- Кимни – тили, тиши онглу, кимни – къолу, иши онглу.
- Ашда уялгъан – мухар, ишде уялгъан – хомух.
- Татлы тилде – сёз ариу, чемер къолда – иш ариу.
- Къоркъакъны кёзю экили кёрюр.
- Тойгъан антын унутур.
- Байлыкъ тауусулур, билим тауусулмаз.
- Орундукъ тюбюнде атылсам да, орта джиликме, де да айлан.
- Джырына кёре эжиую.
- Сабийликде юретмесенг, уллу болса – тюзелмез.
- Айран ичген – къутулду, джугъусун джалагъан – тутулду.
- Хар адамгъа кеси миннген тау кибик.
- Хоншуну тауугъу къаз кёрюнюр, келини къыз кёрюнюр.
- Этни да ашады, бетни да ашады.
- Онгсузну – джакъла, тенгликни – сакъла.
- Ёлюк кебинсиз къалмаз.
- Джерни букъусу кёкге къонмаз.
- Бичгенде ашыкъма, тикгенде ашыкъ.
- Сууда джау джокъ, кёб сёзде магъана джокъ.
- Эркиши – от, тиширыу – суу.
- Эки элинги тыйсанг, джети элде махталырса.
- Адамны джюреги нени кёрюрге сюйсе, кёзю да аны кёрюрге ёч болады.
- Сакъалы текени да бар, мыйыгъы киштикни да бар.
- Малны кют, джерни тюрт.
- Бети бедерден, намыс сакълама.
- Билимсиз иш бармаз.
- От этилмеген джерден тютюн чыкъмайды.
- Кёкдеги болмаса, джердегин кёрмейди.
- Джаш болсун, къыз болсун, акъылы, саны тюз болсун.
- Джумушакъ терекни къурт ашар.
- Тамырсыз терекге таянма – джыгъылырса.
- Аш берме да, къаш бер.
- Къарыусузгъа кюлме, онгсузгъа тийме.
- Ач отунчуну ачыуу – бурнунда.
- Акъылсызны джууукъгъа алма, акъыллыны кенгнге салма.
- Тюз сёз баргъан сууну тыяр.
- Таукелге нюр джауар.
- Тыш элде солтан болгъандан эсе, кесинги элде олтан болгъан игиди!
- Ариу сёз – къылычдан джити.
- Уллу къашыкъ эрин джыртар.
- Накъырда – кертини келечиси.
- Чабакъсыз кёлге къармакъ салгъанлыкъгъа, чабакъ тутмазса.
- Тенги кёбню джау алмаз, акъылы кёбню дау алмаз.
- Чакъырылмагъан къонакъ къачан кетерин сормаз.
- Ашхы болсанг, атынг чыгъар, аман болсанг, джанынг чыгъар.
- Кёз – сюйген джерде, къол – ауругъан джерде.
- Ата Джуртун танымагъан, атасын да танымаз.
- Джетген къыз джерли эшекни танымаз.
- Къарнынг бла ёч алма.
- Ойнай билмеген, оюн бузар.
- Сабыр джетер муратха, сабырсыз къалыр уятха.
