- Келлик заман – къартлыкъ келтирир, кетген заман – джашлыкъ ёлтюрюр.
- Джангыз торгъай джырламаз.
- Ёлюк кебинсиз къалмаз.
- Къыз тиширыу кеси юйюнде да къонакъды.
- Адам сёзге тынгыла, акъыл сёзню ангыла.
- Телиге акъыл салгъандан эсе, ёлгеннге джан салырса.
- Аурууну келиую тынч, кетиую – къыйын.
- Эрине къаргъыш этген къатын, эрнин къабар.
- Тынгылагъан тынгы бузар.
- Ойнай билмеген, уруб къачар.
- Джашны джигитлиги сорулур, къызны джигерлиги сорулур.
- Махтаннган къыз, тойда джукълар.
- Бал – татлы, балдан да бала – татлы.
- Мухар, кеси тойса да, кёзю тоймаз.
- Аз айтсам, кёб ангылагъыз.
- Тели турса – той бузар.
- Керек ташны ауурлугъу джокъ.
- Билимли ёлмез, билимсиз кёрмез.
- Адамны аманы адамны бети бла ойнар.
- Джырчы джырчыгъа – къарнаш.
- Аллахха ийнаннган кишини, Аллах онгдурур ишин.
- Ата Джуртуму башы болмасам да, босагъасында ташы болайым.
- Кёкдеги болмаса, джердегин кёрмейди.
- Кёз – сюйген джерде, къол – ауругъан джерде.
- Айтылгъан буйрукъ, сёгюлмез
- Къатын байлыкъны сюер, эр саулукъну сюер.
- Экеу тутушса, биреу джыгъылыр.
- Ашда – бёрю, ишде – ёлю.
- Насыб бютеу халкъны юлюшюдю.
- Уллу къашыкъ эрин джыртар.
- Джюрекден джюрекге джол барды.
- Чомартны къолун джокълукъ байлар.
- Огъурлуну сёзю – суу, огъурсузну сёзю – уу.
- Ойнай-ойнай кёз чыгъар.
- Атлыны ашхысы, ат тизгининден билинир
- Аш хазыр болса, иш харам болур.
- Аманнга алтын чыдамаз.
- Аджашхан тёгерек айланыр.
- Кёб ант этген, кёб ётюрюк айтыр.
- Рысхы – насыбха къор.
- Алим болгъандан эсе, адам болгъан къыйынды.
- Окъуу – билимни ачхычы, окъуу – дунияны бачхычы.
- Чомарт джарлы болмаз.
- Нёгер болсанг, тенг бол, тенг болмасанг, кенг бол.
- Ана – юйню кюн джарыгъы.
- Къуллукъчума, деб махтанма, къуллукъ – хаух джамчыды!
- Олтуруб кёрюнмей эди да, ёрге туруб кёрюне эди.
- Ауузу аманнга «иги», деме.
- Сютден ауузу кюйген, суугъа юфгюре эди.
- Сагъыш – къартлыкъгъа сюйюмчю.
