- Джолунга кёре – джюрюшюнг, джагъанга кёре – юлюшюнг.
- Кёб джашагъан – кёб билир.
- Эр сокъур болсун, къатын тилсиз болсун.
- Акъыллы – эл иеси, тели – эл баласы.
- Арбаз сайлама да, хоншу сайла.
- Кенгеш болса, уруш болмаз.
- Чабакъ башындан чирийди.
- Ишлегенде эринме, ишде чолакъ кёрюнме.
- Билмейме деген – бир сёз
- Зар адамны насыбы болмаз.
- Джарлы джети элни сёзюн этер.
- Бёрю да ач къалмасын, эчки да ашалмасын.
- Бети – къучакълар, джюреги – бычакълар.
- Джылыгъа джылан илешир.
- Адам сёзюнден белгили.
- Мал ёлсе, сюек къалыр, адам ёлсе, иши къалыр.
- Тура эдим джата, къайдан чыкъды хата?
- Сакъ юйюне сау барыр.
- Чарсда алчыны эл кёреди.
- Ашхы – джыяр, аман – джояр.
- Ёмюрлюк шохлукъну джел элтмез.
- Суу кетер, таш къалыр.
- Ишлемеген – тишлемез.
- Халкъны джырын джырласанг, халкъ санга эжиу этер.
- Ашхы тенг джолгъа салыр, аман тенг джолдан тайдырыр.
- Адамгъа аман кюн соруб келмейди.
- Ата – билек, ана – джюрек!
- Битмегеннге сакъал – танг.
- Ашхы атаны – джашы ашхы, ашхы ананы – къызы ашхы.
- Насыблы элин сюер, насыбсыз кесин сюер.
- Сютню башын джалагъан къутулур, тюбюн ичген тутулур.
- Тилсиз миллет джокъ болур.
- Байма, деб да, къууанма, джарлыма, деб да, джылама.
- Намысы джокъну – дуниясы джокъ.
- Ётген ёмюр – акъгъан суу.
- Кюн – узун, ёмюр – къысха.
- Джашны джигитлиги сорулур, къызны джигерлиги сорулур.
- Эринчекни аурууу – кёб.
- Кюлме джашха – келир башха.
- Адам къаллай бир ишленмесе, аллай бир кесин уллу кёреди.
- Юйюнгден чыкъдынг – кюнюнгден чыкъдынг.
- Бичгенде ашыкъма, тикгенде ашыкъ.
- Ойнай-ойнай кёз чыгъар.
- Борчунг бар эсе, хурджунунга ойлаб узал.
- Джаз бир кюнню джатсанг, къыш талай кюнню абынырса.
- Ашда – бёрю, ишде – ёлю.
- Аджашхан тёгерек айланыр.
- Кюл тюбюндеги от кёрюнмейди.
- Джогъун бар этген, барын бал этген.
- Бир онгсуз адам адет чыгъарды, деб эштирик тюлсе.
