынга бек бол.
- Махтаннган къыз, тойда джукълар.
- Ата джурт – алтын бешик.
- Кёпюр салгъан кеси ётер, уру къазгъан кеси кетер.
- Ашыкъгъанны этеги бутуна чырмалыр.
- Тилде сюек болмаса да, сюек сындырыр.
- Гырджын – тепсини тамадасы.
- Юре билмеген ит, къонакъ келтирир.
- Чомарт джарлы болмаз.
- Тойгъа барсанг, тоюб бар, эски тонунгу къоюб бар.
- Кёлю джокъну – джолу джокъ.
- Джарлыны эшигин махтагъан джабар.
- Ёзденликни джайгъан – джокълукъ.
- Халкъны джырын джырласанг, халкъ санга эжиу этер.
- Алим болгъандан эсе, адам болгъан къыйынды.
- Къуллукъчума, деб махтанма, къуллукъ – хаух джамчыды!
- Къонакъ аз олтурур, кёб сынар.
- Аз сёлеш, кёб ишле.
- Джетген къыз джерли эшекни танымаз.
- Ариу сёз аурууунгу алыр.
- Рысхысына кёре, джаш ёсер, къышлыгъына кёре, мал ёсер.
- «Ёгюз, джаргъа джууукъ барма, меннге джюк боллукъса», - дегенди эшек.
- Джылар джаш, атасыны сакъалы бла ойнар.
