- Сакъ юйюне сау барыр.
- Адамны сабийин сюйген джюреги, бычакъча, джитиди.
- Къартха ушагъан джаш – акъыллы, джашха ушагъан къарт – тели.
- Баш – акъыл ючюн, акъылман – халкъ ючюн.
- Нарт сёз къарт болмаз.
- Башы ишлегенни, ауузу да ишлер.
- Джюрек кёзден алгъа кёрюр.
- Телини эшигин, махтау джабар.
- Ишленмеген джаш – джюгенсиз ат, ишленмеген къыз – тузсуз хант.
- Аш иеси бла татлыды.
- Ашлыкъ – бюртюкден, джюн – тюкден.
- Арбаз сайлама да, хоншу сайла.
- Келинни – келгинчи, бёркню кийгинчи кёр.
- Сёз садакъдан кючлюдю.
- Таукелге нюр джауар.
- Акъылсызны джууукъгъа алма, акъыллыны кенгнге салма.
- Шапа кёб болса, аш татымсыз болур.
- Тыш элде солтан болгъандан эсе, кесинги элде олтан болгъан игиди!
- Юйлю уругъа ит чабмаз.
- Ишленмеклик адамлыкъды.
- Бал ашаргъа сюе эсенг, чибин ургъаннга тёз.
- Эл бла кёргенинг эрелей.
- Сабыр джетер муратха, сабырсыз къалыр уятха.
- Билген билмегенни юретген адетди.
- Накъырданы арты керти болур.
- Билимсиз иш бармаз.
- Ашына кёре табагъы, балына кёре къалагъы.
- Хар ишни да аллы къыйынды.
- Ёксюзню къалачы уллу кёрюнюр.
- Киштикге къанат битсе, чыпчыкъ къалмаз эди.
- Хар адамгъа кеси миннген тау кибик.
- Кюлме джашха – келир башха.
- Джырына кёре эжиую.
- Къолу уллу – асыу, аягъы уллу – джарсыу.
- Дуния аламаты сен эсенг да, игиме деб айтма.
- «Ёгюз, джаргъа джууукъ барма, меннге джюк боллукъса», - дегенди эшек.
- Ашда уялгъан – мухар, ишде уялгъан – хомух.
- Билими азны – ауузунда кирит.
- Кёкдеги болмаса, джердегин кёрмейди.
- Битмегеннге сакъал – танг.
- Сютден ауузу кюйген, суугъа юфгюре эди.
- Къазанны башы ачыкъ болса, итге уят керекди.
- Джылар джаш, атасыны сакъалы бла ойнар.
- От кюйдюрген, сау болса да, тот кюйдюрген, сау болмаз.
- Итли къонакъ джарашмаз.
- Къартны сыйын кёрмеген, къартлыгъында сыйлы болмаз.
- Адамны адамлыгъы къыйынлыкъда айгъакъланады.
- Джангызны оту джарыкъ джанмаз!
- Тиширыусуз юй – отсуз от джагъа.
- Ашда – бёрю, ишде – ёлю.
