- Уллу атлама – абынырса, уллу къабма – къарылырса.
- Ойнай билмеген, уруб къачар.
- Таула не мийик болсала да, аууш табылыр.
- Окъ къызбайны джокълайды.
- Чакъырылмагъан къонакъ тёрге атламаз.
- Арыгъан къош чамчы болур.
- Эр сокъур болсун, къатын тилсиз болсун.
- Игини сыйлагъан адетди.
- Эркишини аманы тиширыуну джылатыр.
- Иги сёз – джаннга азыкъ, аман сёз башха – къазыкъ.
- Аджалсыз ёлюм болмаз.
- Сакъламагъан затынга джолукъсанг, не бек къууанаса, не бек ачыйса.
- Уллу къазанда бишген эт, чий къалмаз.
- Экеу тутушса, биреу джыгъылыр.
- Тынгылагъан тынгы бузар.
- Кёз – сюйген джерде, къол – ауругъан джерде.
- Хоншуну тауугъу къаз кёрюнюр, келини къыз кёрюнюр.
- Тик ёргени, тик энгишгеси да болады.
- Бир абыннган – минг сюрюнюр.
- Окъугъан – асыу, окъумагъан – джарсыу.
- Эки итни арасына сюек атма, эки адамны арасында сёз чыгъарма.
- Керек ташны ауурлугъу джокъ.
- Къаллай салам берсенг, аллай джууаб алырса.
- Билеги кючлю, бирни джыгъар, билими кючлю, мингни джыгъар.
- Ёпкелегенни ашы татлы болады.
- Джеринден айырылгъан – джети джылар, джуртундан айырылгъан – ёлгюнчю джылар.
- Харам къарнашдан, халал тенг ашхы.
- Акъыл аздырмаз, билим тоздурмаз.
- Джюрекден джюрекге джол барды.
- Тёзген – тёш ашар!
- Алтыда кюлмеген, алтмышда кюлмез.
- Къазанны башы ачыкъ болса, итге уят керекди.
- Джангыз торгъай джырламаз.
- Тойну къарнашы – харс, джырны къарнашы – эжиу.
- Аз сёлеш, кёб ишле.
- Ушамагъан – джукъмаз.
- Къарт бла баш аша, джаш бла аякъ аша.
- Акъыллы айтыр эди, акъылсыз къоймайды.
- Аман адам элни бир-бирине джау этер.
- Рысхысына кёре, джаш ёсер, къышлыгъына кёре, мал ёсер.
- Эл элде бирер малынг болгъандан эсе, бирер тенгинг болсун.
- Башда акъыл болмаса, эки аякъгъа кюч джетер.
- Билимсиз иш бармаз.
- Эллинг бла джау болсанг да, юйюнг бла джау болма.
- Къошда джокъгъа – юлюш джокъ.
- Къулакъдан эсе, кёзге ышан.
- Уллу сёлешме да, уллу къаб.
- Ата Джуртун танымагъан, атасын да танымаз.
- Башланнган иш битер, къымылдагъан тиш тюшер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
