- Тенгинг джокъ эсе – изле, бар эсе – сакъла!
- Биреу къой излей, биреу той излей.
- Къалгъан ишге къар джауар.
- Тёзгеннге, джабылгъан эшик ачылыр.
- Тойгъан джерге джети къайт.
- Хансыз джомакъ болмаз.
- Айтхан – тынч, этген – къыйын.
- Къарнынг ауруса, ауузунгу тый
- Джаз бир кюнню джатсанг, къыш талай кюнню абынырса.
- Таугъа чыгъаллыкъ эсенг, тюзде къалма.
- Къууут – джелге, берне – бошха.
- Чомартха Тейри да борчлуду.
- От кюйдюрген, сау болса да, тот кюйдюрген, сау болмаз.
- Ойнай билмеген, оюн бузар.
- Ариу сёзде ауруу джокъ.
- Джетген къыз джерли эшекни танымаз.
- Къыйынлы джети элге оноу этер.
- Джерни букъусу кёкге къонмаз.
- Ашатыргъа иш – ашхы, ишлетирге аш – ашхы.
- Акъыллы айтыр эди, акъылсыз къоймайды.
- Таш бла ургъанны, аш бла ур.
- Эл тойса, тоймагъан, эл къойса, къоймагъан.
- Алим болгъандан эсе, адам болгъан къыйынды.
- Мал кёб болса, джууукъ кёб болур.
- Къобан да къуру да къобханлай турмайды, адам да къуру да патчахлай турмайды.
- Къайгъыны сюйген, къайгъы табар.
- Соргъан айыб тюлдю, билмеген айыбды.
- Шайтан алдады, тюзлюк къаргъады.
- Ауругъан – джашаудан умутчу.
- Аджалсыз ёлюм болмаз.
- Кёзден кетген, кёлден да кетеди.
- Хазыр ашха – терен къашыкъ.
- Кёзю сокъурдан – къоркъма, кёлю сокъурдан – къоркъ.
- Джети тилни билген джети кишиди.
- Тамырсыз терекге таянма – джыгъылырса.
- Къыз тиширыу кеси юйюнде да къонакъды.
- Зарда марда джокъ.
- Терслик кетер, тюзлюк джетер.
- Ушамагъан – джукъмаз.
- Сыфатында болмагъаны, суратында болмаз.
- Билим – акъылны чырагъы.
- Чабар ат – джетген къыз.
- Босагъа таш юйге кирмей эди, тыбыр таш эшикге чыкъмай эди.
- Адебни адебсизден юрен.
- Баш – акъыл ючюн, акъылман – халкъ ючюн.
- Къонакъ болсанг, ийнакъ бол.
- Ёпкелегенни ашы татлы болады.
- Къанны къан бла джуума, аманны аман бла къуума.
- Чабакъ башындан чирийди.
- Хатерли къул болур.
