- Къарт болгъан джерде, берекет болур, сабий болгъан джерде, оюн болур.
- Минг тенг да азды, бир джау да кёбдю.
- Таякъ этден ётер, тил сюекден ётер.
- Ишлемеген – тишлемез.
- Къолу уллу – асыу, аягъы уллу – джарсыу.
- Адам боллукъ, атламындан белгили болур.
- Ойнай билмеген, уруб къачар.
- Джюрекден джюрекге джол барды.
- Хар сёзню орну барды.
- Бастасын ашагъан, хантусун да ичер.
- Чакъырылгъанны аты, чакъырылмагъанны багъасы болур.
- Джумушакъ сёз къаты таякъны сындырыр.
- Телиге от эт десенг, юйюнге от салыр.
- Кийимни бичсенг, кенг бич, тар этген къыйын тюлдю.
- Таукелге нюр джауар.
- Джашлыкъ этмеген, башлыкъ этмез.
- Тил – миллетни джаны.
- Къызын тута билмеген, тул этер, джашын тута билмеген, къул этер.
- Кёбге таш атма.
- Тешик этген тынчды, аны джамагъан къыйынды.
- Дуния мал дунияда къалады.
- Хата – гитчеден.
- Ёксюзню къалачы уллу кёрюнюр.
- Малны кют, джерни тюрт.
- Эте билген, этген этеди, эте билмеген, юретген этеди!
- Билими азны – ауузунда кирит.
- Ёзденликни кёбю ётюрюк.
- Ханнга да келеди хариблик.
- Арбаз сайлама да, хоншу сайла.
- Агъач – джерни чырайы, кийим – эрни чырайы.
- Тойгъандан сора, ашны сёкме.
- Ач къалгъандан, кеч къалгъан къолай.
- Айырылгъанланы айю ашар, бёлюннгенлени бёрю ашар.
- Сагъыш – къартлыкъгъа сюйюмчю.
- Ургъан суудан башынгы сакъла.
- Хазыр ашха – терен къашыкъ.
- Чакъырылмагъан джерге барма, чакъырылгъан джерден къалма.
- Ёксюзню тилеги къабыл болур.
- Окъугъан озар, окъумагъан тозар.
- Телиге акъыл салгъандан эсе, ёлгеннге джан салырса.
- Арпа, будай – ащды, алтын, кюмюш а – ташды.
- Тюкюрюк баш джармаз, налат кёз чыгъармаз!
- Тойгъа барсанг, тоюб бар, эски тонунгу къоюб бар.
- Сёз къанатсыз учар.
- Биреуге аманлыкъны тилеме да, кесинге ашхылыкъны тиле.
- Иги сёз – джаннга азыкъ, аман сёз башха – къазыкъ.
- Кюн кёрмеген, кюн кёрсе, кюндюз чыракъ джандырыр.
- Юйюнг бла джау болгъандан эсе, элинг бла джау бол.
- Кесинге джетмегенни, кёб сёлешме.
- Къарнынг тойгъунчу аша да, белинг талгъынчы ишле.
