- Ауругъан – джашаудан умутчу.
- Нёгер болсанг, тенг бол, тенг болмасанг, кенг бол.
- Окъугъанны бети джарыкъ.
- Тенгни тенглиги джашай барсанг билинир.
- Мен да «сен», дейме, сен да «кесим», дейсе.
- Ургъан суудан башынгы сакъла.
- Ётюрюкню башын керти кесер.
- Джиби бир къат джетмей эди да, эки къат тарта эди.
- Кёб къычыргъандан – къоркъма, тынч олтургъандан – къоркъ.
- Хар ишни да аллы къыйынды.
- Киштикге къанат битсе, чыпчыкъ къалмаз эди.
- Эллинг бла джау болсанг да, юйюнг бла джау болма.
- Татлы сёз – балдан татлы.
- Ойнаб айтсанг да, эслеб айт.
- Термилгенинги табмазса, кюлгенинге тюберсе.
- Абынмазлыкъ аякъ джокъ, джангылмазлыкъ джаякъ джокъ.
- Айтхан – тынч, этген – къыйын.
- Ётген ёмюр – акъгъан суу.
- Эр абынмай, эл танымаз.
- Кийимни бичсенг, кенг бич, тар этген къыйын тюлдю.
- Кёл ашады да, кеси ашады.
- Къан бла кирген, джан бла чыгъар.
- Джумушакъ терекни къурт ашар.
- Дуния малгъа сатылма, кесингден телиге къатылма.
- Хунаны тюбюн къазсанг, юсюнге ауар.
- Айраннга суу къош, телиге джол бош.
- Насыблы элин сюер, насыбсыз кесин сюер.
- Ачыкъ джюрекге джол – ачыкъ.
- Бир онгсуз адам адет чыгъарды, деб эштирик тюлсе.
- Билген билмегенни юретген адетди.
- Ана къойну – балагъа джандет.
- Ёпкелегенни ашы татлы болады.
- Къазанны башы ачыкъ болса, итге уят керекди.
- Кютгени беш эчки, сызгъыргъаны уа, джерни джарады.
- Бозаны арты дауур болур.
- Къайгъы тюбю – тенгиз.
- Азыкъ аз болса, эртде орун сал.
- Окъдан джара эртде-кеч болса да бителир, сёз джара, ёмюрге къалыр.
- Экиндини кеч къылсанг, чабыб джетер ашхам.
- Эрине къаргъыш этген къатын, эрнин къабар.
- Билим ат болуб да чабар, къуш болуб да учар.
- Татлы тилде – сёз ариу, чемер къолда – иш ариу.
- Урама да – ёледи, сатама да – келеди.
- Адамны сабийин сюйген джюреги, бычакъча, джитиди.
- Тели турса – той бузар.
- Тойгъа алгъа да барма, тойда артха да къалма.
- Ёлген эшек бёрюден къоркъмайды.
- Ариу сёз аурууунгу алыр.
- Ариу – кёзге, акъыл – джюрекге.
- Эли джокъну – кёлю джокъ.
