- Таукел адам тау тешер.
- Ана кёлю – балада, бала кёлю – талада.
- Джыланны къуйругъундан басарынг келсе, аны башы болгъанын унутма.
- Этим кетсе да, сюегим къалыр.
- Эркишиге тары кебек танг кёрюнюр.
- Баш болса, бёрк табылыр.
- Окъугъанны бети джарыкъ.
- Аз сёлешген, къайгъысыз турур.
- Ауругъан – джашаудан умутчу.
- Аманнга игилик этсенг, юйюнге сау бармазса.
- Тойгъа алгъа да барма, тойда артха да къалма.
- Аууз сакълагъан – джан сакълар.
- Аууздан келген, къолдан келсе, ким да патчах болур эди.
- Нафысынгы айтханын этме, намысынгы айтханын эт.
- Аурууну келиую тынч, кетиую – къыйын.
- Кёзню ачылгъаны – иги, ауузну джабылгъаны – иги.
- Намысы болмагъанны, сыйы болмаз.
- Ишлегенде эринме, ишде чолакъ кёрюнме.
- Орундукъ тюбюнде атылсам да, орта джиликме, де да айлан.
- Ишлемеген – тишлемез.
- Тешик этген тынчды, аны джамагъан къыйынды.
- Керек ташны ауурлугъу джокъ.
- Арба аугъандан сора, джол кёргюзтюучю кёб болур.
- Ауузу аманнга «иги», деме.
- Къыз чыгъаргъан – къызыл къымжа.
- Акъыл сабырлыкъ берир.
- Джангыз терек къынгыр ёсер.
- Тюзлюк тас болмайды.
- Башы джабылгъан челекге, кир тюшмез.
- Эте билген, этген этеди, эте билмеген, юретген этеди!
- Хантына кёре тузу, юйюне кёре къызы.
- Ариу – кёзге, акъыл – джюрекге.
- Адам боллукъ, атламындан белгили болур.
- Малны кют, джерни тюрт.
- Къалгъан ишге къар джауар.
- Акъыл къартда, джашда тюйюлдю – башдады.
- Кёб джат да, бек чаб.
- Байны оноуу, джарлыгъа джарамаз.
- Кюн – узун, ёмюр – къысха.
- Ариу сёз – джаннга азыкъ, аман сёз – башха къазыкъ.
- Байма, деб да, къууанма, джарлыма, деб да, джылама.
- Эл ауузу – элек, анга ийнаннган – халек.
- Билими азны – ауузунда кирит.
- Къуру гыбыт бек дыгъырдар.
- Джюрекден джюрекге джол барды.
- Ханнга да келеди хариблик.
- Тели турса – той бузар.
- Сагъышы джокъ – джукъучу, акъылы джокъ – къаугъачы.
- Экиндини кеч къылсанг, чабыб джетер ашхам.
- Эр сокъур болсун, къатын тилсиз болсун.
