- Кюлме джашха – келир башха.
- Бичгенде ашыкъма, тикгенде ашыкъ.
- Дуния аламаты сен эсенг да, игиме деб айтма.
- Рысхы – насыбха къор.
- Ата джурт – алтын бешик.
- Чакъырылмагъан къонакъ – орунсуз.
- Адеб этмеген, адеб кёрмез.
- Къонагъынгы артмагъын алма да, алгъышын ал.
- Аман хансны – урлугъу кёб.
- Аджашханны ызындагъы кёреди, джангылгъанны джанындагъы биледи.
- Джырына кёре эжиую.
- Гугурук къычырмаса да, тангны атары къалмаз.
- Минг тенг да азды, бир джау да кёбдю.
- Терек ауса, отунчу – кёб.
- Бет бетге къараса, бет да джерге къарар.
- Узун джолну барсанг, бюгюн келирсе, къысха джолну барсанг, тамбла келирсе.
- Уллу къашыкъ эрин джыртар.
- Борчунг бар эсе, хурджунунга ойлаб узал.
- Чабар ат – джетген къыз.
- Аманны тукъумуна къарама, игини тукъумун сорма.
- Иши джокъну, сыйы джокъ.
- Акъыллы – эл иеси, тели – эл баласы.
- Бир онгсуз адам адет чыгъарды, деб эштирик тюлсе.
- Баш – акъыл ючюн, акъылман – халкъ ючюн.
- Ана къолу ачытмаз.
- Ашхы тенг джолгъа салыр, аман тенг джолдан тайдырыр.
- Киштикге къанат битсе, чыпчыкъ къалмаз эди.
- Ойнай билмеген, уруб къачар.
- Хансыз джомакъ болмаз.
- Кирсизни – саны таза, халалны – къаны таза.
- Тойну къарнашы – харс, джырны къарнашы – эжиу.
- Адамны аты башхача, акъылы да башхады.
- Ёлген аслан – сау чычхан.
- Джангыз терек къынгыр ёсер.
- Кёб къычыргъандан – къоркъма, тынч олтургъандан – къоркъ.
- Кёбню кёрген – кёб билир.
- Огъурлуну сёзю – суу, огъурсузну сёзю – уу.
- Насыблы элин сюер, насыбсыз кесин сюер.
- Тас болгъан бычакъны сабы – алтын.
- Джигер – джаннга къыйынлыкъ.
- Къонакъ аз олтурур, кёб сынар.
- Тил бла келеди джыр да.
- Ашыкъгъан cуу, тенгизге джетмез.
- Эки итни арасына сюек атма, эки адамны арасында сёз чыгъарма.
- Таугъа чыгъаллыкъ эсенг, тюзде къалма.
- Уясында не кёрсе, учханында аны этер.
- Уллу сёлешме да, уллу къаб.
- Кюн кёрмеген, кюн кёрсе, кюндюз чыракъ джандырыр.
- Келгинчи, къонакъ уялыр, келгенден сора, къонакъбай уялыр.
- Адеб базарда сатылмаз.
